Kɛ́nsísɔ́ 5:19 - MAWUXÓWÉMA

¹⁹ Vɔ̌sánú-xwlémawutɔ́ ɔ́ ná ɖɔ nú nyɔ̌nu ɔ́ ɖɔ émí ɖɔ xó élɔ́ lɛ́ɛ ɔ́, é ná xwlé nǔ d'é jí; é ná ɖɔ nú nyɔ̌nu ɔ́ ɖɔ: ‘Ényí súnnu ɖěvo ma ɖó xó xá we ǎ, ényí a ma hɛn hwiɖée blí, bó blɛ́ asú towe ǎ, bó nu sin vívɛ́ élɔ́ e nɔ hɛn nyladó wá nú mɛ ɔ́ hǔn, é ní má wa nǔɖé nú we ó.

Kɛ́nsísɔ́ 5:19 Iomraidhean Croise

Kɛ́nsísɔ́ 5:12

é ní ɖɔ nú Izlayɛ́li ví lɛ́ɛ ɖɔ: “Mǐ ní ɖɔ nyɔ̌nu mɛsi ɖé dó afɔ gbě.

Kɛ́nsísɔ́ 5:18

Nyɔ̌nu ɔ́ ná nɔ te mɔ̌ ɖo Mawu Mavɔmavɔ nukɔn, bɔ vɔ̌sánú-xwlémawutɔ́ ɔ́ ná ɖe avɔ sín ta n'i. Énɛ́ ɔ́ gúdo ɔ́, é ná zé mɛɖegba sín nǔ e è nǎ, ɖó è vɛ nǔ d'é ɔ́ wú ɔ́ dó alɔ mɛ n'i. É ɖésú ná hɛn sin vívɛ́ e nɔ dɔn nyladó wá ɔ́ alɔ mɛ.

Kɛ́nsísɔ́ 5:28

Nú nyɔ̌nu ɔ́ má ká hɛn éɖée blí ǎ, bó ɖo gbejí ɔ́, è nǎ mɔ ɖɔ é ɖo xomɛvɔ́, bɔ é ná lɛ́ ji vǐ.

Matíe 26:63

Jezu ka tin d'é mɛ n'i. Vɔ̌sánú-xwlémawutɔ́ ɖaxó ɔ́ ka ɖɔ n'i ɖɔ: “Ɖo Mawu gbɛɖe ɔ́ sín nyǐkɔ mɛ ɔ́, ényí hwi wɛ nyí Klísu, Mawu ví ɔ́ nǔgbó hǔn, ɖɔ nú mǐ.”

Hlɔ̌manu 7:2

Nǔ e wú è nǎ kpɔ́n dó ɔ́ ɖíe: nyɔ̌nu e ɖo asúxwé ɔ́, sɛ́n ɔ́ cá ɛ dó asú tɔn wú, káká yi jɛ hwenu e asú tɔn ná nɔ gbɛ xɔ é bǐ; lo ɔ́, ényí asú ɔ́ kú ɔ́, nyɔ̌nu ɔ́ gosín sɛ́n e cá ɛ dó asú tɔn wú ɔ́ sín acɛ mɛ.