Kɛ́nsísɔ́ 28:9 - MAWUXÓWÉMA

⁹ Mawu Mavɔmavɔ ɖɔ nú Mɔyízi ɖɔ: “Gbɔjɛzán gbe tɛgbɛ ɔ́, mi ná nɔ́ zé lɛ̌ngbɔ́ví e ɖó xwe ɖokpó, bɔ blɔ̌ ɖěbǔ má ɖo wǔ tɔn ǎ ɔ́ we dó sá vɔ̌ ná nú nyɛ Mawu Mavɔmavɔ. Mi ná zé ami dó nya linfín kilóo ayizɛ́n, bó ná zé gɔ́ ná, bɔ vɛ̌ɛn ná jɛ jí.

Kɛ́nsísɔ́ 28:9 Iomraidhean Croise

2 Axɔ́sú 4:23

Bɔ asú tɔn ɖɔ n'i ɖɔ: “Étɛ́wú a jlǒ ná yi gɔ̌n tɔn égbé? Sun ma wá jǐ nɛ́, égbé ma ká nyí gbɔjɛzán gbe nɛ́!” Nyɔ̌nu ɔ́ yí gbe n'i ɖɔ: “Nǔɖé jɛ ǎ.”

2 Tan 2:3

Un ɖo nǔ sɔ́ wɛ, bó ná sá xwé ɖokpó nú Mawu Mavɔmavɔ, Mawu ce; un ná sɔ́ xwé ɔ́ ɖó vo n'i; è nǎ nɔ́ dó zǎlínkpɔ́n zo n'i ɖo xwé ɔ́ gbe; wɔ̌xúxú e è nɔ to ɖě ɖó ɖě jí tɛgbɛ tɛgbɛ lɛ́ɛ ɔ́, è nǎ nɔ́ xwlé e ɖo xwé ɔ́ gbe; è nǎ nɔ́ sá vɔ̌ e è nɔ dó zo ɔ́ zǎnzǎn gbada ɖo xwé ɔ́ gbe. È nǎ nɔ́ sá vɔ̌ e è nɔ dó zo ɔ́ gbɔjɛzán lɛ́ɛ gbe, bó ná nɔ́ sá gbe e gbe sun wá jǐ é kpó Mawu Mavɔmavɔ, Mawu mǐtɔn sín xwezán ɖě lɛ́ɛ gbe kpó. Izlayɛ́li ví lɛ́ɛ kpo ɖo walɔ énɛ́ lɛ́ɛ zán wɛ káká jɛ égbé.

2 Tan 2:4

Xɔ e gbá gbé un ja ɔ́ ɖó ná sɔ́ avɔ, ɖó Mawu mǐtɔn kló hú vodún lɛ́ɛ bǐ.

2 Tan 8:13

Salomɔ́ɔ nɔ sá vɔ̌ lě e Mɔyízi ɖɔ è nǎ nɔ́ sá gbɔn ɖo xwezán ɖokpó ɖokpó gbe é: è nɔ sá gbɔjɛzán gbe vɔ́ lɛ́ɛ, bó nɔ́ sá sun wá jǐ vɔ́ lɛ́ɛ kpódó vɔ̌ ɖaxó ɖaxó atɔn e è nɔ sá xwewú xwewú lɛ́ɛ kpó: wɔ̌xúxú e mɛ è ma dó tɔ́n ǎ é xwe ɔ́, Pantekótuxwe ɔ́ kpó azavaxwe ɔ́ kpó.

Ezayíi 58:13

Mawu Mavɔmavɔ ɖɔ: “Ényí a ma sɔ́ nɔ́ wa azɔ̌ gbɔjɛzán gbe ǎ, bó má sɔ́ nɔ́ ɖo nǔ e myá nukún nú we é bló wɛ azǎn e è sɔ́ ɖó vo nú mì ɔ́ gbe ǎ, ényí gbɔjɛzán ɔ́ húzú awǎjijɛzán nú we, nú azǎn énɛ́ e è sɔ́ ɖó vo nú mì ɔ́, nyí azǎn ɖé bɔ a yǐ wǎn ná, bó má sɔ́ nɔ́ ɖo nǔ e jló we lɛ́ɛ bló wɛ, bó má sɔ́ nɔ́ ɖo nǔ hwi ɖésúnɔ tɔn lɛ́ɛ gbé mɛ, bó má sɔ́ nɔ́ ɖo xó wlí ɖɔ wɛ ǎ ɔ́,

Ezekiyɛ́li 20:12

Un ɖó gbɔjɛzán ayǐ, bɔ é nyí wuntun ɖé bó ɖe xlɛ́ yě ɖɔ nyɛ Aklúnɔ Mavɔmavɔ ɔ́, un sɔ́ yě ɖó vo nú nyiɖée.

Ezekiyɛ́li 46:4

“Gbɔjɛzán gbe ɔ́, gǎn ɔ́ ná nɔ́ hɛn lɛ̌ngbɔ́ví e máɖóblɔ̌ ɖo wǔ ǎ é ayizɛ́n, kpó agbo e má ɖó blɔ̌ ɖo wǔ ǎ é ɖokpó kpó, bɔ è nǎ dó sá vɔ̌ e è nɔ dó zo ɔ́ nú mì.

Kɛ́nsísɔ́ 28:10

Vɔ̌ e è nɔ dó zo gbɔjɛzán gbe ɔ́ wɛ, bɔ è nǎ nɔ́ bló gɔ́ nú vɔ̌ e è nɔ dó zo ayǐhɔ́ngbe ayǐhɔ́ngbe lɛ́ɛ, kpó vɛ̌ɛn e è nɔ ná d'é jí é kpó.”

Kɛ́nsísɔ́ 28:8

Mi ná xwlé lɛ̌ngbɔ́ví wegɔ́ ɔ́ mì gbadanu, bɔ nǔníná e jɛ zǎnzǎn tɔn ɔ́ jí lɛ́ɛ ɖokpó ɔ́ ná jɛ jí. Vɔ̌ e è nɔ dó zo ɔ́ wɛ nyí vɔ̌ énɛ́ ɔ́, bɔ wǎn tɔn nɔ́ nyɔ́ se nú nyɛ Mawu Mavɔmavɔ.”

Nǔɖexlɛ́mɛ 1:10

Aklúnɔzán gbe ɔ́ , Yɛsinsɛn wá jǐ ce, bɔ un nɔ se gbe syɛ́nsyɛ́n ɖé ɖo gǔdo ce, bɔ gbe ɔ́ nɔ́ ɖɔ nǔ kpɛn ɖaxó ɖé ɖɔhun,