Kɛ́nsísɔ́ 30:7 - MAWUXÓWÉMA

⁷ “Din ɔ́, mǐ ní ɖɔ ɖyɔ̌vǐ ɖé tíin, bó dó akpá, abǐ é xwlé nǔ, bó ké ya ná ǎ. Ée é bló énɛ́ ɔ́ gúdo ɔ́, é wá da asú.

Kɛ́nsísɔ́ 30:7 Iomraidhean Croise

Bǐbɛ́mɛ 3:16

Énɛ́ ɔ́ gúdo ɔ́, Mawu Mavɔmavɔ ɖɔ nú nyɔ̌nu ɔ́ ɖɔ: “Un ná bló bɔ a mɔ xo ɔ́, a nǎ nɔ́ mɔ wǔvɛ́ ɖésú; a yi ajidonu ɔ́, a nǎ mɔ wǔvɛ́; asú towe ná nɔ́ jló we, éyɛ́ ká ná ɖu gǎn ɖo jǐ towe.”

Jelemíi 44:19

Ée súnnu lɛ́ɛ ɖɔ mɔ̌ ɔ́, nyɔ̌nu lɛ́ɛ ɖɔ nú Jelemíi ɖɔ: “Hwenu e mǐ ɖo zǎlínkpɔ́n xwlé vodún Axɔ́si jǐxwé tɔn ɔ́ wɛ ɔ́, é má nyí asú mǐtɔn lɛ́ɛ jɛ́n yí gbe nú mǐ ǎ cé? Yě tunwun ganjí ɖɔ vodún Axɔ́si jǐxwé tɔn ɔ́, atá e mǐ nɔ́ xwlé e ɔ́, akpajlɛ́ tɔn wɛ; yě tunwun ɖɔ é wɛ mǐ nɔ́ lɛ́ ba ahan ná.”

Kɛ́nsísɔ́ 30:6

Lo ɔ́, nú tɔ́ tɔn se bó gbɛ́ n'i gbe e gbe é se ɔ́, é sɔ́ ná ɖe akpá e é dó lɛ́ɛ ǎ. Mawu Mavɔmavɔ ka ná sɔ́ hwɛ kɛ ɛ, ɖó tɔ́ tɔn wɛ gbɛ́ n'i.

Kɛ́nsísɔ́ 30:8

Ényí asú tɔn wá se, bó má ɖɔ xó ɖěbǔ n'i d'é wú gbe e gbe é se ɔ́ ǎ ɔ́, é ní tunwun ɖɔ akpá e émí dó ɔ́ kpó nǔ e émí xwlé ɔ́ kpó kpo ɖo te.

Hlɔ̌manu 7:2

Nǔ e wú è nǎ kpɔ́n dó ɔ́ ɖíe: nyɔ̌nu e ɖo asúxwé ɔ́, sɛ́n ɔ́ cá ɛ dó asú tɔn wú, káká yi jɛ hwenu e asú tɔn ná nɔ gbɛ xɔ é bǐ; lo ɔ́, ényí asú ɔ́ kú ɔ́, nyɔ̌nu ɔ́ gosín sɛ́n e cá ɛ dó asú tɔn wú ɔ́ sín acɛ mɛ.

1 Samuwɛ́li 1:11

bó ɖɔ: “Mawu Mavɔmavɔ Nǔbǐwúkpétɔ́, ényí a kɛnklɛ́n bó nyi kɔ kpɔ́n wǔvɛ́ e mɔ wɛ nyɛ mɛsɛntɔ́ towe ɖe ɔ́, ényí a flín mì bó má wɔn mì ǎ, bó ná vǐ súnnu ɖokpó nyɛ mɛsɛntɔ́ towe ɔ́, un ná sɔ́ vǐ ɔ́ ɖó vo nú we, bɔ é ná nyí towe kúgbe gbɛgbe, bɔ è nǎ xwlɛ́ ta n'i gbeɖé ǎ; énɛ́ ɔ́ ná ɖe xlɛ́ ɖɔ è sɔ́ ɛ ɖó vo nú we.”

1 Samuwɛ́li 1:23

Asú tɔn ká ɖɔ n'i ɖɔ: “Blǒ lě e a mɔ ɖɔ é ná nyɔ́ gbɔn é; nɔ te bónú vǐ ɔ́ ɖe anɔ̌. Mawu Mavɔmavɔ ní vɛ́ ɖe akpá e é dó é.” Nǔgbó ɔ́, Ana cí Hlama, bó ná anɔ̌ vǐ ɔ́ káká bɔ vǐ ɔ́ ɖe anɔ̌.