Kɛ́nsísɔ́ 30:13 - MAWUXÓWÉMA

¹³ Lo ɔ́, nú asú tɔn gbɛ́ n'i gbe e gbe é se ɔ́, é sɔ́ ná ɖe akpá e é dó lɛ́ɛ ǎ, Mawu Mavɔmavɔ ka ná sɔ́ hwɛ kɛ ɛ, ɖó asú tɔn gbɛ́ n'i.

Kɛ́nsísɔ́ 30:13 Iomraidhean Croise

Ɛsidlási 8:21

Đo tɔsisa Axawa tɔn ɔ́ kɔn fínɛ́ ɔ́, un ɖɔ mǐ bǐ ɖó ná blá nu, bó ná dó sɔ́ mǐɖée hwe ɖo Mawu mitɔn nukɔn, bónú é ná bló bónú mǐ kpódó vǐ mǐtɔn lɛ́ɛ kpó, kpódó dɔkun mǐtɔn lɛ́ɛ kpó ná yi to ɔ́ mɛ ɖagbe.

Ɖɛhan 35:13

Nyɛ ɔ́, hwenu e kɛntɔ́ ce lɛ́ɛ ɖo azɔn jɛ wɛ ɔ́, wǔ kú mì bɔ un sɔ́ caki dó, bó ɖe xlɛ́, un blá nu dó sɔ́ nyɛɖée hwe. Un xo ɖɛ ɔ́, un nɔ lɛ́ xo.

Ezayíi 58:5

Nubláblá e un nɔ yí wǎn ná ɔ́, mɔ̌ wɛ è nɔ blá gbɔn a? Lě e è nɔ sɔ́ mɛɖée hwe gbɔn ɖo nukɔn ce ɔ́ ná? È ko dó kɔ do fántín ɖɔhun, bó sɔ́ ati kplá, bó mlɔ́ afín mɛ ɔ́, énɛ́ ɔ́ wɛ mi nɔ ylɔ́ ɖɔ nubláblá a? Azǎn énɛ́ ɔ́ sixú nyí azǎn ɖé, bó ná nyɔ́ nukún ce mɛ a?

Levíi ví 16:29

“Sɛ́n ɖokpó wɛ nyí sɛ́n énɛ́ ɔ́, bɔ mi ná nɔ́ nyi; hǔn azǎn wǒgɔ́ ɔ́ e ɖo sun tɛ́nwegɔ́ ɔ́ mɛ ɔ́ gbe ɔ́, mi kpódó Izlayɛ́li ví lɛ́ɛ kpó, kpódó jǒnɔ e ɖo to mitɔn mɛ lɛ́ɛ kpó ná blá nu. Mi ná wa azɔ̌ ɖěbǔ ǎ. Mi ná nyi sɛ́n énɛ́ ɔ́ káká sɔ́yi.

Levíi ví 23:27

“Sun tɛ́nwegɔ́ ɔ́ sín azǎn wǒgɔ́ ɔ́ ná nyí azǎn ɖaxó e gbe è nɔ súnsún hwɛ sín kɔ nú mɛ ɔ́. Azǎn énɛ́ ɔ́ gbe ɔ́, mi ná kplé bó sɛn mì. Mi ná blá nu, bó ná sá vɔ̌ e è nɔ dó zo ɔ́.

Levíi ví 23:32

Azǎn énɛ́ ɔ́ ná nyí gbɔjɛzán nú mi; mi ná wa azɔ̌ ǎ; mi ná blá nu. Mi ná nyi gbɔjɛzánsɛ́n énɛ́ ɔ́ bɛ́ sín azǎn tɛ́nnɛgɔ́ ɔ́ gbe gbadanu, sɔ́yi ayǐhɔ́ngbe tɔn gbadanu.”

Kɛ́nsísɔ́ 29:7

Mawu Mavɔmavɔ ɖɔ nú Mɔyízi ɖɔ: “Sun tɛ́nwegɔ́ énɛ́ ɔ́ sín azǎn wǒgɔ́ ɔ́ gbe ɔ́, mi ná kplé, bó ná sɛn nyɛ Mawu Mavɔmavɔ; mi ná blá nu; mi ɖó ná wa azɔ̌ ɖěbǔ ǎ.

Kɛ́nsísɔ́ 30:12

bɔ asú tɔn se, bó má gbɛ́ n'i ǎ ɔ́, nyɔ̌nu ɔ́ ɖó ná ɖe akpá e é dó lɛ́ɛ.

Kɛ́nsísɔ́ 30:14

Hǔn ényí nyɔ̌nu ɖé dó akpá ɖé abǐ é xwlé nǔ ɖɔ émí ná bló nǔɖé ɔ́, asú tɔn sixú yí gbe ná, é ká sixú gbɛ́.

1 Kɔlɛ́ntinu 11:3

É ka ɖo mɔ̌ có, un jló ɖɔ mi ní mɔ nukúnnú jɛ nǔ élɔ́ wú: Klísu nyí gǎn nú súnnu bǐ; asisúnɔ nyí gǎn nú asi tɔn, bɔ Mawu ka nyí gǎn nú Klísu.

1 Kɔlɛ́ntinu 11:9

Mawu bló súnnu nú nyɔ̌nu ǎ; amɔ̌ nyɔ̌nu wɛ é bló nú súnnu.

1 Kɔlɛ́ntinu 7:5

Mi ma gbɛ́ xɔ nú miɖée ó, afi nú mi ɖó gbe kpɔ́, bó ná nɔ mɔ̌ nú hwenu ɖé, bó ná sixú kpé nukún dó ɖɛxixo wú. Amɔ̌, ényí hwe ɔ́ nu wá yi ɔ́, mi ná lɛ́ bɛ́ asú kpó asi kpó sín gbɛ lě e é jɛ xá gbɔn é; é má nyí mɔ̌ ǎ ɔ́, miɖée jí ɖu ɖe táá gló mi, bɔ Satáan ná tɛ́n mi kpɔ́n.