Kɛ́nsísɔ́ 34:5 - MAWUXÓWÉMA

⁵ Bɛ́ sín Asemɔ́ni ɔ́, é ná xá káká yi tɔsisa Ejípu tɔn ɔ́ kɔn, bó ná yi fó dó Mɛditɛlanɛ́ɛ xu ɔ́ tó.

Kɛ́nsísɔ́ 34:5 Iomraidhean Croise

Bǐbɛ́mɛ 15:18

Gbe énɛ́ ɔ́ gbe ɔ́, Mawu Mavɔmavɔ jɛ akɔ xá Ablámu bó ɖɔ: “Un ná to élɔ́ kúnkan towe, bɛ́ sín tɔsisa Ejípu tɔn ɔ́ kɔn káká yi tɔsisa ɖaxó Efláti ɔ́ kɔn.”

1 Axɔ́sú 8:65

Salomɔ́ɔ ɖu azavaxwe ɔ́ hwe énɛ́ ɔ́ nu, é kpódó Izlayɛ́li ví lɛ́ɛ bǐ kpó. Yě wǎ kpɔ́ gégé. Yě gosín fí tɛnmɛ tɛnmɛ ɖo to ɔ́ mɛ. Mɛɖě gosín káká Lɛbo-Hamáti ɖo totaligbé, bɔ mɛ ɖě gosín káká tɔsisa Ejípu tɔn kɔn ɖo tofɔligbé, bó wá kplé ɖo Mawu Mavɔmavɔ, Mawu mǐtɔn nukɔn, bó ɖu xwe ɔ́ káká nú azǎn tɛ́nwe, bó lɛ́ bló azǎn tɛ́nwe ɖěvo gɔ́ ná, bɔ bǐ blǒ azǎn wǒ-ɛnɛ.

Ezayíi 27:12

Azǎn énɛ́ gbe ɔ́, Mawu Mavɔmavɔ ná ya mi jinukún ɖɔhun sín Efláti tɔ ɔ́ kɔn káká wá Ejípu tɔ ɔ́ kɔn bó só. É ná cyán mi mɛ Izlayɛ́li ví lɛ́ɛ ɖokpó ɖokpó nǔkún ɖɔhun.

Ezekiyɛ́li 47:19

Ɖo tofɔligbé ɔ́, dogbó ɔ́ ná gosín Tamáa wá Mɛliba tɔ ɔ́ kɔn ɖo Kadɛ́ci, bó ná gbɔn Ejípu tɔ ɔ́ kɔn káká yi Mɛditɛlanɛ́ɛ xu ɔ́ kɔn. Dogbó afɔligbé tɔn ɔ́ nɛ́.

Daniyɛ́li 11:45

Xu ɔ́ kpó só mímɛ́ e ɖo to e nyɔ́ ɖɛkpɛ hú to lɛ́ɛ bǐ é kpó sín tɛ́ntin wɛ é ná bló axɔ́sú sín goxɔ tɔn lɛ́ɛ nyi. Fínɛ́ wɛ kú ná wá fyán ɛ ɖe, bɔ mɛ ɖěbǔ ná wá dó alɔ ɛ ǎ.”

Jozuwée 15:4

É dlɛ́n d'é nu gbɔn Asemɔ́ni, bó gbɔn Ejípu tɔ ɔ́ kɔn, bo wá yi fó dó Mɛditɛlanɛ́ɛ xutó. Fí e ayǐkúngban Judáa tɔn sín dogbó e ɖo tofɔligbé ɔ́ gbɔn ɔ́ nɛ́.

Jozuwée 15:47

Acidɔ́di kpódó Gaza kpó, kpódó toxo e ɖo acɛ yětɔn mɛ lɛ́ɛ kpó, kpódó gletoxo yětɔn lɛ́ɛ kpó, káká yi Ejípu tɔ ɔ́ tó, bó hun káká yi Mɛditɛlanɛ́ɛ xu ɔ́ tó.