Kɛ́nsísɔ́ 31:2 - MAWUXÓWÉMA

² “Yi dɔn tó nú Madiáani ví lɛ́ɛ, bó dó ba Izlayɛ́li ví lɛ́ɛ sín hlɔn, ɖó nǔ nyanya e Madiáani ví lɛ́ɛ wá xá yě ɔ́ wú. Énɛ́ ɔ́ gúdo ɔ́, a nǎ yi su tɔ́gbó towe lɛ́ɛ.”

Kɛ́nsísɔ́ 31:2 Iomraidhean Croise

Bǐbɛ́mɛ 15:15

Amɔ̌, hwɛ ɔ́, kpikpoxɔmɛ ná nyɔ́ nú we. A nǎ kú dó fífá mɛ, bɔ è nǎ ɖi we.

Bǐbɛ́mɛ 25:17

Xwe kantɔn afɔtɔn-nukún-we (137) wɛ Isimayɛ́li ɖó, bɔ gbɔjɛ tɔn xwɛ, bɔ é yi mɔ tɔ́gbó tɔn lɛ́ɛ.

Bǐbɛ́mɛ 25:8

bɔ gbɔjɛ tɔn xwɛ. Hǔn é nɔ kpikpoxɔmɛ ɖésú có gbɛ nyɔ́ n'i. É dɔ́ ji ɖésú cóbó yi mɔ tɔ́gbó tɔn lɛ́ɛ.

Tíntɔ́n 2:16

Vɔ̌sánú-xwlémawutɔ́ ɖé ká ɖo Madiáani fínɛ́. É ɖó vǐ nyɔ̌nu tɛ́nwe. Vǐ lɛ́ɛ wá sin dun gɔ́ nǔ e mɛ gbɔ̌ lɛ́ɛ nɔ́ nu sin ɖe lɛ́ɛ gbé lě e yě kó nɔ́ bló gbɔn é, bónú tɔ́ yětɔn sín gbɔ̌ lɛ́ɛ ná wá nu.

Ezayíi 1:24

Énɛ́ ɔ́ wú wɛ Aklúnɔ, Mawu Mavɔmavɔ Nǔbǐwúkpétɔ́, Mawu hlɔ̌nhlɔ́nnɔ Izlayɛ́li tɔn ɔ́ ɖɔ: “Éénɛ́! Din ɔ́, mɛ e ma ɖo jǐ ce ǎ lɛ́ɛ ɔ́, un ná wa nǔ xá yě bɔ xo ce mɛ ná fá; un ná wa nǔ xá kɛntɔ́ ce lɛ́ɛ dó ba hlɔn.

Naxúmu 1:2

Mawu Mavɔmavɔ ɔ́, Mawu wɛ é nyí; é nɔ́ ba gbeɖé ɖɔ è nǐ sɛn nǔ ɖěvo zɛ émí ɖokpónɔ wú ǎ. É nɔ ba hlɔn. Mawu Mavɔmavɔ nɔ ba hlɔn; xomɛsin tɔn syɛ́n. Mawu Mavɔmavɔ nɔ ba hlɔn kɛntɔ́ tɔn lɛ́ɛ wú, é nɔ́ wɔn nǔ nyanya e yě nɔ́ wa lɛ́ɛ é ǎ.

Kɛ́nsísɔ́ 20:24

“Aalɔ́ɔn ná kú ɖo malín málín mɛ, é sɔ́ ná byɔ́ to e un ná Izlayɛ́li ví lɛ́ɛ ɔ́ mɛ ǎ, ɖó mi se tónú nú mì ɖo Mɛliba sin ɔ́ kɔn ǎ.

Kɛ́nsísɔ́ 20:26

Đe vɔ̌sánú-xwlémawutɔ́ wu lɛ́ɛ sín kɔ tɔn bo dó nú vǐ tɔn Eleazáa. Fínɛ́ wɛ sɛ́ ná ɖó zan nú Aalɔ́ɔn ɖe.”

Kɛ́nsísɔ́ 25:1

Izlayɛ́li ví lɛ́ɛ ɖó gɔnu ɖó Citímu. Ée yě ɖó gɔnu ɖó fínɛ́ ɔ́, yě jɛ aga lɛ xá ɖyɔ̌vǐ Mɔwabu tɔn lɛ́ɛ jí.

Kɛ́nsísɔ́ 25:6

Hwenu e Mɔyízi ɖo xó énɛ́ lɛ́ɛ ɖɔ nú gǎn lɛ́ɛ wɛ ɔ́, Izlayɛ́li ví ɖokpó kplá Madiáani ví nyɔ̌nu ɖokpó wá mɛ tɔn lɛ́ɛ mɛ, bɔ Mɔyízi kpó Izlayɛ́li ví ɖě lɛ́ɛ kpó mɔ ɛ. Yě bǐ kó kplé ɖo Goxɔ ɔ́ sín ali nu bo ɖo avǐ ya wɛ hwenɛ́nu.

Kɛ́nsísɔ́ 27:13

A nǎ kpɔ́n to ɔ́ sɛ́ dó; énɛ́ ɔ́ gúdo ɔ́, hwi lɔmɔ̌ ná kú nɔví towe Aalɔ́ɔn ɖɔhun.

Kɛ́nsísɔ́ 31:1

Mawu Mavɔmavɔ ɖɔ nú Mɔyízi ɖɔ:

Kɛ́nsísɔ́ 31:3

Ée Mawu Mavɔmavɔ ɖɔ mɔ̌ ɔ́, Mɔyízi ɖɔ nú togun ɔ́ ɖɔ: “Mi sɔ́ ahwannú nú súnnu ɖé lɛ́ɛ ɖo mi mɛ, bónú yě ná yi tɔ́n ahwan Madiáani ví lɛ́ɛ, bó dó sɔ́ yě dó ba hlɔn e xó Mawu Mavɔmavɔ ɖɔ ɔ́ ná.

Luki 21:22

Đó hlɔnbiba sín azǎn wɛ azǎn énɛ́ lɛ́ɛ ná nyí, bɔ nǔ e è ko wlán ɖ'ayǐ é bǐ ná jɛ.

Mɛsɛ́dó 13:36

Đó hwenu e Davídi nɔ gbɛ, bó bló jlǒ Mawu tɔn gúdo ɔ́, é wá kú, bɔ è ɖi i dó tɔ́gbó tɔn lɛ́ɛ kpá, bɔ cyɔ tɔn nyɔ ɖo yɔdo mɛ.

Hlɔ̌manu 12:19

Mɛvívɛ́ná ce lɛ́ɛ mi, mi ɖésúnɔ ma nɔ ba hlɔn ó; lo ɔ́, mi nɔ jó xomɛsin Mawu tɔn dó ní nɔ́ wa azɔ̌, ɖó è wlǎn dó Mawuxówéma ɔ́ mɛ ɖɔ: “Nyɛ wɛ nɔ ba hlɔn; nyɛ wɛ nɔ sú nǔ e è wa ɔ́ sín axɔ́ mɛ; Aklúnɔ wɛ ɖɔ mɔ̌.”

Hlɔ̌manu 13:4

ɖó azɔ̌ wa nú Mawu wɛ é ɖe nú ɖagbe hwi ɖésúnɔ tɔn. Ényí a ka nɔ wa nǔ nyanya hǔn, ɖi xɛsi n'i; ɖó yǎyá wɛ é ɖó acɛ bó ná dɔn tó nú mɛ ǎ: É ɖo azɔ̌ wa nú Mawu wɛ, bó ná ɖe xomɛsin Mawu tɔn xlɛ́ mɛ e nɔ wa nǔ nyanya é.

Sɛ́nflínmɛ 32:35

Gbe e gbe yě ná jɛ ayǐ ɔ́, un ná ba hlɔn, un ná sú nǔ e yě wa ɔ́ sín axɔ́ yě. Nǔgbó wɛ, nǔ nyanya sín azǎn énɛ́ ɔ́ kó sɛkpɔ́ bǐ; nǔ e ɖo yě ná xá wɛ ɔ́ sɔ́ ɖo lǐnlín mɛ ǎ.’

Sɛ́nflínmɛ 4:22

Hǔn nyɛ ná kú ɖo to élɔ́ mɛ; un ná dó asá Judɛ́ɛn tɔ ɔ́ gbeɖé ǎ; midɛɛ lɛ́ɛ ná dó asá Judɛ́ɛn tɔ ɔ́, bó ná yí to ɖagbe énɛ́ e ɖo tɔ ɔ́ gúdo é.

1 Tɛsalonikinu 4:6

Mɛɖěbǔ ní ma wa nǔ nyi do nú nɔví tɔn, abǐ ní hízí i ɖo xó énɛ́ ɔ́ mɛ ó; ɖó Mawu ná ba hlɔn nǔ mɔ̌hun lɛ́ɛ bǐ tɔn, lě e mǐ kó ɖɔ nú mi syɛ́nsyɛ́n gbɔn é.

Eblée 10:30

Đó mǐ tunwun mɛ e ɖɔ: “Nyɛ wɛ nɔ ba hlɔn; nyɛ wɛ ná sú nǔ e è wa ɔ́ sín axɔ́ mɛ” é; mɛ ɖokpó énɛ́ ɔ́ wɛ lɛ́ ɖɔ: “Aklúnɔ ná ɖɔ hwɛ xá togun tɔn.”

Nǔɖexlɛ́mɛ 18:20

Jǐnukúnsin! Jɛ awǎ ɖó gba e é gba ɔ́ wú! Mɛɖeɖóvo Mawu tɔn lɛ́ɛ, mɛsɛ́dó lɛ́ɛ kpó gbeyíɖɔ lɛ́ɛ kpó e, mi lɔmɔ̌ ní jɛ awǎ! Đó Mawu ko ɖó nǔ nyanya e é wa nú mi ɔ́ sín hwɛ n'i.

Nǔɖexlɛ́mɛ 19:2

Hwɛɖiɖɔ tɔn lɛ́ɛ nyí nǔgbó, bó sɔgbe! Đó é ɖó hwɛ nú agalɛtɔ́ ɖaxó e sɔ́ aga tɔn dó ɖo ayǐkúngban ɔ́ hɛn gblé wɛ é. Mawu sɔ́ ɛ dó ba hlɔn, ɖó é hu mɛsɛntɔ́ tɔn lɛ́ɛ.”

Nǔɖexlɛ́mɛ 6:10

Yě nɔ sú xó tlílí, bó nɔ ɖɔ: Aklúnɔ mímɛ́, Aklúnɔ nǔgbó nǔgbó, káká hwetɛ́nu wɛ a nǎ nɔ te yi jɛ, bó ná ɖɔ hwɛ xá mɛ e ɖo ayǐkúngban jí lɛ́ɛ, bó ná ba hlɔn nú mǐ, ɖó hu e yě hu mǐ ɔ́ wútu?

Hwɛɖɔtɔ́ 16:24

Ée Filisitɛ́ɛn lɛ́ɛ mɔ mɔ̌ ɔ́, yě lɔmɔ̌ jɛ susu kpa nú vodún yětɔn jí ɖɔ: “Vodún mǐtɔn jó Sanmusɔ́ɔn, kɛntɔ́ mǐtɔn ɔ́ nú mǐ; é wɛ gba to mǐtɔn, bó hu mɛ mǐtɔn lɛ́ɛ gěgé.”

Hwɛɖɔtɔ́ 2:10

Énɛ́ ɔ́ gúdo ɔ́, mɛ e jɔ Jozuwée hwe nu lɛ́ɛ wá kú. Mɛ e jɛ fínɛ́ lɛ́ɛ tunwun Mawu Mavɔmavɔ ǎ; yě ká tunwun azɔ̌ e é wa nú Izlayɛ́li ví lɛ́ɛ ɔ́ ǎ.