Kɛ́nsísɔ́ 32:14 - MAWUXÓWÉMA

¹⁴ Hwɛhutɔ́ e mi, din ɔ́, mi jló ná wa nǔ tɔ́ mitɔn lɛ́ɛ ɖɔhun, bɔ Mawu Mavɔmavɔ ná lɛ́ sin xomɛ dó Izlayɛ́li ví lɛ́ɛ d'é jí.

Kɛ́nsísɔ́ 32:14 Iomraidhean Croise

Bǐbɛ́mɛ 5:3

Ée Adámu ɖó xwe kantɔn wǒ (130) ɔ́, é ji vǐ súnnu ɖokpó, bɔ vǐ ɔ́ cí é ɖɔhun; akpajlɛ́ tɔn wɛ é nyí. É ɖó nyǐkɔ n'i ɖɔ Sɛ́ti.

Bǐbɛ́mɛ 8:21

Bɔ Mawu Mavɔmavɔ se vɔ̌ ɔ́ sín wǎn, bɔ é nyɔ́ se n'i, bɔ é ɖɔ nú éɖée ɖɔ: “Un sɔ́ ná dó nu ayǐkúngban ɔ́ ɖě gbeɖé, ɖó dǎka xixo gbɛtɔ́ lɛ́ɛ tɔn wú ǎ, ɖó sín do wɛ gbɛtɔ́ kó ɖó ayi nyanya sín. Un ka sɔ́ ná vɔ nǔ e ɖo gbɛ ɖo ayǐkúngban ɔ́ jí lɛ́ɛ bǐ ɖě lě e un bló gbɔn din é ǎ.

2 Tan 28:13

Yě ɖɔ nú mɛ e gosín ahwangbénu wá lɛ́ɛ ɖɔ: “Mi ma kplá ahwankannumɔ énɛ́ lɛ́ɛ wá fí ó, mi wa mɔ̌ ɔ́, mi ná dó hwɛ kɔ nú mǐ ɖo Mawu Mavɔmavɔ gɔ́n; mi jló ná dó hwɛ hwɛ jí nú mǐ ɖo Mawu Mavɔmavɔ nukɔn wɛ a? Hwɛgban e ɖo kɔ nú mǐ ɖ'ayǐ é ɖíe kó kpɛn káká bɔ Mawu Mavɔmavɔ ko sin xomɛ dó Izlayɛ́li to ɔ́ ɖésú e.”

Ɛsidlási 10:10

Vɔ̌sánú-xwlémawutɔ́ Ɛsidlási sí te bó ɖɔ nú yě ɖɔ: “Izlayɛ́li ví lɛ́ɛ émí, nyɔ̌nu toɖévomɛnu e mi da lɛ́ɛ ɔ́, hwɛ wɛ mi hu, hwɛ wɛ mi lɛ́ dó hwɛ jí nú togun Izlayɛ́li tɔn ɔ́.

Nɛɛmíi 13:18

É má nyí nǔ e tɔ́gbó tɔgbo mitɔn lɛ́ɛ wa lɛ́ɛ jɛ́n ná! É má nyí nǔ énɛ́ lɛ́ɛ wú wɛ Mawu mǐtɔn dɔn nǔ nyanya énɛ́ lɛ́ɛ bǐ dó mǐ jí, bó dɔn dó toxo élɔ́ jí a? Bɔ midɛɛ lɛ́ɛ mi ko lɛ́ ɖo su ɖu nú gbɔjɛzán ɔ́ wɛ, bó lɛ́ ɖo xomɛsin Mawu tɔn dɔn dó Izlayɛ́li to ɔ́ jí wɛ.”

Jɔ̌bu 14:4

È ka sixú ɖe nǔ mímɛ́ sín nǔ kwíji kwíji mɛ a? Mɛ ɖé sixú ɖe ǎ.

Ɖɛhan 78:57

Yě sɛ yi zɔ nú Mawu, yě nɔ gbejí n'i ǎ tɔ́gbó yětɔn lɛ́ɛ ɖɔhun; yě zɛ ali gǎ e má jlɔ́ ǎ é ɖɔhun.

Ezayíi 1:4

Heelú we akɔta hwɛhutɔ́, togun hwɛgban ɖo tanánɔ, mɛdídá kúnkan; vǐ gblégblé wɛ mi nyí, mi jó Mawu Mavɔmavɔ dó. Mi gbɛ́ wǎn nú Mɛ Mímɛ́ Izlayɛ́li tɔn ɔ́, mi dó gǔdo e.

Ezayíi 57:4

Mɛ̌ ko wɛ mi ka ɖe? Mɛ̌ kɛ nu gblogblo ná wɛ mi ka ɖe? Mɛ̌ sín ɖɛ̌ dɔn wɛ mi ka ɖe? Vǐ e ma se tónú ǎ é wɛ mi nyí; adingban gbɛ́ wɛ mi dó.

Ezekiyɛ́li 20:21

Lo ɔ́, vǐ yětɔn énɛ́ lɛ́ɛ lɔ fɔ́n gǔ dó jǐ ce; yě nyi sɛ́n ce lɛ́ɛ ǎ; yě bló nǔ e zɔ́n lɛ́ɛ ǎ; sɛ́n énɛ́ lɛ́ɛ wɛ gbɛtɔ́ ká ɖó ná nyi bó ná nɔ gbɛ. Yě lɛ́ nyi gbɔjɛzánsɛ́n ɔ́ ǎ. Énɛ́ ɔ́, un tunwun ɖɔ un ná ɖe adǎn e jí un ɖe ɔ́ xlɛ́ yě; un ná ɖe xomɛsin e jí un ɖe ɔ́ xlɛ́ yě ɖo gbětótló ɔ́ mɛ bɔ é ná jɛ mɛ nú mì.

Kɛ́nsísɔ́ 32:15

Đó ényí mi lɛ́ kɔ sín Mawu Mavɔmavɔ gúdo ɔ́, é ná jó Izlayɛ́li ví lɛ́ɛ dó nyi gbětótló mɛ, bɔ yě ná ɖo flúflú wɛ, bɔ é ná sín midɛɛ lɛ́ɛ wú, bɔ togun élɔ́ bǐ ná sú kún dó.”

Luki 11:48

Nǔ e tɔ́gbó mitɔn lɛ́ɛ wa ɔ́, mi ɖo kúnnu ɖe ná wɛ, bó yí dó yětɔn jí; ɖó yědɛɛ lɛ́ɛ hu gbeyíɖɔ Mawu tɔn lɛ́ɛ; midɛɛ lɛ́ɛ ɔ́, mi ka xo kpe ɖagbe nyi yɔ yětɔn lɛ́ɛ ta!

Sɛ́nflínmɛ 9:24

Sín gbe e gbe un tunwun mi ɔ́, mi gɔn gǔ fɔ́n dó Mawu Mavɔmavɔ jí gbeɖé kpɔ́n ǎ.