Kɛ́nsísɔ́ 3:7 - MAWUXÓWÉMA

⁷ Yě ná nɔ́ wa sinsɛnzɔ́ yětɔn ɖó Aalɔ́ɔn kpódó Izlayɛ́li togun ɔ́ bǐ kpó tɛnmɛ, ɖo Goxɔ ɔ́ nukɔn. Yě ná nɔ́ wa azɔ̌ e ɖo Goxɔ ɔ́ mɛ lɛ́ɛ.

Kɛ́nsísɔ́ 3:7 Iomraidhean Croise

1 Tan 26:20

Levíi ví ɖěvo lɛ́ɛ nɔ́ cɔ́ dɔkun e ɖo Mawu xwé gbe lɛ́ɛ, bó nɔ cɔ́ nǔ e è ɖe ɖó vo nú Mawu lɛ́ɛ.

1 Tan 26:22

vǐ tɔn Zetámu kpó Yoɛ́li kpó. Yědɛɛ lɛ́ɛ wɛ nɔ́ cɔ́ dɔkun e ɖo Mawu Mavɔmavɔ xwé gbe lɛ́ɛ.

1 Tan 26:26

Celomíti kpó nɔví tɔn lɛ́ɛ kpó wɛ nɔ́ kpɔ́n nǔ e axɔ́sú Davídi kpó hɛ̌nnugán lɛ́ɛ kpó, kpó sɔ́ja afatɔ́ngán lɛ́ɛ, sɔ́jakanwekogán lɛ́ɛ kpódó ahwangán ɖě lɛ́ɛ kpó sɔ́ ɖó vo nú Mawu lɛ́ɛ bǐ jí.

Levíi ví 8:35

Hǔn mi ná nɔ goxɔ ɔ́ nukɔn xɔ azǎn tɛ́nwe; mi ná nɔ fínɛ́ zǎn kpó kéze kpó, bó ná bló nǔ e Mawu Mavɔmavɔ ɖɔ è nǐ bló lɛ́ɛ, bó má wá kú ó; ɖó nǔ e Mawu Mavɔmavɔ ɖɔ nú mì ɔ́ nɛ́.”

Kɛ́nsísɔ́ 1:50

A nǎ zé azɔ̌ e nyí Goxɔ ɔ́ tɔn lɛ́ɛ dó alɔ mɛ nú Levíi ví lɛ́ɛ; fínɛ́ wɛ akɔjijɛgbá ɔ́ ɖe. Nǔ e è dǒ bló Goxɔ ɔ́ ná lɛ́ɛ kpó nǔ e è nɔ zán ɖo xwé ɔ́ gbe lɛ́ɛ kpó sín azɔ̌ lɛ́ɛ ɔ́, a nǎ zé dó alɔ mɛ nú yě. Yě wɛ ná nɔ́ zé Goxɔ ɔ́ kpó nǔ e è nɔ zán ɖ'é mɛ lɛ́ɛ bǐ kpó. Yě wɛ ná nɔ wa azɔ̌ ɖo xwé ɔ́ gbe; yě wɛ ná nɔ́ ɖó gɔnu lɛ́ lɛ̌ dó Goxɔ ɔ́.

Kɛ́nsísɔ́ 1:53

Amɔ̌, kúnkan Levíi tɔn lɛ́ɛ kɛ́ɖɛ́ wɛ ná nɔ́ ɖó gɔnu lɛ́ lɛ̌ dó Goxɔ ɔ́, bó ká ná nɔ́ ɖo azɔ̌ yětɔn wa wɛ. Énɛ́ ɔ́, Izlayɛ́li ví lɛ́ɛ ná dɔn xomɛsin nyɛ Mawu Mavɔmavɔ tɔn dó yěɖée jí ǎ.”

Kɛ́nsísɔ́ 3:32

Eleazáa, vɔ̌sánú-xwlémawutɔ́ Aalɔ́ɔn sín vǐ ɔ́ wɛ nyí gǎn ɖaxó nú Levíi ví lɛ́ɛ sín gǎn lɛ́ɛ. É wɛ nɔ́ nɔ mɛ e nɔ wa azɔ̌ ɖo Goxɔ ɔ́ mɛ lɛ́ɛ nu.

Kɛ́nsísɔ́ 3:8

Yě ná nɔ́ kpé nukún dó nǔ e è nɔ zán ɖo Goxɔ ɔ́ mɛ lɛ́ɛ wú bó ná nɔ wa azɔ̌ e ɖo Goxɔ ɔ́ mɛ lɛ́ɛ ɖó Izlayɛ́li ví lɛ́ɛ do mɛ.

Kɛ́nsísɔ́ 31:30

Nǔ e nyí Izlayɛ́li ví ɖě lɛ́ɛ tɔn lɛ́ɛ ɔ́, a nǎ zé gbɛtɔ́ ɖokpó ɖo gbɛtɔ́ kanɖé wǒ (50) jí, nyibú ɖokpó ɖo nyibú kanɖé wǒ (50) jí, tócí ɖokpó ɖo tócí kanɖé wǒ (50) jí, lɛ̌ngbɔ́ ɖokpó ɖo lɛ̌ngbɔ́ kanɖé wǒ (50) jí, bó ná bló nǔ ɖokpó ɔ́ nú kanlin alɔkpa alɔkpa lɛ́ɛ bǐ; a nǎ bɛ́ nǔ énɛ́ lɛ́ɛ e a jɔ ɔ́ nú Levíi ví e nɔ́ kpé nukún dó nyɛ Mawu Mavɔmavɔ sín nɔtɛn wú lɛ́ɛ é.”

Kɛ́nsísɔ́ 8:11

Aalɔ́ɔn ná bló lě e è nɔ bló gbɔn, bó nɔ ɖe mɛ ɖó vo nú mì ɔ́, bó ɖe yě ɖó vo nú mì, ɖo Izlayɛ́li ví lɛ́ɛ sín nyǐkɔ mɛ, bɔ yě ná nɔ́ wa azɔ̌ nú nyɛ Mawu Mavɔmavɔ.

Kɛ́nsísɔ́ 8:15

Énɛ́ ɔ́, Levíi ví lɛ́ɛ ná nɔ́ wá wa azɔ̌ ɖo Goxɔ ɔ́ mɛ. “Lě e a nǎ slá wǔ nú yě gbɔn, bó ná bló lě e è nɔ bló gbɔn, bó nɔ́ ɖe mɛ ɖó vo nú mì gbɔn ɔ́ nɛ́.