Kɛ́nsísɔ́ 3:41 - MAWUXÓWÉMA

⁴¹ Énɛ́ ɔ́ gúdo ɔ́, a nǎ ɖe Levíi lɛ́ɛ ɖó vo, bɔ yě ná nyí nyɛ Mawu Mavɔmavɔ ɔ́ tɔn, ɖó Izlayɛ́li ví ɖě lɛ́ɛ sín nukɔngbéví súnnu lɛ́ɛ bǐ tɛn mɛ. Mɔ̌ ɖokpó ɔ́, a nǎ jó Levíi ví lɛ́ɛ sín kanlin lɛ́ɛ nú mì, ɖó Izlayɛ́li ví ɖě lɛ́ɛ sín nukɔngbéví lɛ́ɛ bǐ tɛnmɛ. Nyɛ wɛ nyí Mawu Mavɔmavɔ.”

Kɛ́nsísɔ́ 3:41 Iomraidhean Croise

Kɛ́nsísɔ́ 18:15

Nukɔngbéví yětɔn súnnu e yě ná xwlé mì lɛ́ɛ kpó kanlin yětɔn lɛ́ɛ sín nukɔngbéví asú e yě ná xwlé mì lɛ́ɛ kpó bǐ wɛ ná nyí towe. Lo ɔ́, a nǎ xɔ gbɛ nú nukɔngbéví yětɔn lɛ́ɛ bǐ, bó ná xɔ nú kanlin yětɔn e nyí kanlin blíblí lɛ́ɛ sín nukɔngbéví lɛ́ɛ.

Kɛ́nsísɔ́ 3:12

“Nyɛ Mawu Mavɔmavɔ ɖésú wɛ sɔ́ Levíi ví súnnu lɛ́ɛ ɖo Izlayɛ́li ví ɖě lɛ́ɛ bǐ mɛ, bó sɔ́ yě ɖó togun Izlayɛ́li tɔn ɔ́ sín nukɔngbéví lɛ́ɛ bǐ do mɛ; ce wɛ yě nyí.

Kɛ́nsísɔ́ 3:13

Nǔgbó ɔ́, gbe e gbe un hu Ejípunu lɛ́ɛ sín nukɔngbéví súnnu lɛ́ɛ bǐ ɔ́, un ɖe Izlayɛ́li ví lɛ́ɛ sín nukɔngbéví súnnu lɛ́ɛ kpódó kanlin yětɔn lɛ́ɛ sín nukɔngbéví asú lɛ́ɛ kpó ɖó vo nú nyɛɖée; ce wɛ yě nyǐ. Nyɛ wɛ nyí Mawu Mavɔmavɔ.”

Kɛ́nsísɔ́ 3:42

Énɛ́ ɔ́, Mɔyízi sɔ́ kɛ́n Izlayɛ́li ví lɛ́ɛ sín nukɔngbéví súnnu lɛ́ɛ bǐ tɔn, lě e Mawu Mavɔmavɔ ɖɔ gbɔn n'i é.

Kɛ́nsísɔ́ 3:45

“Đe Levíi ví lɛ́ɛ ɖó vo nú yě ná nyí nyɛ Mawu Mavɔmavɔ ɔ́ tɔn, ɖó Izlayɛ́li ví ɖě lɛ́ɛ sín nukɔngbéví lɛ́ɛ sín tɛnmɛ, bónú yě ná nyí ce. Mɔ̌ ɖokpó ɔ́, jǒ Levíi ví lɛ́ɛ sín kanlin lɛ́ɛ nú mì, ɖó Izlayɛ́li ví ɖě lɛ́ɛ sín kanlin lɛ́ɛ sín nukɔngbéví lɛ́ɛ tɛnmɛ, bónú yě ná nyí ce.

Kɛ́nsísɔ́ 8:16

Đó ce wɛ yě nyǐ; yě wɛ sɔ́ Izlayɛ́li ví ɖě lɛ́ɛ sín afɔ ɖó te. Un ɖe yě ɖó vo nú nyɛɖée, bɔ yě ná nɔ Izlayɛ́li ví ɖě lɛ́ɛ sín tɛn mɛ.

Matíe 20:28

Mɔ̌ wɛ ɖe gbɔn nú nyɛ Gbɛtɔ́ví ɔ́; è nǎ sɛn mì wú wɛ un wá ǎ; lo ɔ́, mɛ sɛn gbé wɛ un tɔ́n bó wá, bó ná sɔ́ gbɛ ce jó dó xɔ gbɛ nú mɛ gěgé.”

1 Timɔtée 2:6

Klísu Jezu énɛ́ ɔ́ wɛ sɔ́ éɖée jó, bó dó xɔ gbɛ nú mɛ bǐ. Ée hwenu e Mawu ɖó ɔ́ wá su ɔ́, lě e é ɖe xlɛ́ ɖɔ Mawu jló ɖɔ gbɛtɔ́ lɛ́ɛ bǐ ní mɔ hwlɛngán gbɔn é nɛ́.