Kɛ́nsísɔ́ 36:2 - MAWUXÓWÉMA

² bó ɖɔ nú yě ɖɔ: “Gǎn mǐtɔn Mɔyízi, hwenu e Mawu Mavɔmavɔ ɖɔ hwi ní nyi akɔ bo má to ɔ́ nú Izlayɛ́li ví lɛ́ɛ ɔ́, é lɛ́ ɖɔ hwi ní má nɔví mǐtɔn Selofɛxádi sín ayǐkúngban lɛ́ɛ nú vǐ tɔn nyɔ̌nu lɛ́ɛ.

Kɛ́nsísɔ́ 36:2 Iomraidhean Croise

Jɔ̌bu 42:15

Đo to ɔ́ bǐ mɛ ɔ́, nyɔ̌nu ɖěbǔ nyɔ́ ɖɛkpɛ sɔ Jɔ̌bu sín vǐ nyɔ̌nu lɛ́ɛ ǎ. Tɔ́ yětɔn má gǔ ɖ'ayǐ nú yě lɔmɔ̌ nɔví yětɔn súnnu lɛ́ɛ ɖɔhun.

Kɛ́nsísɔ́ 33:54

Mi ná nyi akɔ dó to ɔ́, bó ná má nú hɛ̌nnu mitɔn lɛ́ɛ ɖokpó ɖokpó. Hɛ̌nnu e mɛ gbɛtɔ́ sukpɔ́ ɖe lɛ́ɛ ná yí ayǐkúngban bɔ é ná gbló hú hɛ̌nnu e mɛ gbɛtɔ́ má sukpɔ́ ɖe ǎ lɛ́ɛ. Mɛ ɖokpó ɖokpó ɖó ná yí ayǐkúngban e è nǎ nyi akɔ bo ná ná ɛ é. Mi ná yí ayǐkúngban ɔ́, bɔ é ná nyí mitɔn, lě e tɔ́ mitɔn lɛ́ɛ sín akɔta lɛ́ɛ ɖe gbɔn é.

Kɛ́nsísɔ́ 36:3

Din ɔ́, ényí yě ká yi da asú ɖo akɔta Izlayɛ́li tɔn lɛ́ɛ ɖěvo mɛ ɔ́, énɛ́ ɔ́, è nǎ kán ayǐkúngban yětɔn e ɖo akɔta mǐtɔn mɛ ɔ́, bó ná zé dó ayǐkúngban e nyí akɔta yɔ̌yɔ́ e mɛ yě byɔ́ ɔ́ tɔn jí. Hǔn, ayǐkúngban e è nyi akɔ bo ná mǐ ɔ́ ɖo nǎ ɖe kpo wɛ nɛ́.

Jozuwée 13:6

A nǎ lɛ́ yí ayǐkúngban mɛ e ɖo sókan mɛ lɛ́ɛ tɔn, bɛ́ sín Libáan káká yi Mislefɔ́ti-Mayimu; Sidɔ́ɔnnu wɛ yě bǐ nyí. Izlayɛ́li ví lɛ́ɛ ɖo yiyi wɛ ɔ́, nyɛ ná ɖo mɛ e ɖo ayǐkúngban énɛ́ lɛ́ɛ jí lɛ́ɛ nya wɛ, ɖo nukɔn yětɔn. A nǎ nyi akɔ dó to tɛnmɛ tɛnmɛ énɛ́ lɛ́ɛ, bó ná má nú Izlayɛ́li ví lɛ́ɛ lě e un ɖɔ nú we gbɔn é.