Kɛ́nsísɔ́ 3:9 - MAWUXÓWÉMA

⁹ Énɛ́ ɔ́, a nǎ sɔ́ Levíi ví lɛ́ɛ jó nú Aalɔ́ɔn kpódó vǐ tɔn súnnu lɛ́ɛ kpó bónú yě ná dó alɔ yě. Izlayɛ́li ví ɖě lɛ́ɛ ná sɔ́ yě jó bǐ gbídígbídí.

Kɛ́nsísɔ́ 3:9 Iomraidhean Croise

1 Tan 15:2

Énɛ́ ɔ́ gúdo ɔ́, é ɖɔ: “Levíi ví lɛ́ɛ kɛ́ɖɛ́ wɛ ɖó acɛ bo ná zé akɔjijɛgbá Mawu tɔn ɔ́, ɖó Mawu Mavɔmavɔ wɛ ɖe yě bɔ yě ná nɔ́ zé, bɔ é nyí azɔ̌ yětɔn káká sɔ́yi.”

1 Tan 6:33

Levíi ví ɖě lɛ́ɛ nɔ́ wa azɔ̌ e kpo ɖo Mawu xwé gbe lɛ́ɛ.

Ɛsidlási 2:43

Mɛ e wá ɖo mɛ e nɔ wa azɔ̌ ɖo Mawu xwé lɛ́ɛ sín gbɛ̌ta mɛ lɛ́ɛ ɖíe: kúnkan Siha kpódó Hasúfa kpó, kpódó Tabawɔ́ti kpó tɔn,

Ɛsidlási 6:18

È mǎ vɔ̌sánú-xwlémawutɔ́ lɛ́ɛ ɖó vovo, bó má Levíi ví lɛ́ɛ ɖó vovo. Azɔ̌ e ɖokpó ɖokpó yětɔn nɔ wa nú Mawu ɖo Jeluzalɛ́mu ɔ́ wɛ è xwedó bo dó má yě, bɔ é sɔgbe xá nǔ e è wlǎn dó Mɔyízisɛ́n wěma mɛ é.

Ɛsidlási 8:20

Yě lɛ́ kplá súnnu afɔɖé ko (220) wá. Mɛ e nɔ wa azɔ̌ ɖo Mawu xwé gbe lɛ́ɛ mɛ wɛ è ɖe mɛ énɛ́ lɛ́ɛ ɖe tawun. Mɛ e Davídi kpó azɔ̌gbɛ́ tɔn lɛ́ɛ kpó ko sɔ́ jó nú Levíi ví lɛ́ɛ, bɔ yě ná wa azɔ̌ nú yě lɛ́ɛ mɛ wɛ è cyán yě ɖe. Yě bǐ sín nyǐkɔ wɛ yě ylɔ́.

Kɛ́nsísɔ́ 16:9

Ée Mawu Mavɔmavɔ, Mawu Izlayɛ́li tɔn ɔ́ ɖe mi ɖó vo ɖo Izlayɛ́li ví ɖě lɛ́ɛ mɛ, bónú mi ná nɔ́ sɛkpɔ́ ɛ, bó ná nɔ́ kpé nukún dó Goxɔ tɔn wú, bó ná nɔ́ sɛn Mawu Mavɔmavɔ ɖó Izlayɛ́li togun ɔ́ ta mɛ ɔ́, nǔ énɛ́ ɔ́ kpé mi ǎ wɛ a?

Kɛ́nsísɔ́ 18:2

A nǎ ylɔ́ nɔví towe súnnu e ɖo akɔta Levíi tɔn ɔ́ mɛ lɛ́ɛ, bɔ yě ná wá gɔ̌n towe. Hwenu e hwi kpó vǐ towe lɛ́ɛ kpó ná ɖo azɔ̌ wa wɛ ɖo Goxɔ ɔ́ nukɔn ɔ́, yě ná xo kpó ɖó nú mi, bo ná wa azɔ̌ xá mi.

Kɛ́nsísɔ́ 3:8

Yě ná nɔ́ kpé nukún dó nǔ e è nɔ zán ɖo Goxɔ ɔ́ mɛ lɛ́ɛ wú bó ná nɔ wa azɔ̌ e ɖo Goxɔ ɔ́ mɛ lɛ́ɛ ɖó Izlayɛ́li ví lɛ́ɛ do mɛ.

Kɛ́nsísɔ́ 8:14

A nǎ ɖe Levíi ví lɛ́ɛ sín Izlayɛ́li ví ɖě lɛ́ɛ mɛ, bɔ yě ná nyí nyɛ Mawu Mavɔmavɔ tɔn.

Kɛ́nsísɔ́ 8:16

Đó ce wɛ yě nyǐ; yě wɛ sɔ́ Izlayɛ́li ví ɖě lɛ́ɛ sín afɔ ɖó te. Un ɖe yě ɖó vo nú nyɛɖée, bɔ yě ná nɔ Izlayɛ́li ví ɖě lɛ́ɛ sín tɛn mɛ.

Kɛ́nsísɔ́ 8:18

bó zé Levíi ví lɛ́ɛ ɖó Izlayɛ́li ví ɖě lɛ́ɛ sín nukɔngbéví lɛ́ɛ tɛn mɛ.

Kɛ́nsísɔ́ 8:19

Un ɖe Levíi ví lɛ́ɛ sín Izlayɛ́li ví ɖě lɛ́ɛ tɛ́ntin, bó sɔ́ yě jó nú Aalɔ́ɔn kpódó vǐ tɔn súnnu lɛ́ɛ kpó, bónú yě ná nɔ́ wa Izlayɛ́li ví lɛ́ɛ sín azɔ̌ ɖo Goxɔ ɔ́ mɛ, bó ná sá vɔ̌ e nɔ́ súnsún hwɛ ɔ́ ɖó ta yětɔn mɛ. Énɛ́ ɔ́, nú Izlayɛ́li ví lɛ́ɛ sɛkpɔ́ Mawu xwé ɔ́, nyladó ɖěbǔ ná kɔn dó yě jí ǎ.”

Efɛ́zinu 4:11

É wɛ ná nǔníná vovo gbɛtɔ́ lɛ́ɛ. É ná, bɔ mɛɖé lɛ́ɛ nyí mɛsɛ́dó, bɔ mɛɖé lɛ́ɛ nyí gbeyíɖɔ Mawu tɔn, mɛɖé lɛ́ɛ nyí Mawuxójlátɔ́, bɔ mɛɖé lɛ́ɛ nyí nukɔntɔ́, bó nyí nǔkplɔ́nmɛtɔ́.

Efɛ́zinu 4:8

Lě e nǔ e è wlǎn dó Mawuxówéma ɔ́ mɛ ɔ́ ɖɔ gbɔn ɔ́: “Hwenu e é yi jǐ aga ɔ́, é kplá gantɔ́ lɛ́ɛ yi, é ná nǔ gbɛtɔ́ lɛ́ɛ.”