Kɛ́nsísɔ́ 4:32 - MAWUXÓWÉMA

³² kpódó Mawu xwé ɔ́ sín dotín lɛ́ɛ kpó, kpódó nǔ e jí dotín lɛ́ɛ nɔ́ jínjɔ́n lɛ́ɛ kpó, kpódó só yětɔn lɛ́ɛ kpó, kpódó kan yětɔn lɛ́ɛ kpó, kpódó nǔ e yě nɔ́ zán ɖ'é mɛ lɛ́ɛ bǐ kpó. Mi ná wlán nǔ e mi ná sɔ́ dó así nú mɛ ɖokpó ɖokpó bɔ é ná hɛn ɔ́ sín nyǐkɔ.

Kɛ́nsísɔ́ 4:32 Iomraidhean Croise

1 Tan 9:29

Hɔnjínɔtɔ́ ɖěvo lɛ́ɛ nɔ́ kpé nukún dó nǔ e è nɔ zán ɖo tɛn mímɛ́ ɔ́ mɛ lɛ́ɛ bǐ wú, bó nɔ kpé nukún dó linfín, vɛ̌ɛn, ami, zǎlínkpɔ́n kpódó nǔsáwǔ wǎnɖagbenɔ lɛ́ɛ kpó wú.

Tíntɔ́n 25:9

Yě ná bló goxɔ ɔ́ kpódó nǔ e ná nɔ mɛ lɛ́ɛ bǐ kpó, bɔ é ná sɔgbe xá ée un ná xlɛ́ we é.”

Tíntɔ́n 27:9

“A nǎ ɖǒ kɔ́xota lɛ́ lɛ̌ dó goxɔ ɔ́, bó ná zé lɛ̌ɛnkanvɔ e dɛ kan ganjí ɔ́ dó xá. Avɔ e è nǎ dó xá kɔ́xota ɔ́ ná ɔ́ sín ga ná nyí mɛ̌tlu kanɖé wǒ (50) ɖo goxɔ ɔ́ sín afɔligbé.

Tíntɔ́n 38:17

Ganvɔ wɛ é sɔ́ dó bló afɔ e jí dotín lɛ́ɛ jínjɔ́n lɛ́ɛ ná bó sɔ́ kpatágan dó bló dotín lɛ́ɛ sín klɔcée lɛ́ɛ kpó kpo yětɔn lɛ́ɛ kpó ná; kpatágan wɛ é kɔn dó dotín lɛ́ɛ sín ata. Kɔ́xota ɔ́ sín dotín lɛ́ɛ bǐ ɔ́, kpo e é sɔ́ kpatágan dó bló ná lɛ́ɛ wɛ dɔn yě cá.

Tíntɔ́n 38:21

Gan e è zǎn dó goxɔ e mɛ è ɖǒ ná zé akɔjijɛwéma ɔ́ ɖó ɔ́ lɛ́ɛ ɖíe. Levíi ví lɛ́ɛ wɛ lɛ́n gan lɛ́ɛ lě e Mɔyízi ɖɔ gbɔn é. Itamáa, vɔ̌sánú-xwlémawutɔ́ Aalɔ́ɔn ví ɔ́ wɛ nɔ ɛ nu.

Kɛ́nsísɔ́ 3:36

Yě wɛ nɔ́ kpé nukún dó Goxɔ ɔ́ sín xwlɛ lɛ́ɛ kpódó atín e è nɔ dó blá wɛ̌n lɛ́ɛ kpó, kpódó dotín lɛ́ɛ kpó, kpódó nǔ e jí dotín lɛ́ɛ jínjɔ́n lɛ́ɛ kpó, kpódó nǔzínzán Mawu xwé ɔ́ gbe tɔn lɛ́ɛ bǐ kpó wú.

Kɛ́nsísɔ́ 3:8

Yě ná nɔ́ kpé nukún dó nǔ e è nɔ zán ɖo Goxɔ ɔ́ mɛ lɛ́ɛ wú bó ná nɔ wa azɔ̌ e ɖo Goxɔ ɔ́ mɛ lɛ́ɛ ɖó Izlayɛ́li ví lɛ́ɛ do mɛ.

Kɛ́nsísɔ́ 4:31

Azɔ̌ e a nǎ zé dó así nú yě lɛ́ɛ ɖíe: yě ná nɔ́ ɖíɖá Goxɔ ɔ́ sín xwlɛ lɛ́ɛ, wɛ̌n lɛ́ɛ, dotín lɛ́ɛ, kpódó nǔ e jí dotín lɛ́ɛ nɔ́ jínjɔ́n lɛ́ɛ kpó,

Kɛ́nsísɔ́ 4:33

Azɔ̌ e kan Mawu xwé ɔ́, bɔ è sɔ́ dó así nú hɛ̌nnu Mɛlali tɔn lɛ́ɛ, bɔ yě ná nɔ́ wa lɛ́ɛ nɛ́. Itamáa vɔ̌sánú-xwlémawutɔ́ Aalɔ́ɔn ví ɔ́ ná nɔ yě nu.”

Kɛ́nsísɔ́ 4:49

È ɖɔ nú e yě mɛ ɖokpó ɖokpó ná wa ɔ́ kpó nǔ e mɛ ɖokpó ɖokpó ná hɛn ɔ́ kpó nú yě, lě e Mawu Mavɔmavɔ ɖɔ nú Mɔyízi gbɔn é, bó sɔ́ kɛ́n yětɔn lě e Mawu Mavɔmavɔ ɖɔ n'i gbɔn é.

Kɛ́nsísɔ́ 7:1

Gbe e gbe Mɔyízi bló Mawu xwé ɔ́ fó ɔ́, é kɔn ami d'é wú, bó dó ɖe é kpó nǔ e ɖ'é mɛ lɛ́ɛ bǐ kpó ɖó vo nú Mawu Mavɔmavɔ. Mɔ̌ ɖokpó ɔ́, é kɔn ami dó vɔ̌sákpe ɔ́ wú, bó dó ɖe é kpódó nǔ e è nɔ zán ɖ'é kɔn lɛ́ɛ bǐ kpó ɖó vo nú Mawu Mavɔmavɔ.

Kɛ́nsísɔ́ 7:8

Bɔ kɛkɛ́ví ɛnɛ, kpódó nyibú tántɔn e kpo lɛ́ɛ kpó ná nyí Mɛlali ví lɛ́ɛ tɔn, bónú azɔ̌ yětɔn ná nyɔ́ wa nú yě. Itamáa vɔ̌sánú-xwlémawutɔ́ Aalɔ́ɔn sín vǐ ɔ́ sín acɛ mɛ wɛ yě nɔ́ wa azɔ̌ ɖe.