Kɛ́nsísɔ́ 34:11 - MAWUXÓWÉMA

¹¹ bó ná gosín Cefámu ɖidó Hlivla ɖo Ayini sín zǎnzǎnhwe jí; é ná gosín fínɛ́ bó ná dlɛ́n d'é nu gbɔn Jenɛzalɛ́ti xu ɔ́ tó.

Kɛ́nsísɔ́ 34:11 Iomraidhean Croise

2 Axɔ́sú 23:33

Nɛko Ejípu xɔ́sú ɔ́ wlí i bó sɔ́ ɛ dó gan ɖo Hlivla, ɖo Hamáti tomɛ, bónú é ma sɔ́ ɖu axɔ́sú ɖo Jeluzalɛ́mu ó. Nɛko Ejípu xɔ́sú ɔ́ ɖɔ nú to ɔ́ ɖɔ yě ɖǒ ná nɔ́ ná nǔjɔ émí; yě ná nɔ́ ná kpatágan kilóo afɔwó-afatɔ́n (3.000), bó ná nɔ ná siká kilóo gban (30).

2 Axɔ́sú 25:6

Yě wlí axɔ́sú ɔ́ bó kplá ɛ yi Babilɔ́nu xɔ́sú ɔ́ gɔ́n ɖo Hlivla. Fínɛ́ wɛ Babilɔ́nunu lɛ́ɛ ɖó hwɛ nú Sedesíyasi ɖe.

Jelemíi 52:10

Nabukodonɔzɔ́ɔ hu Sedesíyasi ví lɛ́ɛ ɖo nukún tɔn mɛ. É ná gbe bɔ è hu gǎn Judáa tɔn lɛ́ɛ bǐ ɖo Hlivla.

Jelemíi 52:9

bɔ yě wlí i bó kplá ɛ yi Babilɔ́nu xɔ́sú Nabukodonɔzɔ́ɔ gɔ́n ɖo Hlivla ɖo Hamáti tomɛ. Fínɛ́ wɛ Nabukodonɔzɔ́ɔ ɖó hwɛ nú Sedesíyasi ɖe.

Kɛ́nsísɔ́ 34:10

Đo zǎnzǎnhwe jí ɔ́, mi ná ɖó dogbó sín Hasáa-Ɛnáni yi Cefámu,

Kɛ́nsísɔ́ 34:12

É ná lɛ́ gosín fínɛ́, bó ɖidó Judɛ́ɛn tɔ ɔ́ tó, bó ná fó dó Xu Kúkú ɔ́ kɔn. To mitɔn sín dogbó lɛ́ɛ nɛ́.”

Matíe 14:34

Ée yě jɛ agě ɖě ɔ́ jí ɔ́, yě jɛ Jenɛzalɛ́ti sín ayǐkúngban jí.

Luki 5:1

Jezu ɖo te ɖo Jenɛzalɛ́ti tɔ tó gbe ɖokpó, bɔ mɛ gěgé nyɛ́sú i, bó ná se Mawuxó.

Jǎan 6:1

Énɛ́ ɔ́ gúdo ɔ́, Jezu dó asá Galilée tɔ e è nɔ lɛ́ ylɔ́ ɖɔ Tibɛliadi ɔ́, bó jɛ agě ɖě ɔ́ jí dɔ̌n.

Sɛ́nflínmɛ 3:17

Dogbó e gbɔn zǎnzǎnhwe jí ɔ́ zɔn mɔ̌, bó gbɔn Judɛ́ɛn sín tɔdo mɛ, ɖo Jenɛzalɛ́ti tɔ ɔ́ kpó Jɛ xu ɔ́ kpó tɛ́ntin, káká wá Pisiga só e ɖo gbadahwe jí ɔ́ kɔn.

Jozuwée 11:2

É sɛ́ wɛn dó axɔ́sú e ɖo sókan mɛ ɖo totaligbé lɛ́ɛ lɔmɔ̌, bó sɛ́ wɛn dó axɔ́sú e ɖo tɔdo Judɛ́ɛn tɔn ɔ́ mɛ, ɖo Jenɛzalɛ́ti tɔ ɔ́ sín afɔligbé lɛ́ɛ, bó sɛ́ wɛn dó axɔ́sú e ɖo to e ɖo tɔdo mɛ lɛ́ɛ kpódó éé ɖo kpó jí ɖo Dɔ́ɔ kpá, ɖo gbadahwe jí lɛ́ɛ kpó.

Jozuwée 12:3

É lɛ́ kpa acɛ dó tɔdo Judɛ́ɛn tɔn ɔ́ nu, ɖo zǎnzǎnhwe jí, bɛ́ sín Jenɛzalɛ́ti tɔ ɔ́ kɔn ɖo totaligbé káká yi Xu Kúkú ɔ́ kɔn, ɖo Bɛti-Yesimɔ́ti kpá, bó lɛ́ kpa acɛ dó ayǐkúngban e ɖo Pisiga só kpá ɔ́ nu, ɖo tofɔligbé do dɔ̌n.

Jozuwée 13:27

Bɛti-Halamu, Bɛti-Nimula, Sukɔ́tu kpó Safɔ́ni kpó, ɖo tɔdo Judɛ́ɛn tɔn ɔ́ mɛ. Sihɔ́ni Hɛcibɔ́ni xɔ́sú ɔ́ wɛ kpa acɛ gbɔn fí énɛ́ lɛ́ɛ, ɖo Judɛ́ɛn tɔ ɔ́ sín zǎnzǎnhwe jí, bɔ Judɛ́ɛn tɔ ɔ́ nyí dogbó n'i káká yi Jenɛzalɛ́ti tɔ ɔ́ kɔn, ɖo totaligbé.

Jozuwée 19:35

Toxo e ɖo ayǐkúngban ɔ́ jí, bɔ è mɛ ahohó lɛ́ lɛ̌ dó lɛ́ɛ ɖíe: Sidímu, Sɛ́ɛ, Hamumáti, Hlakáti, Jenɛzalɛ́ti,