Kɛ́nsísɔ́ 4:11 - MAWUXÓWÉMA

¹¹ Vɔ̌sákpe siká tɔn ɔ́, yě ná tɛ́ avɔ kwlésinnɔ d'é jí, bó ná zé anyǔ tlitli cyɔ́n jí, bó ná bɛ́ kpo e è nɔ dó zé vɔ̌sákpe ɔ́ ná lɛ́ɛ dó alɔgan lɛ́ɛ mɛ.

Kɛ́nsísɔ́ 4:11 Iomraidhean Croise

Tíntɔ́n 39:38

Vɔ̌sákpe e è sɔ́ siká dó bló ná é, ami e è nǎ sá dó ɖe mɛ ɖó vo é kpó atínkɛn wǎnɖagbenɔ ɔ́ kpó, kpódó avɔ e è dǒ ɖó goxɔ ɔ́ sín ali nu é kpó.

Tíntɔ́n 40:5

A nǎ zé vɔ̌sákpe e è sɔ́ siká dó bló ná bó ná nɔ́ dó zǎlínkpɔ́n zo ɖ'é jí ɔ́ ɖó gbǎ e mɛ akɔjijɛwéma ɔ́ ɖe ɔ́ nukɔn, ɖo xɔmɛgbovɔ ɔ́ gúdo; a nǎ dǒ avɔ ɖó goxɔ ɔ́ sín ali nu.

Kɛ́nsísɔ́ 4:10

Yě ná bɛ́ nǔ énɛ́ lɛ́ɛ kpódó nǔzínzán lɛ́ɛ bǐ kpó dó anyǔ tlitli ɖé mɛ, bó ná zé dó agbanhɛnnú mɛ.

Kɛ́nsísɔ́ 4:12

Yě ná bɛ́ nǔzínzán e è nɔ dó wa azɔ̌ ná ɖo Goxɔ ɔ́ mɛ lɛ́ɛ, bó bɛ́ yě dó avɔ kwlésinnɔ mɛ, bó ná zé anyǔ tlitli bú dó, bó ná zé dó agbanhɛnnú mɛ.

Kɛ́nsísɔ́ 4:6

bó ná zé anyǔ tlitli cyɔ́n jí, bó ná zé avɔ cyɔ́n bǐ jí. Avɔ ɔ́ bǐ ná nyí kwlésinnɔ; énɛ́ gúdo ɔ́, yě ná bɛ́ kpo e è nɔ dó zé ná lɛ́ɛ dó alɔgan lɛ́ɛ mɛ.

Nǔɖexlɛ́mɛ 8:3

Wɛnsagun ɖěvo wá cí vɔ̌sákpe ɔ́ kpá; é hɛn nǔ e mɛ è nɔ fyɔ́ zǎlínkpɔ́n ɖe ɔ́ ɖokpó; siká wɛ è dó bló ná. È nǎ ɛ zǎlínkpɔ́n gěgé, bɔ é ná zé kpó mɛɖeɖóvo Mawu tɔn lɛ́ɛ bǐ sín ɖɛ kpó xwlé Mawu ɖo vɔ̌sákpe e è sɔ́ siká dó bló ná ɔ́ jí.