Kɛ́nsísɔ́ 5:15 - MAWUXÓWÉMA

¹⁵ Nú nǔ cí mɔ̌ ɔ́, súnnu ɔ́ ná kplá asi tɔn ɔ́ yi vɔ̌sánú-xwlémawutɔ́ ɔ́ gɔ́n, bó ná ná ɔ́ji sín linfín kilóo atɔn ɖó ta tɔn mɛ; é ná kɔn ami dó linfín ɔ́ jí ǎ, é ká ná hɛn zǎlínkpɔ́n d'é jí ǎ, ɖó nǔvɛdómɛ wú wɛ è nǎ nǔ énɛ́, bó ná dó ɖe nǔ e é wa nyi do ɔ́ gba.

Kɛ́nsísɔ́ 5:15 Iomraidhean Croise

1 Axɔ́sú 17:18

Ée vǐ ɔ́ sín gbɔjɛ xwɛ mɔ̌ ɔ́, nyɔ̌nu ɔ́ ɖɔ nú Elíi ɖɔ: “Étɛ́wú wɛ a wa mɔ̌ xá mì gbeyíɖɔ Mawu tɔn? A nǎ flín hwɛ e un hu lɛ́ɛ Mawu, bó ná hu vǐ ce wú wɛ a wǎ a?”

Ezekiyɛ́li 21:23

Mawu Mavɔmavɔ ɖɔ nú mì ɖɔ:

Ezekiyɛ́li 29:16

Ejípu sɔ́ ná nyí gǎnjɛwú ɖě nú Izlayɛ́li togun bónú yě ná ɖeji dó wǔ tɔn ǎ. Yě sɔ́ ná byɔ́ alɔgɔ́ ɖě Ejípu dó hu hwɛ ǎ. Énɛ́ ɔ́, yě ná tunwun ɖɔ nyɛ wɛ nyí Aklúnɔ Mavɔmavɔ.”

Ozée 3:2

Ée Mawu Mavɔmavɔ ɖɔ mɔ̌ ɔ́, un zé kpatágankwɛ́ afɔtɔn kpódó jinukún e è nɔ ylɔ́ ɖɔ ɔ́ji ɔ́ kilóo afɔwe kanɖé wǒ (450) kpó dó yí nyɔ̌nu ɔ́ ná.

Levíi ví 1:2

é ní ɖɔ nú Izlayɛ́li ví lɛ́ɛ ɖɔ: “Ényí mɛɖé ɖo mi mɛ, bó jló ná zé kanlin ɖé dó sá vɔ̌ ná nú Mawu Mavɔmavɔ ɔ́, é ná zé nyibú ɖokpó abǐ gbɔ̌ ɖokpó dó sá ná.

Levíi ví 2:1

Mawu Mavɔmavɔ ɖɔ: “Ényí mɛ ɖé jló ná hɛn nǔníná jinukún tɔn ɖé wá nú Mawu Mavɔmavɔ ɔ́, mɛ ɔ́ ní hɛn linfín; é ní kɔn ami dó linfín ɔ́ jí, bó hɛn zǎlínkpɔ́n d'é jí,

Levíi ví 5:11

“Ényí mɛ ɔ́ má ká lɛ́ ɖó akwɛ́ e é ná dó xɔ xwelé we lɛ́ɛ, abǐ ahwannɛ́ wínnyáwínnyá we lɛ́ɛ ná ǎ ɔ́, é ná hɛn linfín kilóo ɛnɛ wá ɖó hwɛ e é hu ɔ́ wú, bɔ é ná nyí nǔníná hwɛsɔ́kɛmɛ tɔn. É ná zé ami d'é jí ǎ, é ká ná zé zǎlínkpɔ́n d'é jí ǎ, ɖó nǔníná hwɛsɔ́kɛmɛ tɔn wɛ.

Kɛ́nsísɔ́ 5:16

Vɔ̌sánú-xwlémawutɔ́ ɔ́ ná kplá nyɔ̌nu ɔ́ byɔ́ Goxɔ ɔ́ mɛ bɔ é ná nɔ te Mawu Mavɔmavɔ nukɔn.

Eblée 10:3

Nǔgbó ɔ́, hwɛ e mɛ lɛ́ɛ hu ɔ́ wɛ vɔ̌sísá énɛ́ lɛ́ɛ nɔ flín yě xwewú xwewú.