Kɛ́nsísɔ́ 3:25 - MAWUXÓWÉMA

²⁵ Gɛɛcɔ́ni ví lɛ́ɛ nɔ́ kpé nukún dó Goxɔ ɔ́ wú; yě nɔ́ kpé nukún dó nǔ e ɖo Goxɔ ɔ́ mɛ lɛ́ɛ, nǔ e ɖo Mawu xwé lɛ́ɛ, nǔ e è nɔ cyɔ́n dó Goxɔ ɔ́ kpódó avɔ e ɖo Goxɔ ɔ́ sín ali nu ɔ́ kpó wú.

Kɛ́nsísɔ́ 3:25 Iomraidhean Croise

1 Tan 23:32

Yě ná nɔ́ kpé nukún dó goxɔ Mawu Mavɔmavɔ tɔn ɔ́ kpó tɛn mímɛ́ bǐ ɔ́ kpó wú, bó ná nɔ dó alɔ nɔví yětɔn Aalɔ́ɔn ví lɛ́ɛ ɖo azɔ̌ e yě nɔ́ wa ɖo Mawu Mavɔmavɔ xwé gbe lɛ́ɛ kɔn.

2 Tan 31:2

Ezekiyási vɔ́ vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó sín gbɛ̌ta lɛ́ɛ to, bó ná azɔ̌ mɛ ɖokpó ɖokpó ɖo gbɛ̌ta tɔn mɛ. Vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó ná nɔ kpé nukún dó vɔ̌ e è nɔ dó zo lɛ́ɛ kpó kɔnɖókpɔ́vɔ́ lɛ́ɛ kpó wú, bó ná nɔ kpé nukún dó sinsɛnxɔmɛzɔ́ lɛ́ɛ wú, bó ná nɔ́ kpé nukún dó hanjiji kpó susu kpa nú Mawu kpó wú, ɖo Mawu Mavɔmavɔ xwé gbe.

Tíntɔ́n 25:9

Yě ná bló goxɔ ɔ́ kpódó nǔ e ná nɔ mɛ lɛ́ɛ bǐ kpó, bɔ é ná sɔgbe xá ée un ná xlɛ́ we é.”

Tíntɔ́n 40:19

É fɔ avɔ cyɔ́n dó goxɔ ɔ́, bó zé anyǔ cyɔ́n jí, lě e Mawu Mavɔmavɔ ɖɔ n'i gbɔn é.

Tíntɔ́n 40:28

É dó avɔ ɖó goxɔ ɔ́ sín ali nu.

Kɛ́nsísɔ́ 1:50

A nǎ zé azɔ̌ e nyí Goxɔ ɔ́ tɔn lɛ́ɛ dó alɔ mɛ nú Levíi ví lɛ́ɛ; fínɛ́ wɛ akɔjijɛgbá ɔ́ ɖe. Nǔ e è dǒ bló Goxɔ ɔ́ ná lɛ́ɛ kpó nǔ e è nɔ zán ɖo xwé ɔ́ gbe lɛ́ɛ kpó sín azɔ̌ lɛ́ɛ ɔ́, a nǎ zé dó alɔ mɛ nú yě. Yě wɛ ná nɔ́ zé Goxɔ ɔ́ kpó nǔ e è nɔ zán ɖ'é mɛ lɛ́ɛ bǐ kpó. Yě wɛ ná nɔ wa azɔ̌ ɖo xwé ɔ́ gbe; yě wɛ ná nɔ́ ɖó gɔnu lɛ́ lɛ̌ dó Goxɔ ɔ́.

Kɛ́nsísɔ́ 10:17

Levíi ví lɛ́ɛ tún Goxɔ ɔ́, bɔ Gɛɛcɔ́ni kpódó Mɛlali kpó sín kúnkan lɛ́ɛ ɖíɖá, bó jɛ ali.

Kɛ́nsísɔ́ 3:24

Eliyasáfu, Laɛ́li sín vǐ ɔ́ wɛ nyí Gɛɛcɔ́ni ví lɛ́ɛ sín hɛ̌nnugán.

Kɛ́nsísɔ́ 3:7

Yě ná nɔ́ wa sinsɛnzɔ́ yětɔn ɖó Aalɔ́ɔn kpódó Izlayɛ́li togun ɔ́ bǐ kpó tɛnmɛ, ɖo Goxɔ ɔ́ nukɔn. Yě ná nɔ́ wa azɔ̌ e ɖo Goxɔ ɔ́ mɛ lɛ́ɛ.

Kɛ́nsísɔ́ 7:7

É ná kɛkɛ́ví we, nyibú ɛnɛ Gɛɛcɔ́ni ví lɛ́ɛ, bónú azɔ̌ yětɔn ná nyɔ́ wa nú yě.

Maki 13:34

È hɛn ɔ́, è nǎ jlɛ́ dó dǎwe e xwe tomɛ, bó sɔ́ xwé tɔn dó alɔ mɛ nú mɛsɛntɔ́ tɔn lɛ́ɛ ɔ́ wú; é má azɔ̌ yětɔn yětɔn nú yě, bo ka zɔ́n hɔnjínɔtɔ́ ɔ́ ɖɔ é ní nɔ wunzɛn.

Kolósinu 4:17

Mi ɖɔ nú Aacípu ɖɔ é ní kpé nukún dó azɔ̌ e Aklúnɔ zɔ́n ɛ ɔ́ wú bó wa ganjí.

1 Timɔtée 1:18

Vǐ ce Timɔtée, un ɖo nǔ élɔ́ zɔ́n we wɛ, bɔ é sɔgbe xá nǔ e Mawu ɖɔ é ná jɛ dó jǐ towe lɛ́ɛ, bɔ è ko ɖɔ nú we ɖ'ayǐ é. Xwedó xó énɛ́ lɛ́ɛ, bó ná dó fun ahwan ɖagbe ɔ́,