Kɛ́nsísɔ́ 32:3 - MAWUXÓWÉMA

³ “Atalɔ́ti, Divɔ́ni, Yazɛ́ɛ, Nimula, Hɛcibɔ́ni, Eleale, Sevamu, Nɛbo kpódó Beɔ́ni kpó sín toxo lɛ́ɛ ɔ́,

Kɛ́nsísɔ́ 32:3 Iomraidhean Croise

Nɛɛmíi 9:22

A jǒ axɔ́sú ɖé lɛ́ɛ nú yě, bó jó togun ɖé lɛ́ɛ nú yě, bɔ yě yí to e yá yě lɛ́ɛ. Yě yǐ Sihɔ́ni axɔ́sú Hɛcibɔ́ni tɔn ɔ́ sín to, bó yí Ɔgu axɔ́sú Basáni tɔn sín to.

Ezayíi 15:6

Nimulímu tɔ lɛ́ɛ bǐ wɛ mɛ, gběhan lɛ́ɛ bǐ fyɔ́, ɖě sɔ́ wú ǎ; ama mǔ ɖě sɔ́ ɖe ǎ, gběhan mǔ ɖě sɔ́ ɖe ǎ.

Jelemíi 48:1

Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ dó Mɔwabu wú é ɖíe: “Awě tɛ́ ɖíe ká xo mɛ e ɖo Nɛbo toxo ɔ́ mɛ lɛ́ɛ e! È gba toxo yětɔn bǐ. Ahwi xo Kiliyatayimu toxo ɔ́, din ɔ́, kɛntɔ́ lɔ mɛ wɛ é ɖe. Ahwi xo toxo énɛ́ e mɛ kɛntɔ́ ma nɔ́ sixú byɔ́ gbeɖé ǎ é, é ɖu winnyá, è gba to ɔ́ bǐ.

Jelemíi 48:2

Mɔwabunu lɛ́ɛ sín susu vɔ, kɛntɔ́ lɛ́ɛ ɖo wě baɖabaɖa ɖe dó mi wú wɛ ɖo Hɛcibɔ́ni; yě nɔ́ ɖɔ: ‘Mi wa mǐ yi sú Mɔwabunu lɛ́ɛ sín kún dó sín ayǐkúngban ɔ́ jí.’ Madumɛ́ɛnu lɛ́ɛ mi, ahwan ná gba mi lɔ. Kɛntɔ́ kó ɖo ali jí ja mi gɔ́n.

Jelemíi 48:32

Vǐwun Sivuma tɔn, un ya avǐ nú we hú éé un ya nú Yazɛ́ɛ é. Vǐwun Sivuma tɔn, a nyi kan káká yi Xu kúkú ɔ́ gúdo. A nyi kan káká yi Yazɛ́ɛ. Amɔ̌, nǔhɛngblétɔ́ ɔ́ ká byɔ́ vǐwun e è gbɛ lɛ́ɛ mɛ bó hɛn bǐ gblé.

Jelemíi 48:34

Hɛcibɔ́ninu lɛ́ɛ ɖo xó sú wɛ. È se gbe yětɔn ɖo káká Eleale. È se ɖo káká Yaxisa, è se ɖo káká Sowáa, bó se ɖo káká Holonayímu kpó Eglati-Celiciya kpó. Tɔ e ɖo Nimulímu lɛ́ɛ lɔ sɔ́ ɖo sisa wɛ ǎ.

Jelemíi 48:45

Mɛ e ná hɔn lɛ́ɛ ɔ́, nǔ ná ci kɔ nú yě, bɔ yě ná ɖɔ émí ná hwlá cí Hɛcibɔ́ni. Lo ɔ́, myɔ ɖokpó ná wlí ɖo Hɛcibɔ́ni to ɔ́ mɛ, ɖo axɔ́sú Sihɔ́ni sín hɔnmɛ. Zo ɔ́ ná fyɔ́ zǐngídiɖútɔ́ énɛ́ lɛ́ɛ sín to, bɛ́ sín to ɔ́ sín dogbó lɛ́ɛ jí káká wá to ɔ́ tɛ́ntin.

Ezekiyɛ́li 25:9

Énɛ́ wú ɔ́, toxo e nɔ́ zɔ́n, bɔ è ma nɔ sixú byɔ́ Mɔwabu ví lɛ́ɛ sín to ɔ́ mɛ ǎ lɛ́ɛ ɔ́, un ná ɖɔ bɔ è nǎ tɔ́n ahwan bǐ. Un ná gba toxo énɛ́ lɛ́ɛ bǐ ɖě jɛ ɖě gúdo, káká jɛ toxo e nyɔ́ ɖɛkpɛ dóó ɖ'é mɛ lɛ́ɛ jí; è nǎ gba Bɛti-Yesimɔ́ti, è nǎ gba Baalu-Mɛyɔ́ni, bó gba Kiliyatayimu.

Kɛ́nsísɔ́ 21:28

Đó myɔ ɖé tɔ́n sín Hɛcibɔ́ni, zo ɖé tɔ́n sín axɔ́sú Sihɔ́ni sín toxo ɔ́ mɛ. Myɔ fyɔ́ Áa toxo ɔ́ ɖo Mɔwabu to mɛ, bó fyɔ́ vodún e ɖo Aanɔ́ni tɔ ɔ́ sín kpó jí lɛ́ɛ.

Kɛ́nsísɔ́ 21:30

Lo ɔ́, mǐ da gǎ Amɔliti lɛ́ɛ. Din ɔ́, mǐ gba Hɛcibɔ́ni toxo ɔ́; to ɔ́ bǐ wɛ mǐ gba hánnyá káká yi Divɔ́ni, bó gba káká yi Nɔfáxi, bo lɛ́ gba káká yi Madaba. Mǐ vívá kún nú nǔ bǐ.”

Kɛ́nsísɔ́ 21:32

Mɔyízi sɛ́ dobanúnǔtɔ́ lɛ́ɛ dó Yazɛ́ɛ toxo ɔ́ mɛ. Énɛ́ ɔ́ gúdo ɔ́, Izlayɛ́li ví lɛ́ɛ yí toxo ɔ́ kpódó gletoxo e lɛ́ lɛ̌ dó e lɛ́ɛ kpó, bó nya Amɔliti lɛ́ɛ sín toxo énɛ́ lɛ́ɛ mɛ.

Kɛ́nsísɔ́ 32:1

Hwlibɛ́ni ví lɛ́ɛ kpó Gadi ví lɛ́ɛ kpó ɖó kanlin bɔ é sukpɔ́ tawun. Yě mɔ ɖɔ Yazɛ́ɛ gbé jí kpó Galadi to ɔ́ kpó nyɔ́ nú kanlin nyinyi.

Kɛ́nsísɔ́ 32:2

Énɛ́ ɔ́, yě yi mɔ Mɔyízi kpó vɔ̌sánú-xwlémawutɔ́ Eleazáa kpó, kpódó togun Izlayɛ́li tɔn ɔ́ sín gǎn lɛ́ɛ kpó, bó ɖɔ nú yě ɖɔ:

Jozuwée 13:17

Hɛcibɔ́ni lɔ kpódó toxo e ɖo ayǐkúngban wɛnjɛ ɔ́ jí lɛ́ɛ bǐ kpó ɖ'é mɛ. Yě wɛ nyí: Divɔ́ni, Bamɔ́ti-Baalu, Bɛti-Baalu-Mɛwɔ́ni,

Jozuwée 13:19

Kiliyatayimu, Sivuma, Sɛlɛ́ti-Caha; Sɛlɛ́ti-Caha ɔ́ ɖo só e ɖo tɔdo mɛ ɔ́ jí,

Jozuwée 21:39

È lɛ̌ ná yě kpó Hɛcibɔ́ni kpó ayǐkúngban e lɛ́ lɛ̌ dó e ɔ́ kpó, bó lɛ́ ná yě Yazɛ́ɛ kpó ayǐkúngban e lɛ́ lɛ̌ dó e ɔ́ kpó gɔ́ ná. É bló toxo ɛnɛ.

Hwɛɖɔtɔ́ 11:26

Sín xwe afɔɖé kanwe ko (300) ɖíe wɛ Izlayɛ́li ví lɛ́ɛ ɖo Hɛcibɔ́ni kpó Alowɛ́ɛ kpó, kpó toxo e yá fí énɛ́ lɛ́ɛ kpó, kpódó toxo ɖaxó ɖaxó e ɖo Aanɔ́ni tɔ ɔ́ tó lɛ́ɛ bǐ kpó; aniwú wɛ mi ma ka yí ayǐkúngban énɛ́ ɔ́ sín yě sí sín hwenɛ́nu ǎ?