Kɛ́nsísɔ́ 5:16 - MAWUXÓWÉMA

¹⁶ Vɔ̌sánú-xwlémawutɔ́ ɔ́ ná kplá nyɔ̌nu ɔ́ byɔ́ Goxɔ ɔ́ mɛ bɔ é ná nɔ te Mawu Mavɔmavɔ nukɔn.

Kɛ́nsísɔ́ 5:16 Iomraidhean Croise

Jelemíi 17:10

Nyɛ Mawu Mavɔmavɔ ɔ́, un nɔ tunwun nǔ e lin wɛ gbɛtɔ́ ɖe ɖo ayi tɔn mɛ é. Nǔ e ɖo mɛ xomɛ ɔ́, un nɔ mɔ bó nɔ́ da kpɔ́n. Énɛ́ ɔ́, un nɔ wa nǔ nú mɛ lě e walɔ mɛ ɔ́ tɔn byɔ́ gbɔn é; nǔ e mɛɖé wa ɔ́ sín axɔ́ wɛ un nɔ sú mɛ ɔ́.

Levíi ví 1:3

“Nú nyibú wɛ mɛ ɔ́ jló ná zé dó sá vɔ̌ e è nɔ dó zo ɔ́ ná ɔ́, nyibúsú e má ɖó blɔ̌ ɖěbǔ ǎ ɔ́ wɛ mɛ ɔ́ ná dó sá vɔ̌ ɔ́; é ná kplá wá goxɔ ɔ́ sín alihɛ́nnu, bónú Mawu Mavɔmavɔ ná wa ɖagbe nú mɛ ɔ́.

Kɛ́nsísɔ́ 5:15

Nú nǔ cí mɔ̌ ɔ́, súnnu ɔ́ ná kplá asi tɔn ɔ́ yi vɔ̌sánú-xwlémawutɔ́ ɔ́ gɔ́n, bó ná ná ɔ́ji sín linfín kilóo atɔn ɖó ta tɔn mɛ; é ná kɔn ami dó linfín ɔ́ jí ǎ, é ká ná hɛn zǎlínkpɔ́n d'é jí ǎ, ɖó nǔvɛdómɛ wú wɛ è nǎ nǔ énɛ́, bó ná dó ɖe nǔ e é wa nyi do ɔ́ gba.

Kɛ́nsísɔ́ 5:17

Énɛ́ ɔ́, vɔ̌sánú-xwlémawutɔ́ ɔ́ ná wún sin e è ɖe ɖó vo nú Mawu Mavɔmavɔ ɔ́ dó kogbán ɖé mɛ, bó ná wún kɔ́ ɖo Mawu xwé gbe dó sin ɔ́ mɛ, bó ná dán d'é wú.

Eblée 13:4

Asi dida abǐ asú dida ní nyí nǔsísí; asú kpó asi kpó ní nɔ gbejí nú yěɖée. Mawu ná ɖó hwɛ nú mɛ e nɔ ɖo nǔblíblí wa wɛ lɛ́ɛ kpódó mɛ e nɔ ɖo aga lɛ wɛ lɛ́ɛ kpó.