Kɛ́nsísɔ́ 3:31 - MAWUXÓWÉMA

³¹ Hǔn yědɛɛ lɛ́ɛ wɛ nɔ kpé nukún dó akɔjijɛgbá ɔ́ kpódó távo ɔ́ kpó, kpódó zogbɛ́nhɛnnú ɔ́ kpó, kpódó vɔ̌sákpe lɛ́ɛ kpó, kpódó nǔzínzán e è nɔ dó wa sinsɛnzɔ́ ná, ɖo tɛn mímɛ́ ɔ́ mɛ lɛ́ɛ kpó, kpódó xɔmɛgbovɔ ɔ́ kpó, kpódó nǔ e ɖ'é wú lɛ́ɛ bǐ kpó wú.

Kɛ́nsísɔ́ 3:31 Iomraidhean Croise

Tíntɔ́n 37:1

Besalɛli zé kasyatín dó bló gbǎ ɖokpó ná; ga tɔn ɖó mɛ̌tlu ɖokpó ɛnɛvlɔ́ɖó, bɔ gblǒ tɔn ɖó mɛ̌tlu ɖokpó é hwe ɛnɛvlɔ́ɖó jɛ jí, bɔ jǐ yiyi tɔn ɖó mɛ̌tlu ɖokpó é hwe ɛnɛvlɔ́ɖó.

Tíntɔ́n 40:30

É zé ganzɛ́n ɔ́ ɖó goxɔ ɔ́ kpó vɔ̌sákpe ɔ́ kpó tɛ́ntin, bó kɔn sin d'é mɛ bónú è nǎ nɔ́ dó slá wǔ ná.

Kɛ́nsísɔ́ 3:30

Elisafáni, Wuziyɛ́li sín vǐ ɔ́ wɛ nyí Kexáti ví lɛ́ɛ sín hɛ̌nnugán.

Kɛ́nsísɔ́ 3:32

Eleazáa, vɔ̌sánú-xwlémawutɔ́ Aalɔ́ɔn sín vǐ ɔ́ wɛ nyí gǎn ɖaxó nú Levíi ví lɛ́ɛ sín gǎn lɛ́ɛ. É wɛ nɔ́ nɔ mɛ e nɔ wa azɔ̌ ɖo Goxɔ ɔ́ mɛ lɛ́ɛ nu.

Matíe 5:15

È ka nɔ ta zogbɛ́n bó nɔ́ sɔ́ dó zɛ̌n glɔ́ ǎ; lo ɔ́, nǔ ta aga wɛ è nɔ sɔ́ ɖó, bɔ é nɔ́ ɖi ɖɛ̌ nú mɛ e ɖo xwé gbe lɛ́ɛ bǐ ná mɔ nukúnnú.

Sɛ́nflínmɛ 10:8

Hwenɛ́nu ɔ́, Mawu Mavɔmavɔ ɖe akɔta Levíi tɔn ɔ́ ɖó vo, bó zé azɔ̌ élɔ́ lɛ́ɛ dó así nú yě: yě ná nɔ hɛn akɔjijɛgbá Mawu Mavɔmavɔ tɔn, yě ná nɔ́ ɖo xwé gbe bó ná nɔ ɖo azɔ̌ tɔn wa wɛ hwebǐnu, yě ná nɔ́ xo ɖɛ dó mɛ jí, ɖo Mawu Mavɔmavɔ sín nyǐkɔ mɛ. Yě wɛ kpo ɖo azɔ̌ énɛ́ lɛ́ɛ wa wɛ káká jɛ égbé.