Kɛ́nsísɔ́ 5:18 - MAWUXÓWÉMA

¹⁸ Nyɔ̌nu ɔ́ ná nɔ te mɔ̌ ɖo Mawu Mavɔmavɔ nukɔn, bɔ vɔ̌sánú-xwlémawutɔ́ ɔ́ ná ɖe avɔ sín ta n'i. Énɛ́ ɔ́ gúdo ɔ́, é ná zé mɛɖegba sín nǔ e è nǎ, ɖó è vɛ nǔ d'é ɔ́ wú ɔ́ dó alɔ mɛ n'i. É ɖésú ná hɛn sin vívɛ́ e nɔ dɔn nyladó wá ɔ́ alɔ mɛ.

Kɛ́nsísɔ́ 5:18 Iomraidhean Croise

Nǔnywɛ́xó 5:4

É ká wá yá ɔ́, é nɔ́ vɛ́ amavívɛ́ ɖɔhun, é nɔ́ ɖá hwǐ nuwenɔ ɖɔhun.

Nǔnywɛ́tɔ́xó 7:26

Un ka wá mɔ nǔɖé: un mɔ ɖɔ nyɔ̌nu e ayixa tɔn nyí gɛ̌ bó nyí fɛ́ca, bɔ awa tɔn lɛ́ɛ nyí gɛdɛ é. A jɛ nyɔ̌nu mɔ̌hun sín alɔ mɛ ɔ́, é ná vlɛ́ nu nú we hú kú. Mɛ e nyɔ́ Mawu nukún mɛ ɔ́ nɔ́ gló e; mɛ e ka nyí hwɛhutɔ́ ɔ́ nɔ́ jɛ fɛn tɔn mɛ.

Ezayíi 38:17

Din ɔ́, akpɔ e mɔ wɛ un ɖe ɔ́ húzú nǔkiko, ɖó a yǐ wǎn nú mì tawun, bó hwlɛ́n mì ɖo kú sí. A ɖe hwɛ e un hu lɛ́ɛ bǐ ɖó zɔ nú mì.

Jelemíi 2:19

Nǔ nyanya wiwa towe ná wa nǔ xá we; gbejí ma nɔ towe ná dɔn tó nú we, bɔ a nǎ mɔ ɖɔ nyɛ Mawu Mavɔmavɔ, Mawu towe e a jǒ dó ɔ́, tɛn ce mɛ e a ma tunwun nú mì ǎ ɔ́ ná vlɛ́ nu nú we; é ná nylá nú we ɖésú. Xó e nyɛ Aklúnɔ Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.”

Levíi ví 13:45

“Mɛ e wú gudu ɖe mɔ̌ ɔ́, ɖó ná dó awu vúnvún. É ná vún ɖa ǎ; é ná cyɔ́n alɔ nu, bó ná nɔ́ sú xó ɖɔ: ‘Un nyí mɛ blíblí! Un nyí mɛ blíblí.’

Kɛ́nsísɔ́ 5:15

Nú nǔ cí mɔ̌ ɔ́, súnnu ɔ́ ná kplá asi tɔn ɔ́ yi vɔ̌sánú-xwlémawutɔ́ ɔ́ gɔ́n, bó ná ná ɔ́ji sín linfín kilóo atɔn ɖó ta tɔn mɛ; é ná kɔn ami dó linfín ɔ́ jí ǎ, é ká ná hɛn zǎlínkpɔ́n d'é jí ǎ, ɖó nǔvɛdómɛ wú wɛ è nǎ nǔ énɛ́, bó ná dó ɖe nǔ e é wa nyi do ɔ́ gba.

Kɛ́nsísɔ́ 5:17

Énɛ́ ɔ́, vɔ̌sánú-xwlémawutɔ́ ɔ́ ná wún sin e è ɖe ɖó vo nú Mawu Mavɔmavɔ ɔ́ dó kogbán ɖé mɛ, bó ná wún kɔ́ ɖo Mawu xwé gbe dó sin ɔ́ mɛ, bó ná dán d'é wú.

Kɛ́nsísɔ́ 5:19

Vɔ̌sánú-xwlémawutɔ́ ɔ́ ná ɖɔ nú nyɔ̌nu ɔ́ ɖɔ émí ɖɔ xó élɔ́ lɛ́ɛ ɔ́, é ná xwlé nǔ d'é jí; é ná ɖɔ nú nyɔ̌nu ɔ́ ɖɔ: ‘Ényí súnnu ɖěvo ma ɖó xó xá we ǎ, ényí a ma hɛn hwiɖée blí, bó blɛ́ asú towe ǎ, bó nu sin vívɛ́ élɔ́ e nɔ hɛn nyladó wá nú mɛ ɔ́ hǔn, é ní má wa nǔɖé nú we ó.

Kɛ́nsísɔ́ 5:22

Sin élɔ́ e nɔ́ hɛn nyladó wá nú mɛ ɔ́ ní yi xo towe mɛ, bónú adɔgo towe ní jí, bó sɔ́ we dó húzú wɛnsinɔ.’ Nú é ɖɔ mɔ̌ ɔ́, nyɔ̌nu ɔ́ ná yí gbe ɖɔ: ‘Nú un bló mɔ̌ nǔgbó hǔn, nǔ e a ɖɔ ɔ́ ní bó nyí gbɔn mɔ̌.’

1 Kɔlɛ́ntinu 11:15

Lo ɔ́, nú ɖa e ɖo ta nú nyɔ̌nu ɔ́ ka ɖi ga ɔ́, yɛ̌yinú wɛ é nyí n'i. Nǔgbó ɔ́, Mawu ná ɖa gaga nyɔ̌nu, bɔ ɖa ɔ́ ná cyɔ́n ta tɔn.

1 Kɔlɛ́ntinu 11:6

Nú nyɔ̌nu ɖé ma ka sɔ́ nǔɖé cyɔ́n ta ǎ ɔ́, é sixú kpa ɖa. Lo ɔ́, ɖěe é ka nyí ɖɔ ɖa kpikpa, abǐ ta xwlɛ́xwlɛ́ ɔ́, winnyánú wɛ é nyí nú nyɔ̌nu ɔ́, hǔn é ɖó ná sɔ́ nǔɖé cyɔ́n ta.

Sɛ́nflínmɛ 29:18

Mɛɖé má ɖo mi mɛ bó se akɔ e mi jɛ din ɔ́, bó wa yɛ nú éɖée bó ɖɔ nú éɖée ɖɔ: “Din ɔ́, un na bo wa nǔ e jló mì lɛ́ɛ ɔ́, un ná vo.” Ényí mɛ ɔ́ ɖɔ mɔ̌ bó dɔn mɛ ɖé, bɔ mɛ ɔ́ jɛ nǔ ɖěvo sɛn jí ɔ́,

Eblée 13:4

Asi dida abǐ asú dida ní nyí nǔsísí; asú kpó asi kpó ní nɔ gbejí nú yěɖée. Mawu ná ɖó hwɛ nú mɛ e nɔ ɖo nǔblíblí wa wɛ lɛ́ɛ kpódó mɛ e nɔ ɖo aga lɛ wɛ lɛ́ɛ kpó.

1 Samuwɛ́li 15:32

Énɛ́ ɔ́ gúdo ɔ́, Samuwɛ́li ɖɔ: “Mi kplá Agagi Amalɛ́ki xɔ́sú ɔ́ wá nú mì.” Bɔ Agagi ɖidó Samuwɛ́li gɔ́n kpó xomɛhunhun kpó, ɖó é ɖo ɖiɖɔ dó ayi mɛ wɛ ɖɔ: “Un ɖiɖɔ kú xó ɖé sɔ́ ɖ'é mɛ nú mì din ǎ.”