Kɛ́nsísɔ́ 28:6 - MAWUXÓWÉMA

⁶ Vɔ̌ e è nǎ nɔ dó zo ayǐhɔ́ngbe ayǐhɔ́ngbe tɛgbɛ ɔ́ wɛ nyí vɔ̌ énɛ́ ɔ́, bɔ é ná cí ée è xwlé mì ɖo Sinayíi só jí é ɖɔhun. Vɔ̌ ɖé wɛ, bɔ wǎn tɔn nɔ́ nyɔ́ se nú nyɛ Mawu Mavɔmavɔ.

Kɛ́nsísɔ́ 28:6 Iomraidhean Croise

2 Tan 2:4

Xɔ e gbá gbé un ja ɔ́ ɖó ná sɔ́ avɔ, ɖó Mawu mǐtɔn kló hú vodún lɛ́ɛ bǐ.

2 Tan 31:3

Axɔ́sú ɔ́ ná dɔkun tɔn lɛ́ɛ ɖě, bɔ è nǎ nɔ́ dó sá vɔ̌ e è nɔ dó zo lɛ́ɛ ná: vɔ̌ e è nɔ dó zo zǎnzǎn lɛ́ɛ, ée è nɔ dó zo gbadanu lɛ́ɛ, ée è nɔ dó zo gbɔjɛzán gbe lɛ́ɛ, ée è nɔ dó zo sun wá jǐ lɛ́ɛ kpódó éé nɔ dó zo xwe gbe lɛ́ɛ kpó, lě e è ko wlán dó Mawu Mavɔmavɔ sɛ́n ɔ́ mɛ gbɔn é.

Ɛsidlási 3:4

Énɛ́ ɔ́ gúdo ɔ́, ayǐhɔ́ngbe ayǐhɔ́ngbe ɔ́, Izlayɛ́li ví lɛ́ɛ nɔ xwlé vɔ̌sánú kpíkpé ɔ́ Mawu azɔn nabí e yě ɖó ná xwlé ɖo kéze ɖokpó mɛ é, bó nɔ dó ɖu azavaxwe ɔ́ ná lě e è ko wlán gbɔn dó sɛ́nwéma ɔ́ mɛ é.

Ɖɛhan 50:8

Vɔ̌ e a nɔ sá nú mì lɛ́ɛ wú wɛ un ɖo hwɛ ná ɖɔ xá we wɛ ǎ. A nɔ xwlé vɔ̌ e è nɔ dó zo ɔ́ mì tɛgbɛ.

Tíntɔ́n 24:18

Lo ɔ́, Mɔyízi ɔ́, éyɛ́ byɔ́ akpɔ́kpɔ́ ɔ́ mɛ, ɖo só ɔ́ jí, bó ɖo yiyi wɛ. É nɔ só ɔ́ jí xɔ kéze kanɖé (40), zǎn kanɖé (40).

Tíntɔ́n 31:18

Ée Mawu ɖɔ xó xá Mɔyízi fó ɖo Sinayíi só ɔ́ jí ɔ́, é bɛ́ awǐnnyatɛ we e jí é ɖésúnɔ sɔ́ alɔví tɔn dó wlán sɛ́n lɛ́ɛ dó ɔ́ n'i.

Ezekiyɛ́li 46:14

Mɔ̌ ɖokpó ɔ́, zǎnzǎn tɛgbɛ ɔ́, è nǎ nɔ́ sɔ́ linfín kilóo atɔ́ɔ́n, bó ná zé ami lǐtli we dó nya ná dó sá vɔ̌ nú nyɛ Mawu Mavɔmavɔ; vɔ̌ énɛ́ e è ɖɔ è nǎ nɔ́ sá ayǐhɔ́ngbe ayǐhɔ́ngbe ɔ́, è nǎ gbɔ sísá gbeɖé ǎ.

Ezekiyɛ́li 46:15

Hǔn è ma gbɔ lɛ̌ngbɔ́ví ɔ́ kpó linfín ɔ́ kpódó ami ɔ́ kpó xwlé nyɛ Mawu Mavɔmavɔ zǎnzǎn tɛgbɛ gbeɖé ó.”

Levíi ví 27:34

Sɛ́n e Mawu Mavɔmavɔ dó nú Izlayɛ́li ví lɛ́ɛ gbɔn Mɔyízi jí, ɖo Sinayíi só jí lɛ́ɛ nɛ́.

Levíi ví 6:9

Aalɔ́ɔn kpó vǐ tɔn súnnu lɛ́ɛ kpó ná ɖu nǔníná e ná kpo ɔ́. Yě ná dǒ tɔ́n mɛ có bó ɖu ǎ. Yě ná ɖu ɖo goxɔ ɔ́ sín kɔ́xota; ɖó tɛn mímɛ́ wɛ.

Amɔ́si 5:25

“Izlayɛ́linu lɛ́ɛ mi, hwenu e mi nɔ gbětótló mɛ káká nú xwe kanɖé (40) ɔ́, mi sa vɔ̌ ɖé nú mì a? Mi ka ná nǔɖé mì a?

Kɛ́nsísɔ́ 28:5

Mi ná zé olívu sín ami akú lǐtli ɖokpó adaɖé dó nya linfín kilóo atɔn ná, bó ná zé gɔ́ nú kanlin lɛ́ɛ ɖokpó ɖokpó.

Kɛ́nsísɔ́ 28:7

Lɛ̌ngbɔ́ví zǎnzǎn tɔn ɔ́, vɛ̌ɛn lǐtli ɖokpó adaɖé wɛ ná nyí nǔníná e ná jɛ jí é, bɔ è nǎ xwlé mì ɖo Goxɔ ɔ́ mɛ.

Filípunu 2:17

É ná bó byɔ́ ɖɔ è nǎ hu mì dó sá vɔ̌ ná gɔ́ nú vɔ̌ e sá nú Mawu wɛ mi ɖe gbɔn nǔɖiɖi mitɔn gbla mɛ ɔ́, awǎjijɛ wɛ é nyí nú mì, bɔ mi mɛ bǐ ná jɛ awǎ xá mì.