Kɛ́nsísɔ́ 4:14 - MAWUXÓWÉMA

¹⁴ bó ná bɛ́ nǔ e è nɔ zán ɖo vɔ̌sísá hwenu lɛ́ɛ bǐ ɖ'é jí. Yě wɛ nyí afíngannú lɛ́ɛ, gǎfu lɛ́ɛ, pɛ́li lɛ́ɛ, basya lɛ́ɛ, nǔ e è ko nɔ sixú zán ɖo vɔ̌sákpe jí lɛ́ɛ bǐ, bó ná zé anyǔ tlitli cyɔ́n jí, bó ná bɛ́ kpo e è nɔ dó zé vɔ̌sákpe ɔ́ ná lɛ́ɛ dó alɔgan lɛ́ɛ mɛ.

Kɛ́nsísɔ́ 4:14 Iomraidhean Croise

2 Tan 4:19

Salomɔ́ɔ ɖɔ bɔ è lɛ̌ bló sikánú e è nǎ nɔ́ zán ɖo Mawu xwé gbe lɛ́ɛ bǐ: vɔ̌sákpe e jí è nɔ dó zǎlínkpɔ́n zo ɖe é; siká akú wɛ è dǒ bló ná; távo e jí è nɔ bɛ́ wɔ̌xúxú e è nɔ xwlé Mawu lɛ́ɛ ɖó lɛ́ɛ.

Tíntɔ́n 27:1

“A nǎ zé kasyatín dó bló vɔ̌sákpe ná. Akpáxwé tɔn lɛ́ɛ bǐ ná ɖó jlɛ̌ ɖokpó ɔ́; akpáxwé ɖokpó ɖokpó sín ga ná nyí mɛ̌tlu we adaɖé, jǐ yiyi tɔn ná nyí mɛ̌tlu ɖokpó adaɖé.

Tíntɔ́n 27:3

A nǎ zé ganvɔ dó bló nǔ e è nǎ zǎn ɖo vɔ̌sákpe ɔ́ jí lɛ́ɛ: gannú e mɛ afín ná nɔ́ kɔn dó lɛ́ɛ, pɛ́li lɛ́ɛ, gannú lɛ́ɛ, gǎfu lɛ́ɛ, kpódó nǔ e mɛ è nǎ nɔ́ dó zǎlínkpɔ́n zo ɖe lɛ́ɛ kpó.

Kɛ́nsísɔ́ 4:13

Vɔ̌sákpe e jí è nɔ dó vɔ̌ zo ɖe ɔ́, yě ná bɛ́ afín sín jí, bó ná tɛ́ avɔ vɔvɔ cɛ́cɛ́ ɖ'é jí,

Kɛ́nsísɔ́ 4:15

Cóbónú yě ná jɛ ali ɔ́, Aalɔ́ɔn kpódó vǐ tɔn súnnu lɛ́ɛ kpó nɔ́ bú nǔ dó nǔ mímɛ́ énɛ́ lɛ́ɛ, kpódó nǔ e è nɔ zán ɖo nǔ énɛ́ lɛ́ɛ kɔn lɛ́ɛ kpó. Yě bló fó ɔ́, Kexáti sín vǐ súnnu lɛ́ɛ nɔ́ wá ɖíɖá. Lo ɔ́, yě ná ɖó alɔ nǔ mímɛ́ lɛ́ɛ ɖě wú ǎ; yě táá kú. Nú è tún Goxɔ ɔ́, azɔ̌ e nyí yědɛɛ lɛ́ɛ tɔn bɔ yě ná wa é nɛ́.

Kɛ́nsísɔ́ 4:6

bó ná zé anyǔ tlitli cyɔ́n jí, bó ná zé avɔ cyɔ́n bǐ jí. Avɔ ɔ́ bǐ ná nyí kwlésinnɔ; énɛ́ gúdo ɔ́, yě ná bɛ́ kpo e è nɔ dó zé ná lɛ́ɛ dó alɔgan lɛ́ɛ mɛ.