Kɛ́nsísɔ́ 3:6 - MAWUXÓWÉMA

⁶ “Kplá Levíi ví lɛ́ɛ dó así nú vɔ̌sánú-xwlémawutɔ́ Aalɔ́ɔn, bónú yě ná nɔ́ gɔ́ alɔ n'i.

Kɛ́nsísɔ́ 3:6 Iomraidhean Croise

1 Tan 15:2

Énɛ́ ɔ́ gúdo ɔ́, é ɖɔ: “Levíi ví lɛ́ɛ kɛ́ɖɛ́ wɛ ɖó acɛ bo ná zé akɔjijɛgbá Mawu tɔn ɔ́, ɖó Mawu Mavɔmavɔ wɛ ɖe yě bɔ yě ná nɔ́ zé, bɔ é nyí azɔ̌ yětɔn káká sɔ́yi.”

1 Tan 23:28

È zě Levíi ví lɛ́ɛ ɖó Aalɔ́ɔn ví lɛ́ɛ sín acɛ mɛ, bɔ yě ná nɔ́ wa azɔ̌ ɖo Mawu Mavɔmavɔ xwé gbe, bó ná nɔ wa azɔ̌ ɖo kɔ́xota lɛ́ɛ, bó ná nɔ wa azɔ̌ ɖo xɔ e bɔ dó Mawu Mavɔmavɔ sín xɔ ɔ́ wú lɛ́ɛ mɛ. Yě ná nɔ́ slá wǔ nú nǔ e è nɔ zán ɖo Mawu Mavɔmavɔ xwé gbe lɛ́ɛ bǐ bó ná nɔ́ wa azɔ̌ ɖěvo ɖěvo lɛ́ɛ ɖo xwé ɔ́ gbe.

1 Tan 23:32

Yě ná nɔ́ kpé nukún dó goxɔ Mawu Mavɔmavɔ tɔn ɔ́ kpó tɛn mímɛ́ bǐ ɔ́ kpó wú, bó ná nɔ dó alɔ nɔví yětɔn Aalɔ́ɔn ví lɛ́ɛ ɖo azɔ̌ e yě nɔ́ wa ɖo Mawu Mavɔmavɔ xwé gbe lɛ́ɛ kɔn.

1 Tan 6:33

Levíi ví ɖě lɛ́ɛ nɔ́ wa azɔ̌ e kpo ɖo Mawu xwé gbe lɛ́ɛ.

2 Tan 29:11

Vǐ ce lɛ́ɛ mi, din ɔ́, mi gɔn vɛ̌ dó nú nǔ, ɖó Mawu Mavɔmavɔ wɛ sɔ́ mi, bónú mi ná nɔ nukɔn tɔn, bó ná wa azɔ̌ n'i, bó ná nyí mɛsɛntɔ́ tɔn, bó ná nɔ́ dó zǎlínkpɔ́n zo n'i.”

Ɛsidlási 6:18

È mǎ vɔ̌sánú-xwlémawutɔ́ lɛ́ɛ ɖó vovo, bó má Levíi ví lɛ́ɛ ɖó vovo. Azɔ̌ e ɖokpó ɖokpó yětɔn nɔ wa nú Mawu ɖo Jeluzalɛ́mu ɔ́ wɛ è xwedó bo dó má yě, bɔ é sɔgbe xá nǔ e è wlǎn dó Mɔyízisɛ́n wěma mɛ é.

Malacíi 2:4

Énɛ́ ɔ́, mi ná tunwun ɖɔ un ɖe gbeta énɛ́ tɔ́n nú mi, bónú akɔ e un jɛ xá Levíi ɔ́ ná nɔ te káká sɔ́yi. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Kɛ́nsísɔ́ 18:21

Mawu Mavɔmavɔ lɛ́ ɖɔ nú Aalɔ́ɔn ɖɔ: “Un ná ná nǔ e nyɔ́ ɖo Izlayɛ́li lɛ́ɛ bǐ sín mǎɖówǒ Levíi ví súnnu lɛ́ɛ, ɖó azɔ̌ e wa wɛ yě ɖe ɖo Goxɔ ɔ́ mɛ ɔ́ nu.

Kɛ́nsísɔ́ 2:17

“Énɛ́ ɔ́ gúdo ɔ́, Levíi ví lɛ́ɛ ná ɖíɖá Goxɔ ɔ́ ɖidó; yě xweyǐgbe ɔ́, yě ná nɔ ahwangbɛ́ we nukɔntɔn lɛ́ɛ kpódó we gǔdo tɔn lɛ́ɛ kpó tɛ́ntin. Yě lɔ ná nɔ tito jí yi fí e yě ná nɔ ɔ́; súnnu ɖokpó ɖokpó ná nɔ tɛn tɔn mɛ, ɖo fí e xwédo tɔn sín ahwansyá ɖe é.

Kɛ́nsísɔ́ 2:33

Lě e Mawu Mavɔmavɔ ko ɖɔ gbɔn nú Mɔyízi ɔ́, è sɔ́ Levíi ví lɛ́ɛ sín kɛ́n ɖo hwe ɖokpó ɔ́ nu kpódó Izlayɛ́li ví ɖě lɛ́ɛ kpó ǎ.

Kɛ́nsísɔ́ 3:5

Mawu Mavɔmavɔ ɖɔ nú Mɔyízi ɖɔ:

Sɛ́nflínmɛ 10:8

Hwenɛ́nu ɔ́, Mawu Mavɔmavɔ ɖe akɔta Levíi tɔn ɔ́ ɖó vo, bó zé azɔ̌ élɔ́ lɛ́ɛ dó así nú yě: yě ná nɔ hɛn akɔjijɛgbá Mawu Mavɔmavɔ tɔn, yě ná nɔ́ ɖo xwé gbe bó ná nɔ ɖo azɔ̌ tɔn wa wɛ hwebǐnu, yě ná nɔ́ xo ɖɛ dó mɛ jí, ɖo Mawu Mavɔmavɔ sín nyǐkɔ mɛ. Yě wɛ kpo ɖo azɔ̌ énɛ́ lɛ́ɛ wa wɛ káká jɛ égbé.