Kɛ́nsísɔ́ 29:1 - MAWUXÓWÉMA

¹ Mawu Mavɔmavɔ ɖɔ nú Mɔyízi ɖɔ: “Sun tɛ́nwegɔ́ e ɖo xwe ɔ́ mɛ ɔ́ sín azǎn nukɔntɔn ɔ́ gbe ɔ́, mi ná kplé bó ná sɛn nyɛ Mawu Mavɔmavɔ. Mi ná wa azɔ̌ kpaa e mi nɔ wa lɛ́ɛ ɖěbǔ gbe énɛ́ ɔ́ gbe ǎ, ɖó lanzo kúnkún sín azǎn wɛ.

Kɛ́nsísɔ́ 29:1 Iomraidhean Croise

1 Tan 15:28

Izlayɛ́li to ɔ́ bǐ zě akɔjijɛgbá Mawu Mavɔmavɔ tɔn ɔ́ wá Jeluzalɛ́mu bó ɖo awǒbóbó kpa wɛ, bɔ lanzo ɖo gbe jɛ wɛ, kpɛn kpó gan kpó ɖo gbe jɛ wɛ, bɔ kanhún kpó agǐdigbo kpó ɖo nǔ ɖɔ wɛ.

Ɛsidlási 3:6

Lě e yě lɛ́ jɛ vɔ̌ e è nɔ dó zo ɔ́ xwlé Mawu jí gbɔn ɖo azǎn nukɔntɔn e ɖo xwe ɔ́ sín sun tɛ́nwegɔ́ ɔ́ gbe gbɔn ɔ́ nɛ́, có è ka tlɛ ko dó Mawu Mavɔmavɔ xwé yɔ̌yɔ́ ɔ́ do hwenɛ́nu lɔ ǎ.

Ɖɛhan 81:3

Mi dó han víví bó ji; mi xo hǔnví, mi xo kanhún e nyɔ́ gbe ganjí é, mi xo kanhún kanwǒnɔ.

Ɖɛhan 89:15

Hwɛjijɔ kpó nǔjlɔ́jlɔ́wiwa kpó jí wɛ axɔ́súzinkpo towe jínjɔ́n. Xomɛnyínyɔ́ kpó gbejíninɔ kpó wɛ nɔ zɔn xá we.

Tíntɔ́n 23:16

Énɛ́ ɔ́ gúdo ɔ́, mi ná ɖu nǔkún-yiya sín xwe, hwenu e mi ná ya nǔkún nukɔntɔn e nyɔ́ ɖo gle mitɔn jí é. Mɔ̌ ɖokpó ɔ́, mi ná ɖu nǔkún dó agɔ̌ sín xwe, hwenu e mi ná gbɛ atínsínsɛ́n e ɖo gle mitɔn mɛ lɛ́ɛ fó dó ɖo xwe fífó ɔ́.

Tíntɔ́n 34:22

“Mi ná ɖu Pantekótuxwe ɔ́ ɖo blěe nukɔntɔn ɔ́ yiya hwenu, bɔ xwe fífó ɔ́, mi ná ɖu nǔkún-yiya sín xwe.

Ezayíi 27:13

Gbe énɛ́ gbe ɔ́, lanzo ɖaxó ɔ́ ná jɛ gbe, bɔ mi mɛ e ahwan kplá yi Asilíi lɛ́ɛ, abǐ mi mɛ e è gba dó bɔ mi yi ɖo Ejípu lɛ́ɛ bǐ ná lɛ́ kɔ wá, bó ná jɛ kpo ɖo Mawu Mavɔmavɔ nukɔn, ɖo Jeluzalɛ́mu, ɖo só mímɛ́ ɔ́ jí.

Levíi ví 23:23

Mawu Mavɔmavɔ ɖɔ nú Mɔyízi ɖɔ

Levíi ví 23:7

Đo azǎn nukɔntɔn e ɖo aklúnɔzángbla énɛ́ ɔ́ mɛ ɔ́ gbe ɔ́, mi ná nɔ́ kplé miɖée, bó ná nɔ́ sɛn mì. Mi ná nɔ́ wa azɔ̌ e mi ko nɔ wa lɛ́ɛ ɖě azǎn énɛ́ ɔ́ gbe ǎ.

Zakalíi 9:14

Mawu Mavɔmavɔ ná tɔ́n ɖo togun tɔn sín ta nu. Gǎ e é ná da ɔ́ ná yi jǐkɛwun ɖɔhun. Aklúnɔ Mavɔmavɔ ná kún kpɛn. É ná zɔn jǐ ɖaxó ɖé mɛ wá; jǐ ɔ́ ná ɖo jija wɛ kpó jɔhɔn kpó.

Kɛ́nsísɔ́ 28:26

Mawu Mavɔmavɔ ɖɔ nú Mɔyízi ɖɔ: “Pantekótu gbe, gbe e gbe mi ná hɛn jinukún nukɔntɔn e mi ya lɛ́ɛ wá xwlé nyɛ Mawu Mavɔmavɔ ɔ́, mi ná kplé, bó ná sɛn mì; mi ná wa azɔ̌ kpaa e mi nɔ wa lɛ́ɛ ɖě gbe énɛ́ gbe ǎ.

Kɛ́nsísɔ́ 29:12

Mawu Mavɔmavɔ ɖɔ nú Mɔyízi ɖɔ: “Sun tɛ́nwegɔ́ ɔ́ sín azǎn afɔtɔngɔ́ ɔ́ gbe ɔ́, mi ná kplé bó ná sɛn nyɛ Mawu Mavɔmavɔ. Mi ná wa azɔ̌ kpaa e mi nɔ wa lɛ́ɛ ɖěbǔ gbe énɛ́ gbe ǎ. Xwe wɛ mi ná ɖu dó nyɛ Mawu Mavɔmavɔ ɔ́ tamɛ; azǎn tɛ́nwe wɛ mi ná ɖu xwe ɔ́ xɔ.

Kɛ́nsísɔ́ 29:2

Mi ná ná nyibúsú ɖokpó, agbo ɖokpó, lɛ̌ngbɔ́ví e ɖó xwe ɖokpó ɔ́ tɛ́nwe nyɛ Mawu Mavɔmavɔ, bɔ è nǎ dó sá vɔ̌ e è nɔ dó zo, bɔ wǎn tɔn nɔ́ nyɔ́ se nú mì ɔ́ nú mì. Blɔ̌ ɖěbǔ ná ɖo kanlin énɛ́ lɛ́ɛ wú ǎ.

Kɛ́nsísɔ́ 29:35

“Azǎn tántɔngɔ́ ɔ́ gbe ɔ́, mi ná bló kplé ɖaxó ɖokpó dó sú ta nú xwe ɔ́; mi ná wa azɔ̌ kpaa e mi nɔ wa lɛ́ɛ ɖěbǔ gbe énɛ́ gbe ǎ.