Kɛ́nsísɔ́ 3:8 - MAWUXÓWÉMA

⁸ Yě ná nɔ́ kpé nukún dó nǔ e è nɔ zán ɖo Goxɔ ɔ́ mɛ lɛ́ɛ wú bó ná nɔ wa azɔ̌ e ɖo Goxɔ ɔ́ mɛ lɛ́ɛ ɖó Izlayɛ́li ví lɛ́ɛ do mɛ.

Kɛ́nsísɔ́ 3:8 Iomraidhean Croise

1 Tan 23:27

Énɛ́ ɔ́, è sɔ́ Levíi ví e xwe yětɔn bɛ́ sín ko káká sɔ́yi lɛ́ɛ sín kɛ́n, lě e gbeta gǔdo gúdo tɔn e Davídi ɖe tɔ́n ɔ́ ɖɔ gbɔn é.

2 Tan 29:11

Vǐ ce lɛ́ɛ mi, din ɔ́, mi gɔn vɛ̌ dó nú nǔ, ɖó Mawu Mavɔmavɔ wɛ sɔ́ mi, bónú mi ná nɔ nukɔn tɔn, bó ná wa azɔ̌ n'i, bó ná nyí mɛsɛntɔ́ tɔn, bó ná nɔ́ dó zǎlínkpɔ́n zo n'i.”

Ezayíi 52:11

Mi mɛ e lɛ́ kɔ nú nǔ e è nɔ zán sinsɛn hwenu lɛ́ɛ sín Babilɔ́nu xwe Jeluzalɛ́mu lɛ́ɛ ɔ́, mi ɖidó, mi gosín Babilɔ́nu, mi yá wǔ; mi ma ɖ'alɔ nǔ kwíji ɖěbǔ wú ó. Mi hɛn miɖée ɖó mǐmɛ́ jí bó tɔ́n sín fí.

Kɛ́nsísɔ́ 10:17

Levíi ví lɛ́ɛ tún Goxɔ ɔ́, bɔ Gɛɛcɔ́ni kpódó Mɛlali kpó sín kúnkan lɛ́ɛ ɖíɖá, bó jɛ ali.

Kɛ́nsísɔ́ 10:21

Levíi ví e jɔ ɖo Kexáti kún mɛ lɛ́ɛ bɛ́ nǔ mímɛ́ bǐ lɛ́ɛ, bó jɛ ali ɖidó bɔdó yě wú. Levíi ví ɖě lɛ́ɛ ɖó ná kó kɛ́ Goxɔ ɔ́ ɖ'ayǐ, cóbɔ yě ná wá.

Kɛ́nsísɔ́ 3:7

Yě ná nɔ́ wa sinsɛnzɔ́ yětɔn ɖó Aalɔ́ɔn kpódó Izlayɛ́li togun ɔ́ bǐ kpó tɛnmɛ, ɖo Goxɔ ɔ́ nukɔn. Yě ná nɔ́ wa azɔ̌ e ɖo Goxɔ ɔ́ mɛ lɛ́ɛ.

Kɛ́nsísɔ́ 3:9

Énɛ́ ɔ́, a nǎ sɔ́ Levíi ví lɛ́ɛ jó nú Aalɔ́ɔn kpódó vǐ tɔn súnnu lɛ́ɛ kpó bónú yě ná dó alɔ yě. Izlayɛ́li ví ɖě lɛ́ɛ ná sɔ́ yě jó bǐ gbídígbídí.

Kɛ́nsísɔ́ 31:30

Nǔ e nyí Izlayɛ́li ví ɖě lɛ́ɛ tɔn lɛ́ɛ ɔ́, a nǎ zé gbɛtɔ́ ɖokpó ɖo gbɛtɔ́ kanɖé wǒ (50) jí, nyibú ɖokpó ɖo nyibú kanɖé wǒ (50) jí, tócí ɖokpó ɖo tócí kanɖé wǒ (50) jí, lɛ̌ngbɔ́ ɖokpó ɖo lɛ̌ngbɔ́ kanɖé wǒ (50) jí, bó ná bló nǔ ɖokpó ɔ́ nú kanlin alɔkpa alɔkpa lɛ́ɛ bǐ; a nǎ bɛ́ nǔ énɛ́ lɛ́ɛ e a jɔ ɔ́ nú Levíi ví e nɔ́ kpé nukún dó nyɛ Mawu Mavɔmavɔ sín nɔtɛn wú lɛ́ɛ é.”

Kɛ́nsísɔ́ 4:15

Cóbónú yě ná jɛ ali ɔ́, Aalɔ́ɔn kpódó vǐ tɔn súnnu lɛ́ɛ kpó nɔ́ bú nǔ dó nǔ mímɛ́ énɛ́ lɛ́ɛ, kpódó nǔ e è nɔ zán ɖo nǔ énɛ́ lɛ́ɛ kɔn lɛ́ɛ kpó. Yě bló fó ɔ́, Kexáti sín vǐ súnnu lɛ́ɛ nɔ́ wá ɖíɖá. Lo ɔ́, yě ná ɖó alɔ nǔ mímɛ́ lɛ́ɛ ɖě wú ǎ; yě táá kú. Nú è tún Goxɔ ɔ́, azɔ̌ e nyí yědɛɛ lɛ́ɛ tɔn bɔ yě ná wa é nɛ́.

Kɛ́nsísɔ́ 4:28

Azɔ̌ e kan Mawu xwé ɔ́, bɔ è sɔ́ dó así nú hɛ̌nnu Gɛɛcɔ́ni tɔn lɛ́ɛ, bɔ yě ná nɔ́ wa lɛ́ɛ nɛ́. Itamáa, vɔ̌sánú-xwlémawutɔ́ Aalɔ́ɔn sín vǐ ɔ́ wɛ ná nɔ yě nu.”

Kɛ́nsísɔ́ 4:33

Azɔ̌ e kan Mawu xwé ɔ́, bɔ è sɔ́ dó así nú hɛ̌nnu Mɛlali tɔn lɛ́ɛ, bɔ yě ná nɔ́ wa lɛ́ɛ nɛ́. Itamáa vɔ̌sánú-xwlémawutɔ́ Aalɔ́ɔn ví ɔ́ ná nɔ yě nu.”