Kɛ́nsísɔ́ 3:40 - MAWUXÓWÉMA

⁴⁰ Mawu Mavɔmavɔ ɖɔ nú Mɔyízi ɖɔ: “Izlayɛ́li ví lɛ́ɛ sín nukɔngbéví súnnu e ɖó sun ɖokpó lɛ́ɛ, kpódó éé ɖó hú mɔ̌ lɛ́ɛ kpó ɔ́, a nǎ sɔ́ kɛ́n yětɔn, bó ná wlán nyǐkɔ yětɔn.

Kɛ́nsísɔ́ 3:40 Iomraidhean Croise

Ɖɛhan 87:6

Mawu Mavɔmavɔ ɖo togun lɛ́ɛ sín nyǐkɔ wlán dó wěgbó togun lɛ́ɛ tɔn mɛ wɛ; é nɔ́ wlán ɖɔ: “Sinyɔ́ɔ fí wɛ togun lě jɔ ɖe.” Agbɔ̌n

Ezayíi 4:3

Énɛ́ ɔ́, mɛ e kpo ɖo Jeluzalɛ́mu lɛ́ɛ ɔ́, mɛ e kpo ɖo gbɛ ɖo Sinyɔ́ɔ lɛ́ɛ ɔ́, è nǎ nɔ́ ylɔ́ yě ɖɔ: “Mɛɖeɖóvo Mawu tɔn.” Yě mɛ énɛ́ lɛ́ɛ wɛ nyí mɛ e Mawu wlán nyǐkɔ yětɔn, bɔ yě ná nɔ gbɛ ɖo Jeluzalɛ́mu lɛ́ɛ é.

Kɛ́nsísɔ́ 3:12

“Nyɛ Mawu Mavɔmavɔ ɖésú wɛ sɔ́ Levíi ví súnnu lɛ́ɛ ɖo Izlayɛ́li ví ɖě lɛ́ɛ bǐ mɛ, bó sɔ́ yě ɖó togun Izlayɛ́li tɔn ɔ́ sín nukɔngbéví lɛ́ɛ bǐ do mɛ; ce wɛ yě nyí.

Kɛ́nsísɔ́ 3:15

“Sɔ́ Levíi ví súnnu lɛ́ɛ sín kɛ́n; sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n. A nǎ sɔ́ súnnu e ɖó sun ɖokpó lɛ́ɛ, kpódó éé ɖó hú mɔ̌ lɛ́ɛ bǐ kpó sín kɛ́n.”

Kɛ́nsísɔ́ 3:41

Énɛ́ ɔ́ gúdo ɔ́, a nǎ ɖe Levíi lɛ́ɛ ɖó vo, bɔ yě ná nyí nyɛ Mawu Mavɔmavɔ ɔ́ tɔn, ɖó Izlayɛ́li ví ɖě lɛ́ɛ sín nukɔngbéví súnnu lɛ́ɛ bǐ tɛn mɛ. Mɔ̌ ɖokpó ɔ́, a nǎ jó Levíi ví lɛ́ɛ sín kanlin lɛ́ɛ nú mì, ɖó Izlayɛ́li ví ɖě lɛ́ɛ sín nukɔngbéví lɛ́ɛ bǐ tɛnmɛ. Nyɛ wɛ nyí Mawu Mavɔmavɔ.”

Kɛ́nsísɔ́ 3:45

“Đe Levíi ví lɛ́ɛ ɖó vo nú yě ná nyí nyɛ Mawu Mavɔmavɔ ɔ́ tɔn, ɖó Izlayɛ́li ví ɖě lɛ́ɛ sín nukɔngbéví lɛ́ɛ sín tɛnmɛ, bónú yě ná nyí ce. Mɔ̌ ɖokpó ɔ́, jǒ Levíi ví lɛ́ɛ sín kanlin lɛ́ɛ nú mì, ɖó Izlayɛ́li ví ɖě lɛ́ɛ sín kanlin lɛ́ɛ sín nukɔngbéví lɛ́ɛ tɛnmɛ, bónú yě ná nyí ce.

Luki 10:20

É ɖo mɔ̌ có, yɛ nyanya lɛ́ɛ e jó ta nú mi é wú wɛ xomɛ ná hun mi ǎ; lo ɔ́, xomɛ ní hun mi ɖó nyǐkɔ mitɔn e è wlǎn ɖó sɛ́xwé é wú.”

Filípunu 4:3

Hwi mɛ e nyí azɔ̌gbɛ́ ce gbejínɔtɔ́ ɔ́, un ɖo byɔ̌byɔ́ hwi lɔmɔ̌ wɛ ɖɔ hwi ní dó alɔ nyɔ̌nu énɛ́ lɛ́ɛ; nǔgbó ɔ́, nyɛ kpódó yě kpó fun ahwan ɖó kpɔ́, bónú Wɛn Ɖagbe ɔ́ ná gba kpé: mǐ kpó Klemáa kpó, kpódó azɔ̌gbɛ́ ce lɛ́ɛ bǐ kpán wɛ fun ahwan énɛ́ ɔ́; mɛ énɛ́ lɛ́ɛ bǐ sín nyǐkɔ wɛ Mawu wlán dó gbɛwéma ɔ́ mɛ .

2 Timɔtée 2:19

Nǔ ɖo mɔ̌ có dodó syɛ́nsyɛ́n Mawu tɔn ɔ́ ɖo te ganjí, bɔ xó élɔ́ lɛ́ɛ nyí wuntun bó ɖ'é wú: “Aklúnɔ tunwun mɛ e nyí étɔn lɛ́ɛ é!” “Mɛ ɖěbǔ ɖɔ émí nyí Aklúnɔ tɔn ɔ́, mɛ ɔ́ ɖó ná lɛ́ kɔ sín nǔ nyanya wiwa gúdo.”

Eblée 12:23

Mi sɛkpɔ́ Mawu ví nukɔn tɔn e kplé bó ɖo xwe ɖu wɛ, bɔ è wlǎn nyǐkɔ yětɔn ɖó sɛ́xwé lɛ́ɛ é. Mi sɛkpɔ́ Mawu e nɔ ɖɔ hwɛ xá mɛ bǐ e, bó sɛkpɔ́ yɛ mɛ e nyí hwɛjijɔnɔ bɔ Mawu zé yě dó húzú mɛ mímɛ́ bɔ nǔ bǐ vɔ ɖ'é wú lɛ́ɛ tɔn.

Nǔɖexlɛ́mɛ 14:4

Mɛ énɛ́ lɛ́ɛ hɛn yěɖée blí kpó nyɔ̌nu kpó ǎ; ɖó yě tunwun nyɔ̌nu kpɔ́n ǎ; yě hɛn yěɖée ɖó mǐmɛ́ jí; yě nɔ xwedó Lɛ̌ngbɔ́ví ɔ́ gbɔn fí e é xwe ɔ́ bǐ; é vɔ́ yě xɔ sín gbɛtɔ́ lɛ́ɛ mɛ, bónú yě ná nyí mɛ nukɔntɔn e è nǎ Mawu kpó Lɛ̌ngbɔ́ví ɔ́ kpó é.

Nǔɖexlɛ́mɛ 3:5

“Mɔ̌ wɛ mɛ e ná ɖu ɖ'é jí ɔ́ ná dó awu wěwé gbɔn; un ná súnsún nyǐkɔ tɔn sín gbɛwéma ɔ́ mɛ ǎ . Un ná ɖɔ ɖo Tɔ́ ce kpó wɛnsagun tɔn lɛ́ɛ kpó nukɔn ɖɔ ce wɛ é nyí.