Kɛ́nsísɔ́ 3:47 - MAWUXÓWÉMA

⁴⁷ Hǔn a nǎ yǐ gankwɛ́ atɔ́ɔ́n atɔ́ɔ́n ɖó yě mɛ ɖokpó ɖokpó ta. Gankwɛ́ ɔ́ ná nyí ée è nɔ zán ɖo Mawu xwé, bɔ é nɔ́ da glǎmu wǒ ɔ́.

Kɛ́nsísɔ́ 3:47 Iomraidhean Croise

Tíntɔ́n 30:13

Mɛ e sín kɛ́n a nǎ sɔ́ lɛ́ɛ ɖokpó ɖokpó ná ná gankwɛ́ glǎmu atɔ́ɔ́n, bɔ kpinkpɛn tɔn ná sɔgbe xá akwɛ́ e è nɔ zán ɖo Mawu xwé gbe ɔ́ sín vlɔ̌. É wɛ a nǎ yǐ ɖo mɛ ɖokpó ɖokpó sí nú mì.

Tíntɔ́n 38:24

Siká e è zǎn dó wa goxɔ ɔ́ sín azɔ̌ lɛ́ɛ ná ɔ́ bǐ bló kilóo afɛnɛ kanɖé gbantɔ́n-nukún-we (877) bɔ glǎmu afɔɖé kanwe ko (300) jɛjí; gan e è nɔ dó da nǔ ná ɖo sinsɛnxɔ mɛ ɔ́ wɛ è zě dó da.

Ezekiyɛ́li 45:12

È sɔ́ gankwɛ́ e è nɔ ylɔ́ ɖɔ síklu ɔ́ ɖokpó ɔ́, è nǎ mɔ gela ko ɖ'é mɛ, bɔ síklu kanɖé ko (60) wɛ ka nyí mǐnu ɖokpó.

Levíi ví 27:25

“Ényí è sun axi nǔ lɛ́ɛ ɔ́, akwɛ́ e è nɔ zán ɖo Mawu xwé gbe ɔ́ wɛ è nǎ zě dó xɔ. Akwɛ́ ɔ́ ɖokpó nɔ́ da glǎmu wǒ.”

Levíi ví 27:3

Akwɛ́ e é ná ná dó ɖe akpá e é dó ɔ́ ná ɔ́ ɖíe: “Nú súnnu sín akpá wɛ é dó, bɔ súnnu ɔ́ sín xwe bɛ́ sín xwe ko yi xwe kanɖé ko (60) ɔ́, gankwɛ́ kanɖé wǒ (50) wɛ é ná ná, bɔ gankwɛ́ ɖokpó ɖokpó ná sɔgbe xá éé è nɔ zán ɖo Mawu xwé gbe é.

Levíi ví 27:6

“Nú vǐ ɔ́ nyí súnnu, bɔ xwe tɔn bɛ́ sín sun ɖokpó yi xwe atɔ́ɔ́n ɔ́, é ná sú gankwɛ́ atɔ́ɔ́n. Nú é ká nyí nyɔ̌nu wɛ, bɔ xwe tɔn bɛ́ sín sun ɖokpó yi xwe atɔ́ɔ́n ɔ́, é ná sú gankwɛ́ atɔn.

Kɛ́nsísɔ́ 18:16

Nabí e è nǎ dó xɔ gbɛ nú vǐ súnnu e ɖó sun ɖokpó ɔ́ wɛ nyí gankwɛ́ atɔ́ɔ́n. Gankwɛ́ e è nɔ zán ɖo sinsɛnxɔ mɛ, bɔ é nɔ́ da glǎmu wǒ ɔ́ wɛ è nǎ zán.

Kɛ́nsísɔ́ 3:48

Bɔ a nǎ bɛ́ gankwɛ́ énɛ́ lɛ́ɛ nú Aalɔ́ɔn kpódó vǐ tɔn súnnu lɛ́ɛ kpó; lě e è nǎ vɔ́ nukɔngbéví e ná lán ɖ'é jí lɛ́ɛ xɔ gbɔn ɔ́ nɛ́.”

Kɛ́nsísɔ́ 3:50

É yí gankwɛ́ énɛ́ ɔ́ afayizɛ́n kɛnnɛ atɔ́ɔ́n (1.365) ɖo nukɔngbéví Izlayɛ́li ví lɛ́ɛ tɔn e è vɔ̌ xɔ lɛ́ɛ bǐ sí. Akwɛ́ e é yí ɔ́ nyí gankwɛ́ e è nɔ zán ɖo Mawu xwé gbe é.

Kɛ́nsísɔ́ 7:13

É ná agbǎn e è sɔ́ kpatágan dó bló ná ɔ́ ɖokpó, bɔ é da glǎmu afayizɛ́n kanwe ko (1.300), bó ná basya e è sɔ́ kpatágan dó bló ná ɔ́ ɖokpó, bɔ é da glǎmu nǔwɔntɔn kanwe ko (700). Gan e è nɔ dó da nǔ ɖo Mawu Mavɔmavɔ xwé gbe é wɛ è dǒ da. Linfín e è sɔ́ ami dó nya ná ɔ́ gɔ́ gannú we énɛ́ lɛ́ɛ, bɔ è nǎ zé xwlé Mawu.