Kɛ́nsísɔ́ 4:19 - MAWUXÓWÉMA

¹⁹ Yě ɖo nukún kpé dó nǔ mímɛ́ lɛ́ɛ wú wɛ ɔ́, nǔ e mi ná bló, bɔ yě má ná kú ǎ ɔ́ ɖíe: hwenu e yě ná sɛkpɔ́ tɛn mímɛ́ bǐ ɔ́, hwɛ Aalɔ́ɔn kpó vǐ towe súnnu lɛ́ɛ kpó ɔ́, mi ná kplá yě mɛ ɖokpó ɖokpó ɖó tɛn yětɔn yětɔn mɛ, bó ná ɖɔ nǔ e mɛ ɖokpó ɖokpó ɖó ná wa ɔ́, abǐ nǔ e mɛ ɖokpó ɖokpó ɖó ná sɔ́ ɔ́ n'i.

Kɛ́nsísɔ́ 4:19 Iomraidhean Croise

2 Samuwɛ́li 6:6

Ée yě wá jɛ Nakɔ́ni sín kɔ́xota ɔ́, nyibú lɛ́ɛ jló ná zin akɔjijɛgbá ɔ́ dɛ́, bɔ Wúza dlɛ́n alɔ, bó hɛn akɔjijɛgbá ɔ́ ɖó te.

Tíntɔ́n 19:21

bɔ Mawu Mavɔmavɔ ɖɔ n'i ɖɔ: “Jɛ te bo gbɛ́ nú Izlayɛ́li ví lɛ́ɛ ɖɔ yě ní má syɛ́n ta bo wá ba nǔ do ó; mɛ gěgé táá kú ɖo yě mɛ.

Kɛ́nsísɔ́ 1:51

Nú è ɖo tɛn ná sɛ nú Goxɔ ɔ́ wɛ hweɖěbǔnu ɔ́, Levíi ví lɛ́ɛ wɛ ná nɔ́ tún; nú è nǎ nɔ te fí ɖé bó ɖó gɔnu ɖó fínɛ́ ɔ́, yědɛɛ lɛ́ɛ wɛ ná nɔ́ ján Goxɔ ɔ́. Nú mɛ ɖěvo ɖé sɛkpɔ́ ɔ́, è ná hu i.

Kɛ́nsísɔ́ 18:3

Mi zɔ́n nǔ ɖěbǔ yě ɔ́, yě ná wa; yě ná nɔ́ wa azɔ̌ e kan Goxɔ ɔ́ lɛ́ɛ bǐ. Lo ɔ́, yě ná sɛkpɔ́ nǔ mímɛ́ lɛ́ɛ ǎ; yě ná sɛkpɔ́ vɔ̌sákpe ɔ́ ǎ; é má nyí mɔ̌ ǎ ɔ́, mi kpó yě kpó bǐ ná kú.

Kɛ́nsísɔ́ 4:15

Cóbónú yě ná jɛ ali ɔ́, Aalɔ́ɔn kpódó vǐ tɔn súnnu lɛ́ɛ kpó nɔ́ bú nǔ dó nǔ mímɛ́ énɛ́ lɛ́ɛ, kpódó nǔ e è nɔ zán ɖo nǔ énɛ́ lɛ́ɛ kɔn lɛ́ɛ kpó. Yě bló fó ɔ́, Kexáti sín vǐ súnnu lɛ́ɛ nɔ́ wá ɖíɖá. Lo ɔ́, yě ná ɖó alɔ nǔ mímɛ́ lɛ́ɛ ɖě wú ǎ; yě táá kú. Nú è tún Goxɔ ɔ́, azɔ̌ e nyí yědɛɛ lɛ́ɛ tɔn bɔ yě ná wa é nɛ́.

Kɛ́nsísɔ́ 4:18

“Mi ma lɔn nú Kexáti ví lɛ́ɛ wa nǔ e yě ná wa bɔ un ná hu yě ɔ́ ó.