Kɛ́nsísɔ́ 5:21 - MAWUXÓWÉMA

²¹ Mawu Mavɔmavɔ ní dɔn tó nú we; é ní bló bónú a nǐ húzú wɛnsinɔ; é ní bló bónú adɔgo towe ní jí; é ní bló mɔ̌ nú we, bónú gbɛ̌ towe lɛ́ɛ ná nɔ́ sɔ́ we dó ná xlɛ́, hwenu e yě ná ja nu dó mɛ ɖé gbé é.

Kɛ́nsísɔ́ 5:21 Iomraidhean Croise

2 Tan 21:15

Hwi ɖésú ɔ́, é ná sɛ́ azɔn tɛnmɛ tɛnmɛ dó we, xomɛzɔn ɖé ná bɛ́ nú we bó fɔ́n ɔ́, é ná nɔ́ ɖo syɛ́nsyɛ́n d'é jí wɛ káká bɔ adɔ e ɖo xo towe mɛ lɛ́ɛ ná tɔ́n jɛ wěxo.’ ”

Nɛɛmíi 10:29

Hwenu e mǐ ɖo kannumɔgbénu ɔ́, mɛ élɔ́ lɛ́ɛ gɔ́ nú yě: vɔ̌sánú-xwlémawutɔ́ Levíi ví lɛ́ɛ, hɔnjínɔtɔ́ lɛ́ɛ, hanjitɔ́ lɛ́ɛ, kpó mɛ e nɔ wa azɔ̌ kpaa ɖo Mawu xwé lɛ́ɛ kpó; toví wɛ nú yě. Mǐ mɛ e nɔ zɔ nú toɖévomɛnu lɛ́ɛ, bó nɔ́ gbejí nú Mawusɛ́n ɔ́ lɛ́ɛ ɔ́, mǐ kpó asi mǐtɔn lɛ́ɛ kpó, vǐ mǐtɔn súnnu kpó nyɔ̌nu kpó e ko ɖó nǔnywɛ́ lɛ́ɛ bǐ kpó wɛ gɔ́ nú yě.

Nǔnywɛ́xó 10:7

Mɛ e nɔ wa nǔ ɖó sɛ́nxwi jí ɔ́ nɔ́ jó flín ɖagbe dó bɔ è nɔ dó flín i ná. Mɛdídá ɔ́, è ka nɔ wɔn ɛ káká bó nɔ́ wɔn nyǐkɔ tɔn lɔ.

Ezayíi 65:15

Mɛ e un sɔ́ lɛ́ɛ ɔ́, nyǐkɔ mitɔn wɛ yě ná nɔ́ dó dó nu mɛ, yě ná nɔ́ ɖɔ: ‘Aklúnɔ Mavɔmavɔ ní hu we mɛ lě, abǐ keté lě ɖɔhun.’ Amɔ̌, mɛ e nyí mɛsɛntɔ́ ce lɛ́ɛ ɔ́, nyǐkɔ ɖěvo wɛ un ná ná yě.

Jelemíi 29:22

Énɛ́ ɔ́, è nǎ nɔ zé yě mɛ we lɛ́ɛ sín nyǐkɔ dó dó nu mɛ, ɖo mi Judáanu e ahwan wlí yi Babilɔ́nu lɛ́ɛ tɛ́ntin. È nǎ nɔ́ ɖɔ: Lě e Babilɔ́nu xɔ́sú ɔ́ mɛ ajotín gbeyíɖɔ Sedesíyasi kpó gbeyíɖɔ Akábu kpó tɔn gbɔn ɔ́, Mawu Mavɔmavɔ ní wa nǔ mitɔn gbɔn mɔ̌.

Kɛ́nsísɔ́ 5:27

Nú é ná sin ɔ́ nyɔ̌nu ɔ́ bɔ é nu fó ɔ́, nú nyɔ̌nu ɔ́ má nɔ gbejí nú asú tɔn ǎ, bó hɛn éɖée blí nǔgbó ɔ́, sin énɛ́ e nɔ́ hɛn nyladó wá nú mɛ ɔ́ ná yi xo tɔn mɛ, bó ná ná ɛ vǐvɛ́ sise; adɔgo tɔn ná jí; é ná húzú wɛnsinɔ. Nyɔ̌nu énɛ́ sín gbɛ̌ lɛ́ɛ ja nu dó mɛ gbé ɔ́, yě ná nɔ́ sɔ́ ɛ dó ná xlɛ́.

Matíe 26:74

Piyɛ́ɛ ka jɛ nu dó éɖée jí, bo jɛ nǔ bǐ xwlé jí, bo ɖɔ: “Un tunwun nya énɛ́ ǎ.” Tlóló ɔ́, kokló kɔ así,

Jozuwée 6:26

Hwenɛ́nu ɖokpó ɔ́, Jozuwée ɖɔ xó dó Jeliko toxo ɔ́ wú, é xwlé nǔ d'é jí ɖɔ: “Ényí mɛɖé tɛ́nkpɔ́n ɖɔ émí ná vɔ́ toxo élɔ́ blóɖó ɔ́, Mawu Mavɔmavɔ ní dó nu mɛ énɛ́ ɔ́. Nú é kun do bo ná dó dǒ ɔ́ do ɔ́, nukɔn ví tɔn wɛ é ná d'é mɛ; é ja hɔn lɛ́ɛ dó gbé ɔ́, vǐ tɔn kpodé ɔ́ wɛ é ná d'é mɛ.”

1 Samuwɛ́li 14:24

Izlayɛ́li ví lɛ́ɛ mɔ wǔvɛ́ gbe énɛ́ ɔ́ gbe ɖésú. Đó Sawúlu dó sɛ́n nú togun ɔ́ ɖɔ: “Mɛ ɖěbǔ ɖo mi mɛ bó sɔ́ nǔ ɖokpó dó nu cóbónú zǎn kú ɔ́, heelú mɛ ɔ́. Ényí mɛɖé ɖu nǔ cóbónú un ba hlɔn kɛntɔ́ ce lɛ́ɛ bǐ wú hǔn, heelú mɛ ɔ́.” Nǔgbó ɔ́, mɛɖé dó kɛ́n nu ǎ.