Kɛ́nsísɔ́ 36:10 - MAWUXÓWÉMA

¹⁰ Selofɛxádi sín vǐ nyɔ̌nu lɛ́ɛ ká bló ɖó nǔ e Mawu Mavɔmavɔ ɖɔ nú Mɔyízi ɔ́ jí.

Kɛ́nsísɔ́ 36:10 Iomraidhean Croise

2 Tan 30:12

Mawu sɔ́ ayi ɖokpó ɔ́ dó xomɛ nú mɛ e ɖo Judáa lɛ́ɛ lɔmɔ̌ bónú gbeta e axɔ́sú ɔ́ kpó azaglɔ́gán tɔn lɛ́ɛ kpó ɖe tɔn ɔ́, yě ná bló ɖ'é jí lě e Mawu Mavɔmavɔ ɖɔ gbɔn é.

Tíntɔ́n 12:50

Izlayɛ́li ví lɛ́ɛ bǐ blǒ nǔ e Mawu Mavɔmavɔ ɖɔ nú Mɔyízi kpó Aalɔ́ɔn kpó lɛ́ɛ bǐ. Yě ɖe ɖěbǔ kpo ǎ.

Levíi ví 24:23

Mɔyízi ɖɔ xó lɛ́ɛ nú Izlayɛ́li ví lɛ́ɛ, bɔ yě kplá nyaví e zun Mawu Mavɔmavɔ ɔ́ tɔ́n sín fí e yě ɖó gɔnu ɖó ɔ́, bó nyi hwǎn dó hu i. Yě bló lě e Mawu Mavɔmavɔ ɖɔ nú Mɔyízi gbɔn é.

Kɛ́nsísɔ́ 1:54

Izlayɛ́li ví lɛ́ɛ wa nǔ, bɔ é sɔgbe xá lě e Mawu Mavɔmavɔ ɖɔ nú Mɔyízi gbɔn é pɛ́pɛ́pɛ́.

Kɛ́nsísɔ́ 36:11

Maxla, Tíisa, Hogla, Miluka kpódó Nɔwa kpó da tɔ́ yětɔn sín nɔví lɛ́ɛ. Selofɛxádi sín nɔví nyɔ̌nu wɛ yě nyǐ.

Kɛ́nsísɔ́ 36:9

Énɛ́ ɔ́, ayǐkúngban akɔta ɖě tɔn ɖě ná byɔ́ akɔta ɖěvo tɔn mɛ ǎ. Lo ɔ́, akɔta Izlayɛ́li ví lɛ́ɛ tɔn lɛ́ɛ ɖokpó ɖokpó ná jɛ hun dó ayǐkúngban e nyí étɔn ɔ́ jí.”

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Jozuwée 17:4

Vǐ nyɔ̌nu nɛ́ lɛ́ɛ wá mɔ vɔ̌sánú-xwlémawutɔ́ Eleazáa kpódó Jozuwée Nuni ví ɔ́ kpó, kpódó mɛ e ɖo togun ɔ́ nu lɛ́ɛ kpó, bó ɖɔ nú yě ɖɔ: “Mawu Mavɔmavɔ zɔ́n Mɔyízi ɖɔ é ní ná ayǐkúngban mǐ lɔmɔ̌, lě e è nǎ súnnu e ɖo akɔta mǐtɔn mɛ lɛ́ɛ ɔ́ ɖɔhun.” Ée yě ɖɔ mɔ̌ ɔ́, è xwedó gbeta e Mawu Mavɔmavɔ ɖe tɔ́n ɔ́, bó ná ayǐkúngban yě, lě e è nǎ súnnu e ɖo akɔta yětɔn mɛ lɛ́ɛ é ɖɔhun.