Kɛ́nsísɔ́ 4:3 - MAWUXÓWÉMA

³ Mi ná sɔ́ kɛ́n yětɔn bɛ́ sín yě mɛ e ɖó xwe gban (30) lɛ́ɛ, kpódó yě mɛ e ɖó hú mɔ̌ lɛ́ɛ kpó jí káká yi jɛ yě mɛ e ɖó xwe kanɖé wǒ (50) lɛ́ɛ jí. Yědɛɛ lɛ́ɛ wɛ ná nɔ́ wa azɔ̌ ɖé lɛ́ɛ ɖo Goxɔ ɔ́ mɛ.

Kɛ́nsísɔ́ 4:3 Iomraidhean Croise

Bǐbɛ́mɛ 41:46

Xwe gban (30) ɖó wɛ Jozɛ́fu ɖe hwenu e è kplá ɛ wá axɔ́sú Ejípu tɔn ɔ́ gɔ́n é. Jozɛ́fu ka gosín axɔ́sú ɔ́ gɔ́n, bó yi gbɔn Ejípu to ɔ́ bǐ mɛ.

2 Samuwɛ́li 5:4

Xwe gban wɛ (30) Davídi ɖó bɔ è sɔ́ ɛ axɔ́sú, bɔ é nɔ zinkpo jí nú xwe kanɖé (40).

1 Tan 6:48

Mɛlali ví lɛ́ɛ ɔ́, akɔta Hwlibɛ́ni tɔn, Gadi tɔn kpódó Zabulɔ́ɔn tɔn kpó sín toxo lɛ́ɛ ɔ́, è nyi akɔ dó toxo wěwe ɖo yě mɛ, bó ná yě.

2 Tan 31:17

È sɔ́ vɔ̌sánú-xwlémawutɔ́ lɛ́ɛ sín kɛ́n gbɔn xwédo yětɔn yětɔn mɛ. Amɔ̌, Levíi ví lɛ́ɛ ɔ́, è kpɔ́n azɔ̌ e mɛ ɖokpó ɖokpó nɔ́ wa ɔ́ kpó gbɛ̌ta e mɛ mɛ ɖokpó ɖokpó ɖe ɔ́ kpó, bó sɔ́ mɛ e ɖó bɛ́ sín xwe ko káká sɔ́yi lɛ́ɛ sín kɛ́n.

Ɛsidlási 3:8

Ée yě lɛ́ kɔ wá Jeluzalɛ́mu toxo e mɛ Mawu xwé ɔ́ ɖe ɔ́ mɛ ɔ́, xwe e jɛ fínɛ́ ɔ́ sín sun wěwegɔ́ ɔ́ mɛ ɔ́, Zolobabɛ́li Calutiyɛ́li ví, Jozuwée Yosadaku ví, Jozuwée sín nɔví ɖě lɛ́ɛ e nyí vɔ̌sánú-xwlémawutɔ́ lɛ́ɛ, Levíi ví lɛ́ɛ kpódó yě mɛ e lɛ́ kɔ sín kannumɔgbénu wá lɛ́ɛ bǐ kpó jɛ azɔ̌ jí. Yě ɖe Levíi ví e xwe yětɔn bɛ́ sín ko káká sɔ́yi lɛ́ɛ, bó sɔ́ yě ɖó Mawu Mavɔmavɔ xwé gbígbá ɔ́ sín azɔ̌ nu.

Kɛ́nsísɔ́ 1:3

Mi ná sɔ́ súnnu e ko ɖó xwe bɛ́ sín ko, kpódó ée kó ɖó hú mɔ̌, bó sixú fun ahwan lɛ́ɛ kpó sín kɛ́n; hwi kpódó Aalɔ́ɔn kpó ná xwedó ahwangɔnu yětɔn yětɔn, bó dó sɔ́ kɛ́n yětɔn.

Kɛ́nsísɔ́ 1:50

A nǎ zé azɔ̌ e nyí Goxɔ ɔ́ tɔn lɛ́ɛ dó alɔ mɛ nú Levíi ví lɛ́ɛ; fínɛ́ wɛ akɔjijɛgbá ɔ́ ɖe. Nǔ e è dǒ bló Goxɔ ɔ́ ná lɛ́ɛ kpó nǔ e è nɔ zán ɖo xwé ɔ́ gbe lɛ́ɛ kpó sín azɔ̌ lɛ́ɛ ɔ́, a nǎ zé dó alɔ mɛ nú yě. Yě wɛ ná nɔ́ zé Goxɔ ɔ́ kpó nǔ e è nɔ zán ɖ'é mɛ lɛ́ɛ bǐ kpó. Yě wɛ ná nɔ wa azɔ̌ ɖo xwé ɔ́ gbe; yě wɛ ná nɔ́ ɖó gɔnu lɛ́ lɛ̌ dó Goxɔ ɔ́.

Kɛ́nsísɔ́ 16:9

Ée Mawu Mavɔmavɔ, Mawu Izlayɛ́li tɔn ɔ́ ɖe mi ɖó vo ɖo Izlayɛ́li ví ɖě lɛ́ɛ mɛ, bónú mi ná nɔ́ sɛkpɔ́ ɛ, bó ná nɔ́ kpé nukún dó Goxɔ tɔn wú, bó ná nɔ́ sɛn Mawu Mavɔmavɔ ɖó Izlayɛ́li togun ɔ́ ta mɛ ɔ́, nǔ énɛ́ ɔ́ kpé mi ǎ wɛ a?

Kɛ́nsísɔ́ 4:2

“Mi sɔ́ Levíi ví súnnu e jɔ ɖo Kexáti kún mɛ lɛ́ɛ sín kɛ́n; mi sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ ɔ́ sín kɛ́n.

Kɛ́nsísɔ́ 4:23

Sɔ́ súnnu e ɖó xwe gban (30) káká yi xwe kanɖé wǒ (50) lɛ́ɛ sín kɛ́n. Súnnu e sixú wa azɔ̌ e kan Mawu xwé ɔ́ lɛ́ɛ bǐ sín kɛ́n wɛ a nǎ sɔ́.

Kɛ́nsísɔ́ 4:30

Sɔ́ súnnu nabí e ɖó xwe gban (30) káká yi xwe kanɖé wǒ (50) lɛ́ɛ sín kɛ́n, bó ná zé Goxɔ ɔ́ sín azɔ̌ ɖé lɛ́ɛ dó así nú yě, bɔ yě ná nɔ́ wa.

Kɛ́nsísɔ́ 4:35

Yě sɔ́ kɛ́n yětɔn bɛ́ sín mɛ e ɖó xwe gban (30) lɛ́ɛ, kpó mɛ e ɖó hú mɔ̌ lɛ́ɛ kpó jí, káká yi mɛ e ɖó xwe kanɖé wǒ (50) lɛ́ɛ jí. Yědɛɛ lɛ́ɛ wɛ ná nɔ́ wa azɔ̌ ɖé lɛ́ɛ ɖo Mawu xwé gbe.

Kɛ́nsísɔ́ 4:4

Azɔ̌ e yě ná nɔ́ wa ɖo Goxɔ ɔ́ mɛ ɔ́ wɛ nyí ɖɔ yě ná nɔ́ kpé nukún dó nǔ mímɛ́ bǐ lɛ́ɛ wú.

Kɛ́nsísɔ́ 4:47

Yě sɔ́ kɛ́n yětɔn bɛ́ sín súnnu e ɖó xwe gban (30) lɛ́ɛ, kpó éé ɖó hú mɔ̌ lɛ́ɛ kpó jí, káká yi mɛ e ɖó xwe kanɖé wǒ (50) lɛ́ɛ jí. Yě mɛ e sín kɛ́n è sɔ́ lɛ́ɛ bǐ wɛ nɔ́ wa azɔ̌ ɖé ɖo Mawu xwé gbe, bó nɔ́ ɖíɖá Goxɔ ɔ́ sín agban.

Luki 3:23

Xwe gban (30) mɔ̌ wɛ Jezu ɖó, hwenu e é jɛ azɔ̌ tɔn jí é. Mɛ lɛ́ɛ nɔ lin ɖɔ Jozɛ́fu ví wɛ é nyí, Jozɛ́fu ka nyí Heli ví,

1 Timɔtée 1:18

Vǐ ce Timɔtée, un ɖo nǔ élɔ́ zɔ́n we wɛ, bɔ é sɔgbe xá nǔ e Mawu ɖɔ é ná jɛ dó jǐ towe lɛ́ɛ, bɔ è ko ɖɔ nú we ɖ'ayǐ é. Xwedó xó énɛ́ lɛ́ɛ, bó ná dó fun ahwan ɖagbe ɔ́,

1 Timɔtée 3:1

Xó nǔgbó ɖokpó ɖíe: ényí mɛɖé jló ná nyí agunjíkpɔ́ntɔ́ ɔ́, azɔ̌ ɖagbe ba wɛ é ɖe.

1 Timɔtée 3:6

É ɖó ná nyí mɛ e ɖi nǔ nú Klísu yɔ̌yɔ́ ɔ́ ǎ; é ma nyí mɔ̌ ǎ ɔ́, goyíyí táá wá byɔ́ lanmɛ n'i, bɔ Mawu ná ɖó hwɛ n'i lě e é ɖó hwɛ nú awǒvi gbɔn é.