Kɛ́nsísɔ́ 28:2 - MAWUXÓWÉMA2 é ní ɖɔ nú Izlayɛ́li ví lɛ́ɛ ɖɔ: “Mi ná nɔ́ kpé nukún dó nǔníná e nyí nyɛ Mawu Mavɔmavɔ tɔn lɛ́ɛ wú, bó nɔ́ xwlé mì dó hwetɔnnu; nǔɖuɖu ɖé wɛ é nyí, bɔ è nɔ dó zo bɔ wǎn tɔn nɔ́ nyɔ́ se nú mì. Faic an caibideil |
Kɛ́nsísɔ́ 28:2
32 Iomraidhean Croise
Énɛ́ ɔ́ gúdo ɔ́, Yexoyada ɖe Levíi ví vɔ̌sánú-xwlémawutɔ́ lɛ́ɛ, bɔ yě ná nɔ́ cɔ́ Mawu Mavɔmavɔ xwé ɔ́. Davídi wɛ ko má yě mɛ énɛ́ lɛ́ɛ dó Mawu Mavɔmavɔ xwé gbe, bónú yě ná nɔ xwlé vɔ̌sánú e è nɔ dó zo lɛ́ɛ Mawu Mavɔmavɔ ɖo Mawu Mavɔmavɔ xwé ɔ́ gbe, lě e é ɖe gbɔn ɖo Mɔyízisɛ́n ɔ́ mɛ é. É kó ɖɔ nú yě ɖɔ yě ní nɔ́ wa azɔ̌ énɛ́ lɛ́ɛ kpó awǎjijɛ sín han lɛ́ɛ kpó.
Vɔ̌sánú-xwlémawutɔ́ Jozuwée Yosadaku ví ɔ́, kpódó nɔví tɔn vɔ̌sánú-xwlémawutɔ́ ɖě lɛ́ɛ kpó, kpódó Zolobabɛ́li Calutiyɛ́li ví ɔ́ kpó, kpódó Zolobabɛ́li sín mɛ lɛ́ɛ kpó jɛ Mawu sín vɔ̌sákpe Izlayɛ́li ví lɛ́ɛ tɔn ɔ́ vɔ́ mɛ jí, bó ná nɔ xwlé vɔ̌ e è nɔ dó zo ɔ́ Mawu ɖ'é jí, lě e Mɔyízi ɖɛ̌mɛnu Mawu tɔn ɔ́ sín sɛ́n ɖɔ gbɔn é.
Akwɛ́ énɛ́ lɛ́ɛ e mǐ jɔ ɔ́ wɛ è na dó xɔ wɔ̌xúxú e è nɔ ná Mawu lɛ́ɛ, vɔ̌ e è nɔ sá ayǐhɔ́ngbe ayǐhɔ́ngbe ɔ́, ée è nɔ dó zo gbɔjɛzán Jwifu lɛ́ɛ tɔn gbe tɛgbɛ ɔ́, ée è nɔ sá gbe e gbe sun wá jí ɔ́, ée è nɔ sá xwezán ɖě lɛ́ɛ gbe é, vɔ̌sísá ɖě lɛ́ɛ e è nɔ xwlé Mawu é, kpódó vɔ̌ e Izlayɛ́li ví lɛ́ɛ nɔ sá dó byɔ́ hwɛsɔ́kɛ é kpán. Akwɛ́ énɛ́ ɔ́ wɛ è nǎ dó wa xwé Mawu mǐtɔn tɔn sín azɔ̌ lɛ́ɛ ná.
Lě e un ko ɖɔ gbɔn ɔ́, un ná ɖe mi sín akɔta ɖěvo ɖěvo lɛ́ɛ mɛ, bó ná ɖe mi sín to ɖěvo ɖěvo e mɛ è gba mi dó kpé gbɔn lɛ́ɛ bǐ mɛ, bó ná kplé mi ɖó fí. Énɛ́ ɔ́ gúdo ɔ́, un ná yí vɔ̌ wǎnɖagbenɔ e mi ná nɔ́ sá nú mì lɛ́ɛ kpó xomɛnyínyɔ́ kpó. Un wa nǔ gbɔn mɔ̌ nú mi ɔ́, un ná ɖe xlɛ́ akɔta ɖě lɛ́ɛ bǐ ɖɔ nyɛ nyí Mawu mɛ mímɛ́ ɔ́.
Ɖó gǎn ɔ́ wɛ ná nɔ́ ná nǔ e è nǎ nɔ́ dó sá vɔ̌ e è nɔ dó zo lɛ́ɛ, bó ná nɔ́ ná nǔníná jinukún tɔn kpó vɛ̌ɛn e è nǎ nɔ ba xwe hwenu lɛ́ɛ kpó; ɖo tají ɔ́, sunwájǐxwe lɛ́ɛ, gbɔjɛzán gbe lɛ́ɛ, kpó nǔwiwa ɖěvo e ná dɔn Izlayɛ́li ví lɛ́ɛ kplé lɛ́ɛ kpó sín hwenu é. Gǎn ɔ́ wɛ ná nɔ́ sá hwɛsɔ́kɛmɛvɔ́, é wɛ ná nɔ́ xwlé nǔníná jinukún tɔn lɛ́ɛ Mawu, bó ná nɔ́ sá vɔ̌ e è nɔ dó zo lɛ́ɛ kpó kɔnɖókpɔ́ sín vɔ̌ lɛ́ɛ kpó, bónú nyɛ Mawu Mavɔmavɔ ná sɔ́ hwɛ kɛ togun Izlayɛ́li tɔn ɔ́.”
Izlayɛ́li ví ɖokpó ɖokpó ɖó ná tunwun mɛɖeɖóvo Mawu tɔn e vɔ̌sánú-xwlémawutɔ́ lɛ́ɛ nyí ɔ́ sín tɛnmɛ nú yě, ɖó yě wɛ nɔ xwlé nǔɖuɖu e mi nɔ ná nyɛ Mawu mitɔn ɔ́ mì. Mɛ ɖěbǔ ní bó má hɛn mɛ mímɛ́ e yě nyí ɔ́ gblé ó. Nyɛ Mawu Mavɔmavɔ e sɔ́ mi Izlayɛ́li ví lɛ́ɛ, bónú mi ná nyí togun ɖe ɖó vo ɔ́, mǐmɛ́ wɛ un nyí.
ényí mɛɖé má tunwun ǎ, bó gba ɖě, bɔ togun ɔ́ lɔ ma ka tunwun ǎ ɔ́, togun ɔ́ bǐ wɛ ná zé nyibúsú wínnyáwínnyá ɖokpó dó sá vɔ̌ e è nɔ dó zo ɔ́ ná nú nyɛ Mawu Mavɔmavɔ, bɔ wǎn tɔn ná nyɔ́ se nú mì. Mɛ ɔ́ ná ná nǔníná vɛ̌ɛn tɔn kpó jinukún tɔn kpó gɔ́ ná lě e è nɔ bló gbɔn é; gbɔ̌sú ɖokpó ná jɛ jí, bɔ è nǎ dó sá hwɛxɔ́súsú vɔ́ ná.
mi ná nɔ́ sá vɔ̌ e è nɔ dó zo é abǐ kɔnɖókpɔ́ vɔ́ nú Mawu Mavɔmavɔ; é sixú nyí vɔ̌ e è nǎ dó ɖe akpá e è dǒ lɛ́ɛ, é ká sixú nyí ɖɔ mɛ ɖésúnɔ kpɔ́n mɛɖée xomɛ bó sá; é sixú nyí xwe ɖé sín hwenu. Mi ja vɔ̌ mɔ̌hunkɔtɔn lɛ́ɛ sá gbé ɔ́, nyibú ɖokpó, lɛ̌ngbɔ́ ɖokpó, abǐ gbɔ̌ ɖokpó wɛ mi ná nɔ́ sɔ́ dó sá, bɔ wǎn tɔn ná nyɔ́ se nú nyɛ Mawu Mavɔmavɔ.
Sanasan