Kɛ́nsísɔ́ 32:19 - MAWUXÓWÉMA

¹⁹ Mǐ ká ná má ayǐkúngban ɖě xá yě ɖo Judɛ́ɛn tɔ ɔ́ sín akpá ɖě ɔ́ xwé ǎ, ɖó ayǐkúngban e nyí mǐdɛɛ lɛ́ɛ tɔn lɛ́ɛ kó ɖo Judɛ́ɛn tɔ ɔ́ sín zǎnzǎnhwe jí fí.”

Kɛ́nsísɔ́ 32:19 Iomraidhean Croise

Bǐbɛ́mɛ 14:12

Lɔ̌ti Ablámu nɔví ví ɔ́ ɖíe ká ɖo Sodɔ́mu hwenɛ́nu e.

2 Axɔ́sú 15:29

Hwenu e Pekáxi ɖo axɔ́sú ɖu wɛ ɖo Izlayɛ́li ɔ́, Asilíi xɔ́sú Tiglati-Pilesɛ́ɛ wá tɔ́n ahwan ɛ, bó yí toxo gěgé: é yí Iyɔ́ni, Avɛ́li-Bɛti-Maaka, Yanɔwáxi, Kedɛ́ci kpó Hasɔ́ɔ kpó, bó yí Galadi yíkúngban ɔ́ kpó Galilée yíkúngban ɔ́ kpó bó yí Nɛfutali to ɔ́ bǐ. É bɛ́ mɛ e gbɔn fí énɛ́ lɛ́ɛ bǐ yi Asilíi.

Nǔnywɛ́xó 20:21

Dɔkun e è jɛ zogbe é ɔ́, è nɔ mɔ nu tɔn sɔ́yi ǎ.

Kɛ́nsísɔ́ 34:15

Ayǐkúngban e nyí akɔta we adaɖé énɛ́ lɛ́ɛ tɔn, ɖo Jeliko nukɔn, ɖo Judɛ́ɛn tɔ ɔ́ gúdo ɖo zǎnzǎnhwe jí é nɛ́.”

Jozuwée 13:8

Akɔta Hwlibɛ́ni tɔn kpó Gadi tɔn kpó, kpódó akɔta vlɔ́ Manasée tɔn nukɔn tɔn ɔ́ kpó kó yí ayǐkúngban ɖ'ayǐ ɖo Judɛ́ɛn tɔ ɔ́ sín zǎnzǎnhwe jí. Mɛsɛntɔ́ Mawu Mavɔmavɔ tɔn Mɔyízi wɛ ko má énɛ́ lɛ́ɛ nú yě ɖ'ayǐ.