Kɛ́nsísɔ́ 33:2 - MAWUXÓWÉMA

² Mɔyízi wlán fí e yě nɔ te ɖe lɛ́ɛ ɖokpó ɖokpó lě e Mawu Mavɔmavɔ ná gbe tɔn ɛ gbɔn é. Hǔn fí e yě nɔ te ɖe lɛ́ɛ ɖíe:

Kɛ́nsísɔ́ 33:2 Iomraidhean Croise

Tíntɔ́n 17:14

Mawu Mavɔmavɔ ɖɔ nú Mɔyízi ɖɔ: “Wlǎn nǔ e jɛ lɛ́ɛ bǐ dó wěma mɛ, bónú è ma wɔn ó. Đɔ nú Jozuwée ɖɔ un ná sú Amalɛ́ki ví lɛ́ɛ sín kún dó, mɛ ɖěbǔ sɔ́ ná flín yě ɖo ayǐkúngban ɔ́ jí ǎ.”

Kɛ́nsísɔ́ 10:13

Azɔn nukɔn tɔn ɔ́ nɛ́ Izlayɛ́li ví lɛ́ɛ jɛ ali lě e Mawu Mavɔmavɔ ɖɔ gbɔn nú yě gbɔn Mɔyízi jí ɔ́ nɛ́.

Kɛ́nsísɔ́ 10:6

Nú è kwín kpɛn ɔ́ kpódó awǒbóbó kpó azɔn wegɔ́ ɔ́, mɛ e ɖó gɔnu ɖó afɔligbé lɛ́ɛ ná nɔ́ jɛ ali. È nǎ nɔ́ kwín kpɛn ɔ́ kpódó awǒbóbó kpó, bɔ yě ná nɔ́ jɛ ali.

Kɛ́nsísɔ́ 33:1

Fí tɛnmɛ tɛnmɛ e Izlayɛ́li ví lɛ́ɛ gbɔn hwenu e yě gosín Ejípu kpó ahwangɔnu yětɔn lɛ́ɛ kpó, bɔ Mɔyízi kpó Aalɔ́ɔn kpó nɔ nukɔn nú yě lɛ́ɛ ɖíe:

Kɛ́nsísɔ́ 33:3

Yě gosín Hlamusɛ́si toxo ɔ́ mɛ ɖo Ejípu, sun nukɔntɔn e ɖo xwe ɔ́ mɛ ɔ́ sín azǎn afɔtɔngɔ́ ɔ́ gbe. È ɖu Dǐndínwáyixwe ɔ́, ayǐhɔ́ngbe tɔn wɛ Izlayɛ́li ví lɛ́ɛ tɔ́n ɖo Ejípunu lɛ́ɛ bǐ nukún mɛ ma ɖi xɛsi nú nǔɖé.

Sɛ́nflínmɛ 1:2

Ényí è gosín Holɛ́bu só ɔ́ kɔn, bó wlí ali e wá Seyíi só kan mɛ é, bó ná yi Kadɛ́ci-Baanɛ́ya ɔ́, è nɔ zun zɔnlin nú azǎn wǒ-ɖokpó.

Sɛ́nflínmɛ 10:11

Mawu Mavɔmavɔ ɖɔ nú mì ɖɔ: ‘Din ɔ́, sɔ́ nǔ, bó nɔ togun ɔ́ nu, bónú mi jɛ ali; yě ní yi byɔ́ to e nyɛ Mawu Mavɔmavɔ zin alɔ dó akɔ́n ɖɔ un ná ná tɔ́gbó yětɔn lɛ́ɛ ɔ́ mɛ, bónú é ná nyí yětɔn.’ ”