Kɛ́nsísɔ́ 34:3 - MAWUXÓWÉMA

³ Gbětótló Síni tɔn ɔ́ kpó Edɔ́mu tɔn ɔ́ kpó wɛ ná nyí ayǐkúngban mitɔn sín dogbó, ɖo afɔligbé. Đo zǎnzǎnhwe jí ɔ́, dogbó mitɔn ná gosín Xu Kúkú ɔ́ sín afɔligbé.

Kɛ́nsísɔ́ 34:3 Iomraidhean Croise

Bǐbɛ́mɛ 14:3

Axɔ́sú nɛ́ lɛ́ɛ e è fun ahwan xá lɛ́ɛ bǐ kplé ɖo tɔdo Sidímu tɔn e nyí Xu Kúkú ɔ́ mɛ.

Tíntɔ́n 23:31

Bɔ un ná ɖó dogbó nú mi, sín Xu Vɔvɔ ɔ́ tó, káká yi Mɛditɛlanɛ́ɛ xu ɔ́ tó; dogbó mitɔn ná lɛ́ bɛ́ sín gbětótló mɛ, káká yi Efláti tɔ ɔ́ tó. Đó un ná jó to ɔ́ mɛ nu lɛ́ɛ nú mi, bɔ mi ná nya yě.

Ezekiyɛ́li 47:13

Xó e Aklúnɔ Mavɔmavɔ ɖɔ ɔ́ ɖíe: “Un ná ɖɔ fí e dogbó Izlayɛ́li to ɔ́ tɔn ná gbɔn, bɔ akɔta wěwe e ɖo to ɔ́ mɛ lɛ́ɛ ná má lɛ́ɛ nú mi. Akɔta Jozɛ́fu tɔn ɔ́, ayǐkúngban we wɛ é ná yí.

Ezekiyɛ́li 47:8

Nya ɔ́ ɖɔ nú mì ɖɔ: “Tɔ élɔ́ ɔ́, to ɔ́ sín zǎnzǎnhwe jí wɛ é nɔ́ sa yi; é gbɔn Judɛ́ɛn tɔdo ɔ́ mɛ, bo yi jɛ Xu Kúkú ɔ́ mɛ. É sa yi kɔn dó Xu Kúkú ɔ́ mɛ ɔ́, é nɔ́ húzú Xu Kúkú ɔ́ sín sin, bɔ sin ɔ́ nɔ húzú sin ɖagbe .

Kɛ́nsísɔ́ 13:21

Énɛ́ ɔ́, mɛ lɛ́ɛ yi bó ba do nú to ɔ́; yě bɛ́ sín gbětótló Síni tɔn mɛ, káká yi Hlexɔ́vu ɖo Lɛbo-Hamáti toxo ɔ́ nukɔn.

Jozuwée 1:4

Ayǐkúngban mitɔn ná gosín gbětótló ɔ́ mɛ, ɖo tofɔligbé káká yi Libáan sókan ɔ́ mɛ ɖo totaligbé, bó ná lɛ́ gosín tɔ ɖaxó e è nɔ ylɔ́ ɖɔ Efláti ɔ́ kɔn, ɖo zǎnzǎnhwe jí, bó ná gbɔn Hitíti lɛ́ɛ sín to mɛ káká yi Mɛditɛlanɛ́ɛ xu ɔ́ tó, ɖo gbadahwe jí.

Jozuwée 3:16

tɔ ɔ́ gbo, bɔ sin e sa jǎwe ɔ́ kplé cí fí ɖokpó nǔɖé wɛ hɛn ɛ ɖó te ɖɔhun. Sin ɔ́ nɔ te ɖo zɔ vóéé ɖo Adámu, toxo e ɖo Saatáni kpá ɔ́ mɛ. Bɔ sin e ɖo sisa yi Xu Kúkú ɔ́ mɛ wɛ ɔ́ gbo bǐ. Ée tɔ ɔ́ gbo mɔ̌ ɔ́, togun ɔ́ gbɔn ayǐkúngban xúxú jí, bó dó asá tɔ ɔ́ yi jɛ Jeliko nukɔn.