Kɛ́nsísɔ́ 5:2 - MAWUXÓWÉMA

² “Đɔ nú Izlayɛ́li ví lɛ́ɛ ɖɔ yě ní ɖe mɛ e ɖo wǔtuzɔn baɖabaɖa jɛ wɛ, abǐ mɛ e ɖo glɔ̌ zɔn jɛ wɛ, abǐ mɛ e ɖ'alɔ cyɔ ɖé wú lɛ́ɛ tɔ́n sín fí e mi ɖó gɔnu ɖó é, ɖó mɛ blíblí wɛ yě nyǐ.

Kɛ́nsísɔ́ 5:2 Iomraidhean Croise

2 Axɔ́sú 7:3

Gudunɔ ɛnɛ ɖé lɛ́ɛ ká ɖo toxo ɔ́ sín hɔntogbó jí, bó ɖɔ nú yěɖée ɖɔ: “Anǐwo! Mǐ ná nɔ fí káká bó kú wɛ a?

Levíi ví 13:45

“Mɛ e wú gudu ɖe mɔ̌ ɔ́, ɖó ná dó awu vúnvún. É ná vún ɖa ǎ; é ná cyɔ́n alɔ nu, bó ná nɔ́ sú xó ɖɔ: ‘Un nyí mɛ blíblí! Un nyí mɛ blíblí.’

Levíi ví 13:46

Nú azɔn ɔ́ kpo ɖo wǔtu tɔn jɛ́n wɛ ɔ́, mɛ blíblí nyí wɛ jɛ́n é ná ɖe; énɛ́ ɔ́ wú ɔ́, é ná nɔ vo; é ná nɔ fí e è ɖǒ gɔnu ɖó é ǎ.”

Levíi ví 13:8

bɔ vɔ̌sánú-xwlémawutɔ́ ɔ́ ná lɛ́ vɔ́ kpɔ́n ɛ. Nú é mɔ ɖɔ gun ɔ́ lɛ́ vɔ́ gbló d'é jí ɔ́, é ná ɖɔ mɛ blíblí wɛ. Nǔ e ɖo wǔ tɔn ɔ́ gudu wɛ.

Levíi ví 14:8

Mɛ e slá wǔ ná wɛ è ɖe ɔ́ ná nya avɔ tɔn lɛ́ɛ, bó ná xwlɛ́ fún e ɖo wǔtu tɔn ɔ́ bǐ, bó ná lɛ wǔ, bó húzú mɛ mímɛ́. Énɛ́ ɔ́ gúdo ɔ́, é sixú byɔ́ fí e yě ɖǒ gɔnu ɖó ɔ́. É ká ná byɔ́ goxɔ tɔn mɛ ǎ nú azǎn tɛ́nwe.

Levíi ví 21:1

Mawu Mavɔmavɔ ɖɔ nú Mɔyízi ɖɔ é ní ɖɔ nú Aalɔ́ɔn ví súnnu vɔ̌sánú-xwlémawutɔ́ lɛ́ɛ ɖɔ: “Vɔ̌sánú-xwlémawutɔ́ ɖó ná sɛkpɔ́ mɛ tɔn ɖé sín cyɔ ǎ; é táá hɛn éɖée blí.

Levíi ví 23:29

Mɛ e ma ná blá nu gbe énɛ́ ɔ́ gbe ǎ ɔ́, è nǎ ɖe e sín Izlayɛ́li togun ɔ́ mɛ.

Kɛ́nsísɔ́ 12:10

Akpɔ́kpɔ́ ɔ́ hɔ́n sín Goxɔ ɔ́ ta nu, bɔ è nǎ mɔ nǔɖé kpowun ɔ́, wǔtuzɔn baɖabaɖa ɖé jɛ́n kɔn nyi Miliamu wú, bó wé kɛ́njí ɖɔhun. Aalɔ́ɔn lílɛ́, bó kpɔ́n Miliamu, bó mɔ ɖɔ wǔtuzɔn baɖabaɖa ɖé ko kɔn nyi wǔ tɔn.

Kɛ́nsísɔ́ 12:14

Mawu Mavɔmavɔ ka ɖɔ nú Mɔyízi ɖɔ: “Nú atán wɛ tɔ́ tɔn kó tún dó nukún mɛ n'i ɔ́, é má ná nɔ winnyá mɛ xɔ azǎn tɛ́nwe ǎ cé? Mi bo ɖe e tɔ́n sín fí e mi ɖó gɔnu ɖó ɔ́ nú azǎn tɛ́nwe. Énɛ́ ɔ́ gúdo ɔ́, è nǎ lɛ́ yí i dó fí e mi ɖó gɔnu ɖó ɔ́.”

Kɛ́nsísɔ́ 31:19

Midɛɛ lɛ́ɛ ɔ́, mi ná tɔ́n sín fí e togun ɔ́ ɖó gɔnu ɖó ɔ́, bó ná yi ɖó gɔnu ɖó fí ɖěvo xɔ azǎn tɛ́nwe. Mɛ e ɖo mi mɛ bo hu gbɛtɔ́ lɛ́ɛ kpó mɛ e ɖó alɔ cyɔ wú lɛ́ɛ kpó bǐ ná slá wǔ azǎn atɔngɔ́ ɔ́ gbe kpó azǎn tɛ́nwegɔ́ ɔ́ gbe kpó; sɛ́n énɛ́ ɔ́ kan ahwankannumɔ mitɔn lɛ́ɛ lɔmɔ̌.

Kɛ́nsísɔ́ 5:1

Mawu Mavɔmavɔ ɖɔ nú Mɔyízi ɖɔ: