Kɛ́nsísɔ́ 32:1 - MAWUXÓWÉMA

¹ Hwlibɛ́ni ví lɛ́ɛ kpó Gadi ví lɛ́ɛ kpó ɖó kanlin bɔ é sukpɔ́ tawun. Yě mɔ ɖɔ Yazɛ́ɛ gbé jí kpó Galadi to ɔ́ kpó nyɔ́ nú kanlin nyinyi.

Kɛ́nsísɔ́ 32:1 Iomraidhean Croise

Bǐbɛ́mɛ 13:2

Ablámu jɛ dɔkun ɖésú; é ɖó kanlin kpó kpatágan kpó, kpódó siká kpó kpɔ́ gégé.

Bǐbɛ́mɛ 13:5

Lɔ̌ti lɔmɔ̌ ɖó gbɔ̌ kpó nyibú kpó gěgé, lobo ɖó goxɔ é ɖésúnɔ tɔn gěgé. É xwedó Ablámu.

Bǐbɛ́mɛ 29:32

Énɛ́ ɔ́, Lěya mɔ xo bó ji vǐ súnnu ɖokpó, bó sun nyǐ i ɖɔ Hwlibɛ́ni, Hwlibɛ́ni sín tínmɛ wɛ nyí “É mɔ”, ɖó é ɖo ɖiɖɔ wɛ ɖɔ: “Mawu Mavɔmavɔ mɔ ɖɔ è ɖe mì kpo nǔgbó. Asú ce ná yí wǎn nú mì lo.”

Bǐbɛ́mɛ 47:4

Yě lɛ́ ɖɔ nú axɔ́sú ɔ́ ɖɔ: “Mǐ wá bó ná nɔ to mɛ fí ɖó nǔɖuɖu sɔ́ tíin nú mǐ mɛsɛntɔ́ towe lɛ́ɛ sín lɛ̌ngbɔ́ lɛ́ɛ ǎ, ɖó adɔ e tɔ́n ɖo Kanáa ɔ́ syɛ́n ɖésú. Kɛnklɛ́n bó ná gbe mǐ mɛsɛntɔ́ towe lɛ́ɛ, nú mǐ ná nɔ Gocɛ́ni.”

2 Samuwɛ́li 24:5

Yě dó asá Judɛ́ɛn tɔ ɔ́ bó jɛ mɛ lɛ́ɛ sín kɛ́n sɔ́ jí ɖo Alowɛ́ɛ toxo ɔ́ kpó toxo e ɖo tɔdo ɔ́ tɛ́ntin ɔ́ kpó mɛ. Yě gbɔn akɔta Gadi tɔn yíkúngban jí ɖidó Yazɛ́ɛ.

2 Samuwɛ́li 24:6

Yě byɔ́ Galadi yíkúngban jí, bó yi Hitíti lɛ́ɛ sín tomɛ. Yě yi Kadɛ́ci, bó yi Dan-Yaani, kpó toxo e lɛ́ lɛ̌ dó e lɛ́ɛ kpó mɛ, bó wá yi Sidɔ́ɔn.

1 Tan 4:41

Ezekiyási Judáa xɔ́sú ɔ́ hwenu wɛ gǎn énɛ́ lɛ́ɛ e è xa din lɛ́ɛ wá gbě énɛ́ ɔ́ jí. Yě kíjá goxɔ Cámu ví lɛ́ɛ tɔn kpó nɔtɛn yětɔn lɛ́ɛ kpó, bó sú mɛ e ɖo fínɛ́ lɛ́ɛ bǐ kún dó, bɔ è sɔ́ nɔ mɔ yě ɖo fí ɖě káká jɛ égbé ǎ. Ée yě sú kún yětɔn dó ɔ́, yě jɛ tɛn yětɔn mɛ, ɖó ama ɖagbe ɖo fínɛ́ nú gbɔ̌ yětɔn lɛ́ɛ.

Tíntɔ́n 12:38

Akɔta tɛnmɛ tɛnmɛ lɛ́ɛ nyi ahwan xwedó yě. Gbɔ̌ kpó nyibú kpó e yě kplá lɛ́ɛ sukpɔ́ ɖésú.

Jelemíi 22:6

“Xó e Mawu Mavɔmavɔ ɖɔ dó Judáa xɔ́sú ɔ́ sín hɔnmɛ wú ɔ́ ɖíe: Galadi zungbó ɖɔhun wɛ a cí ɖo nukún ce mɛ nǔgbó; a cí Libáan só ɖɔhun ɖo nukún ce mɛ nǔgbó. Amɔ̌, din ɔ́, un ná sɔ́ we dó húzú gbětótló, toxo e mɛ mɛɖé má ɖe ǎ é.

Jelemíi 48:32

Vǐwun Sivuma tɔn, un ya avǐ nú we hú éé un ya nú Yazɛ́ɛ é. Vǐwun Sivuma tɔn, a nyi kan káká yi Xu kúkú ɔ́ gúdo. A nyi kan káká yi Yazɛ́ɛ. Amɔ̌, nǔhɛngblétɔ́ ɔ́ ká byɔ́ vǐwun e è gbɛ lɛ́ɛ mɛ bó hɛn bǐ gblé.

Jelemíi 50:19

Un ná kplá Izlayɛ́li wá nɔtɛn tɔn. É ná mɔ nǔ ɖu ɖo Kaamɛ́li só jí, bó ná mɔ ɖu ɖo Basáni só jí. Nǔ ɖěbǔ ná hwedó e ɖo Eflayímu só jí ǎ; nǔ ɖěbǔ ná hwedó e ɖo Galadi yíkúngban jí ǎ.

Jelemíi 8:22

Atínkɛn e nɔ dɛn wǔ nú mɛ é ɖě ɖo Galadi to ɔ́ mɛ ǎ cé? Dotóo ɖě ɖo fí ǎ cé? Bɔ étɛ́wú togun ce sín azɔn ma ka gbɔ ǎ?

Micée 7:14

Mawu Mavɔmavɔ, zě lɛ̌ngbɔ́nyitɔ́ kpogɛ towe dó kplá togun towe ná, ɖó é ɖo zɔ ɖo ayǐkúngban e jí nǔɖé má nɔ nyɔ́ ɖe ǎ é, có ayǐkúngban ɖagbe kɛ́ɖɛ́ wɛ ka lɛ́ lɛ̌ dó e, kplá ɛ yi ayǐkúngban ɖagbe ɖagbe Basáni tɔn kpó Galadi tɔn kpó jí, lě e a ko nɔ wa gbɔn ɖ'ayǐ é.

Kɛ́nsísɔ́ 21:32

Mɔyízi sɛ́ dobanúnǔtɔ́ lɛ́ɛ dó Yazɛ́ɛ toxo ɔ́ mɛ. Énɛ́ ɔ́ gúdo ɔ́, Izlayɛ́li ví lɛ́ɛ yí toxo ɔ́ kpódó gletoxo e lɛ́ lɛ̌ dó e lɛ́ɛ kpó, bó nya Amɔliti lɛ́ɛ sín toxo énɛ́ lɛ́ɛ mɛ.

Kɛ́nsísɔ́ 32:2

Énɛ́ ɔ́, yě yi mɔ Mɔyízi kpó vɔ̌sánú-xwlémawutɔ́ Eleazáa kpó, kpódó togun Izlayɛ́li tɔn ɔ́ sín gǎn lɛ́ɛ kpó, bó ɖɔ nú yě ɖɔ:

Kɛ́nsísɔ́ 32:26

Mǐ nǎ jó vǐ mǐtɔn lɛ́ɛ kpó asi mǐtɔn lɛ́ɛ kpó dó, bó ná jó nyibú mǐtɔn lɛ́ɛ bǐ kpó gbɔ̌ mǐtɔn lɛ́ɛ bǐ kpó dó bɔ yě ná nɔ fí, ɖo toxo e ɖo Galadi lɛ́ɛ mɛ.

Kɛ́nsísɔ́ 32:3

“Atalɔ́ti, Divɔ́ni, Yazɛ́ɛ, Nimula, Hɛcibɔ́ni, Eleale, Sevamu, Nɛbo kpódó Beɔ́ni kpó sín toxo lɛ́ɛ ɔ́,

Kɛ́nsísɔ́ 32:35

Atlɔ́ti-Cofani, Yazɛ́ɛ, Yogibóxa,

Sɛ́nflínmɛ 33:21

Gadi kpɔ́n ayǐkúngban ɖagbe ɖagbe e ɖo to ɔ́ mɛ ɔ́ bó sɔ́. É kpɔ́n fí e jɛ xá gǎn ɔ́, bó sɔ́. É nɔ togun ɔ́ nu. É bló nǔ e Mavɔmavɔ zɔ́n lɛ́ɛ kpó gbeta tɔn lɛ́ɛ kpó, nú ɖagbe Izlayɛ́li ví lɛ́ɛ tɔn.”

Jozuwée 13:25

Yazɛ́ɛ, Galadi sín toxo lɛ́ɛ bǐ, kpó Amumɔ́ɔ ví lɛ́ɛ sín toxo wevlɔ́ɖó kpó káká yi Alowɛ́ɛ, ɖo Hlaba kpá.

Jozuwée 22:13

Yě sɛ́ Pínxási vɔ̌sánú-xwlémawutɔ́ Eleazáa ví ɔ́ dó Galadi, bɔ é ná ɖɔ xó nú Hwlibɛ́ni kpódó Gadi kpó sín akɔta lɛ́ɛ bó ná ɖɔ nú akɔta vlɔ́ Manasée tɔn e ɖo zǎnzǎnhwe jí ɔ́ kpó.

Jozuwée 22:9

Hwlibɛ́ni kpódó Gadi kpó sín akɔta lɛ́ɛ, kpódó akɔta vlɔ́ Manasée tɔn kpó lɛ́ kɔ yi to yětɔn mɛ. Yě gosín Izlayɛ́li ví ɖě lɛ́ɛ gɔ́n ɖo Silóo, ɖo Kanáa tomɛ, bó yi Galadi. Ayǐkúngban énɛ́ ɔ́ wɛ è nǎ yě, lě e Mawu Mavɔmavɔ kó ɖɔ gbɔn, gbɔn Mɔyízi jí é.

1 Jǎan 2:16

Đó nǔ e nyí gbɛ ɔ́ tɔn ɔ́ ɖě gosín Tɔ́ ɔ́ gɔ́n ǎ; gbɛtɔ́ sín jlǒ nyanya lɛ́ɛ, nukún ɖo mɛ gban mɛ, kpó goyíyí e dɔkun jijɛ nɔ zɔ́n mɛ é kpán ɖě gosín Tɔ́ ɔ́ gɔ́n ǎ; gbɛmɛ fí núwiwa lɛ́ɛ wɛ.

Hwɛɖɔtɔ́ 5:16

Étɛ́wú wɛ mi ka cí gbɔ̌kpó lɛ́ɛ kpá, bó ɖo tó xɔ́ gbɔ̌nyitɔ́ e ɖo gbɔ̌ yětɔn lɛ́ɛ ylɔ́ wɛ lɛ́ɛ wɛ? Ɛɛn! È ɖo nǔ dɔn wɛ magbokɔ ɖo Hwlibɛ́ni sín hɛ̌nnu lɛ́ɛ mɛ.