Kɛ́nsísɔ́ 30:12 - MAWUXÓWÉMA

¹² bɔ asú tɔn se, bó má gbɛ́ n'i ǎ ɔ́, nyɔ̌nu ɔ́ ɖó ná ɖe akpá e é dó lɛ́ɛ.

Kɛ́nsísɔ́ 30:12 Iomraidhean Croise

Jelemíi 44:17

Nǔ e mǐ kó zé nu mǐtɔn dó ɖɔ ɔ́ wɛ mǐ jló ná bló, é wɛ nyí ɖɔ mǐ nǎ xwlé zǎlínkpɔ́n vodún Axɔ́si jǐxwé tɔn ɔ́, mǐ ná ba ahan n'i, lě e mǐ kpó mɛ mǐtɔn lɛ́ɛ, axɔ́sú mǐtɔn lɛ́ɛ, kpódó gǎn mǐtɔn lɛ́ɛ kpó nɔ́ bló gbɔn ɖo Judáa, bó nɔ́ bló gbɔn ɖo Jeluzalɛ́mu li lɛ́ɛ jí ɖ'ayǐ é. Hwenu e mǐ nɔ́ wa nǔ gbɔn mɔ̌ ɔ́, mǐ nɔ́ mɔ nǔ bó nɔ́ ɖu, bó nɔ́ gɔ́ xo, mǐ nɔ́ ɖu gbɛ, adǎn ɖěbǔ nɔ́ gbo mǐ ǎ.

Jelemíi 44:19

Ée súnnu lɛ́ɛ ɖɔ mɔ̌ ɔ́, nyɔ̌nu lɛ́ɛ ɖɔ nú Jelemíi ɖɔ: “Hwenu e mǐ ɖo zǎlínkpɔ́n xwlé vodún Axɔ́si jǐxwé tɔn ɔ́ wɛ ɔ́, é má nyí asú mǐtɔn lɛ́ɛ jɛ́n yí gbe nú mǐ ǎ cé? Yě tunwun ganjí ɖɔ vodún Axɔ́si jǐxwé tɔn ɔ́, atá e mǐ nɔ́ xwlé e ɔ́, akpajlɛ́ tɔn wɛ; yě tunwun ɖɔ é wɛ mǐ nɔ́ lɛ́ ba ahan ná.”

Kɛ́nsísɔ́ 15:25

Vɔ̌sánú-xwlémawutɔ́ ɔ́ ná sá hwɛxɔ́súsú vɔ́ dó Izlayɛ́li ví lɛ́ɛ bǐ tamɛ, bɔ nyɛ Mawu Mavɔmavɔ ná sɔ́ hwɛ kɛ yě; ɖó yě tunwun ǎ, bó hu hwɛ, bo ká hɛn vɔ̌sánú yětɔn wá nú vɔ̌ e è nɔ dó zo nú nyɛ Mawu Mavɔmavɔ ɔ́, bó hɛn kanlin e è nɔ dó sá hwɛxɔ́súsú vɔ́ ná ɖo nukɔn ce ɔ́ wá, ɖó hwɛ e yě má tunwun ǎ bó hu ɔ́ wú.

Kɛ́nsísɔ́ 15:28

Vɔ̌sánú-xwlémawutɔ́ ɔ́ ná sá hwɛxɔ́súsú vɔ́ ɔ́ ɖo nukɔn ce, dó mɛ e ma tunwun ǎ bó hu hwɛ ɔ́ tamɛ. Ényí é kó sá hwɛxɔ́súsú vɔ́ ɔ́ dó ta tɔn mɛ ɔ́, un ná sɔ́ hwɛ kɛ ɛ.

Kɛ́nsísɔ́ 30:11

“Ényí nyɔ̌nu ɖé ɖo asúxwé, bó dó akpá abǐ é xwlé nǔ,

Kɛ́nsísɔ́ 30:13

Lo ɔ́, nú asú tɔn gbɛ́ n'i gbe e gbe é se ɔ́, é sɔ́ ná ɖe akpá e é dó lɛ́ɛ ǎ, Mawu Mavɔmavɔ ka ná sɔ́ hwɛ kɛ ɛ, ɖó asú tɔn gbɛ́ n'i.

Kɛ́nsísɔ́ 30:5

ényí tɔ́ tɔn se bó má ɖɔ xó ɖěbǔ n'i d'é wú ǎ ɔ́, nyɔ̌nu énɛ́ ɔ́ ɖó ná ɖe akpá e é dó lɛ́ɛ.

Kɛ́nsísɔ́ 30:8

Ényí asú tɔn wá se, bó má ɖɔ xó ɖěbǔ n'i d'é wú gbe e gbe é se ɔ́ ǎ ɔ́, é ní tunwun ɖɔ akpá e émí dó ɔ́ kpó nǔ e émí xwlé ɔ́ kpó kpo ɖo te.

1 Kɔlɛ́ntinu 11:3

É ka ɖo mɔ̌ có, un jló ɖɔ mi ní mɔ nukúnnú jɛ nǔ élɔ́ wú: Klísu nyí gǎn nú súnnu bǐ; asisúnɔ nyí gǎn nú asi tɔn, bɔ Mawu ka nyí gǎn nú Klísu.

1 Samuwɛ́li 1:23

Asú tɔn ká ɖɔ n'i ɖɔ: “Blǒ lě e a mɔ ɖɔ é ná nyɔ́ gbɔn é; nɔ te bónú vǐ ɔ́ ɖe anɔ̌. Mawu Mavɔmavɔ ní vɛ́ ɖe akpá e é dó é.” Nǔgbó ɔ́, Ana cí Hlama, bó ná anɔ̌ vǐ ɔ́ káká bɔ vǐ ɔ́ ɖe anɔ̌.