Bɛ́ sín din káká sɔ́yi ɔ́, è nǎ gɔn vɔ̌ e è nɔ dó zo ɔ́ sá nú mì ɖo goxɔ e mɛ un ɖe ɔ́ nukɔn gbeɖé ǎ. Fínɛ́ wɛ un ná nɔ́ wá kpé mi ɖe, bó ná nɔ́ ɖɔ xó nú we ɖe.
Mi ná nɔ́ dó zǎlínkpɔ́n ɖěvo zo ɖo vɔ̌sákpe ɔ́ jí ǎ, mi ka ná nɔ́ dó vɔ̌ zo ɖ'é jí ǎ, mi ka ná dó nǔníná jinukún tɔn zo ɖ'é jí ǎ, mi ká ná ba ahan kɔn d'é jí ǎ.
Izlayɛ́li, awǐnnya wǔ ɖíɖí e gbɔn tɔdo mɛ tɔdo mɛ lɛ́ɛ wɛ nyí nǔ e hwɛ sɔ́ bó ná nɔ́ sɛn é. Yě jí wɛ a nɔ kɔn vɛ̌ɛn dó; yě wɛ a nɔ ná nǔ. Nǔ énɛ́ lɛ́ɛ má ná nyɔ́ nyɛ Mawu nukún mɛ a?
Vɔ̌sánú-xwlémawutɔ́ lɛ́ɛ mi, mi sɔ́ nǔwamɛvɔ dó bó ya avǐ. Mi ji gbɛvíhan. Mi azɔ̌watɔ́ Mawu mǐtɔn tɔn lɛ́ɛ mi, mi wá, nǔwamɛvɔ ní ɖo kɔ mitɔn, ɖó è sɔ́ nɔ hɛn jinukún kpó vɛ̌ɛn kpó wá Mawu mitɔn sín xwé gbe ǎ.
È nǎ klɔ́ xomɛnú lɛ́ɛ kpó afɔ lɛ́ɛ kpó bɔ vɔ̌sánú-xwlémawutɔ́ lɛ́ɛ ɖokpó ná dó bǐ zo ɖo vɔ̌sákpe ɔ́ jí. Énɛ́ wɛ nyí vɔ̌ e è nɔ́ dó zo bɔ é nɔ́ fyɔ́ bǐ, bɔ wǎn tɔn nɔ́ yi Mawu Mavɔmavɔ gɔ́n, bó nɔ́ nyɔ́ se n'i é.
Mi ná zé ami dó nya linfín kilóo ayizɛ́n ná, bó dó sá vɔ̌ e è nɔ dó zo ɔ́ gɔ́ ná, bɔ azizɔ tɔn sín wǎn ná nyɔ́ se nú mì, bɔ vɛ̌ɛn lǐtli ɖokpó adaɖé ná jɛ jí.
Mi ná ná vɛ̌ɛn lǐtli atɔn dó nyibúsú ɖokpó ɖokpó jí, lǐtli we dó agbo ɔ́ jí, bó ná ná lǐtli ɖokpó adaɖé dó lɛ̌ngbɔ́ví ɖokpó ɖokpó jí. Vɔ̌ e è nǎ nɔ́ sá ɖo azǎn nukɔntɔn e ɖo sun ɖokpó ɖokpó mɛ ɔ́ gbe, ɖo xwe ɔ́ mɛ é nɛ́.
Vɔ̌ énɛ́ lɛ́ɛ bǐ wɛ ná gɔ́ nú vɔ̌ e mi nɔ dó zo ayǐhɔ́ngbe ayǐhɔ́ngbe lɛ́ɛ kpódó nǔníná jinukún tɔn e mi nɔ ná lɛ́ɛ kpó. Kanlin e ma ɖó blɔ̌ ɖěbǔ ǎ lɛ́ɛ wɛ mi ná nɔ́ xwlé nyɛ Mawu Mavɔmavɔ, bó ná nɔ́ ná vɛ̌ɛn e xó è ɖɔ ɔ́ d'é jí.”
Vɔ̌ e è nǎ nɔ dó zo ayǐhɔ́ngbe ayǐhɔ́ngbe tɛgbɛ ɔ́ wɛ nyí vɔ̌ énɛ́ ɔ́, bɔ é ná cí ée è xwlé mì ɖo Sinayíi só jí é ɖɔhun. Vɔ̌ ɖé wɛ, bɔ wǎn tɔn nɔ́ nyɔ́ se nú nyɛ Mawu Mavɔmavɔ.
Mi ná xwlé lɛ̌ngbɔ́ví wegɔ́ ɔ́ mì gbadanu, bɔ nǔníná e jɛ zǎnzǎn tɔn ɔ́ jí lɛ́ɛ ɖokpó ɔ́ ná jɛ jí. Vɔ̌ e è nɔ dó zo ɔ́ wɛ nyí vɔ̌ énɛ́ ɔ́, bɔ wǎn tɔn nɔ́ nyɔ́ se nú nyɛ Mawu Mavɔmavɔ.”
É ná bó byɔ́ ɖɔ è nǎ hu mì dó sá vɔ̌ ná gɔ́ nú vɔ̌ e sá nú Mawu wɛ mi ɖe gbɔn nǔɖiɖi mitɔn gbla mɛ ɔ́, awǎjijɛ wɛ é nyí nú mì, bɔ mi mɛ bǐ ná jɛ awǎ xá mì.