Kɛ́nsísɔ́ 28:8 - MAWUXÓWÉMA

⁸ Mi ná xwlé lɛ̌ngbɔ́ví wegɔ́ ɔ́ mì gbadanu, bɔ nǔníná e jɛ zǎnzǎn tɔn ɔ́ jí lɛ́ɛ ɖokpó ɔ́ ná jɛ jí. Vɔ̌ e è nɔ dó zo ɔ́ wɛ nyí vɔ̌ énɛ́ ɔ́, bɔ wǎn tɔn nɔ́ nyɔ́ se nú nyɛ Mawu Mavɔmavɔ.”

Kɛ́nsísɔ́ 28:8 Iomraidhean Croise

Levíi ví 1:13

È nǎ klɔ́ xomɛnú lɛ́ɛ kpó afɔ lɛ́ɛ kpó, bɔ vɔ̌sánú-xwlémawutɔ́ ɔ́ ná bɛ́ bǐ xwlé Mawu Mavɔmavɔ, bó ná dó yě zo ɖo vɔ̌sákpe ɔ́ jí. Énɛ́ wɛ nyí vɔ̌ e è nɔ dó zo bɔ é nɔ́ fyɔ́ bǐ, bɔ wǎn tɔn nɔ yi Mawu Mavɔmavɔ gɔ́n, bó nɔ́ nyɔ́ se n'i é.

Levíi ví 1:17

È nǎ hɛn awa lɛ́ɛ, bó ná kɛ́ xɛ ɔ́, bɔ vɔ̌sánú-xwlémawutɔ́ ɔ́ ná dó zo ɖo vɔ̌sákpe ɔ́ jí, ɖo nakí e ɖo myɔ ɔ́ mɛ lɛ́ɛ jí. Énɛ́ wɛ nyí vɔ̌ e è nɔ dó zo bɔ é nɔ́ fyɔ́ bǐ, bɔ wǎn tɔn nɔ́ yi Mawu Mavɔmavɔ gɔ́n, bó nɔ́ nyɔ́ se n'i é.”

Levíi ví 1:9

È nǎ klɔ́ xomɛnú lɛ́ɛ kpó afɔ lɛ́ɛ kpó bɔ vɔ̌sánú-xwlémawutɔ́ lɛ́ɛ ɖokpó ná dó bǐ zo ɖo vɔ̌sákpe ɔ́ jí. Énɛ́ wɛ nyí vɔ̌ e è nɔ́ dó zo bɔ é nɔ́ fyɔ́ bǐ, bɔ wǎn tɔn nɔ́ yi Mawu Mavɔmavɔ gɔ́n, bó nɔ́ nyɔ́ se n'i é.

Kɛ́nsísɔ́ 28:7

Lɛ̌ngbɔ́ví zǎnzǎn tɔn ɔ́, vɛ̌ɛn lǐtli ɖokpó adaɖé wɛ ná nyí nǔníná e ná jɛ jí é, bɔ è nǎ xwlé mì ɖo Goxɔ ɔ́ mɛ.

Kɛ́nsísɔ́ 28:9

Mawu Mavɔmavɔ ɖɔ nú Mɔyízi ɖɔ: “Gbɔjɛzán gbe tɛgbɛ ɔ́, mi ná nɔ́ zé lɛ̌ngbɔ́ví e ɖó xwe ɖokpó, bɔ blɔ̌ ɖěbǔ má ɖo wǔ tɔn ǎ ɔ́ we dó sá vɔ̌ ná nú nyɛ Mawu Mavɔmavɔ. Mi ná zé ami dó nya linfín kilóo ayizɛ́n, bó ná zé gɔ́ ná, bɔ vɛ̌ɛn ná jɛ jí.

Kɛ́nsísɔ́ 29:19

Mi ná ná gbǎgbá ɖokpó bɔ è nǎ dó sá hwɛsɔ́kɛmɛvɔ́ ná dó ta mitɔn mɛ; vɔ̌ énɛ́ lɛ́ɛ ná gɔ́ nú vɔ̌ e mi nɔ dó zo ayǐhɔ́ngbe ayǐhɔ́ngbe, bó nɔ́ ná linfín kpó vɛ̌ɛn kpó d'é jí é.