Kɛ́nsísɔ́ 28:11 - MAWUXÓWÉMA

¹¹ Mawu Mavɔmavɔ ɖɔ nú Mɔyízi ɖɔ: “Azǎn nukɔntɔn e ɖo sun ɖokpó ɖokpó mɛ ɔ́ gbe ɔ́, mi ná nɔ́ zé nyibúsú we, agbo ɖokpó, lɛ̌ngbɔ́ví e ɖó xwe ɖokpó ɔ́ tɛ́nwe dó sá vɔ̌ e è nɔ dó zo ɔ́ ná nú nyɛ Mawu Mavɔmavɔ; blɔ̌ ɖěbǔ ná ɖo kanlin énɛ́ lɛ́ɛ wú ǎ.

Kɛ́nsísɔ́ 28:11 Iomraidhean Croise

2 Axɔ́sú 4:23

Bɔ asú tɔn ɖɔ n'i ɖɔ: “Étɛ́wú a jlǒ ná yi gɔ̌n tɔn égbé? Sun ma wá jǐ nɛ́, égbé ma ká nyí gbɔjɛzán gbe nɛ́!” Nyɔ̌nu ɔ́ yí gbe n'i ɖɔ: “Nǔɖé jɛ ǎ.”

1 Tan 23:31

Yě ná nɔ́ sá vɔ̌ e è nɔ dó zo lɛ́ɛ nú Mawu Mavɔmavɔ hwebǐnu ɖo gbɔjɛzán lɛ́ɛ gbe, bó ná nɔ́ sá gbe e gbe sun wá jǐ é, bó ná nɔ́ sá xwezán ɖě lɛ́ɛ bǐ gbe. Yě ná nɔ́ wa azɔ̌ yětɔn ɖo Mawu Mavɔmavɔ xwé gbe hwebǐnu; yě ná nɔ́ bló azɔn nabí e sɛ́n ɔ́ ɖɔ é.

2 Tan 2:3

Un ɖo nǔ sɔ́ wɛ, bó ná sá xwé ɖokpó nú Mawu Mavɔmavɔ, Mawu ce; un ná sɔ́ xwé ɔ́ ɖó vo n'i; è nǎ nɔ́ dó zǎlínkpɔ́n zo n'i ɖo xwé ɔ́ gbe; wɔ̌xúxú e è nɔ to ɖě ɖó ɖě jí tɛgbɛ tɛgbɛ lɛ́ɛ ɔ́, è nǎ nɔ́ xwlé e ɖo xwé ɔ́ gbe; è nǎ nɔ́ sá vɔ̌ e è nɔ dó zo ɔ́ zǎnzǎn gbada ɖo xwé ɔ́ gbe. È nǎ nɔ́ sá vɔ̌ e è nɔ dó zo ɔ́ gbɔjɛzán lɛ́ɛ gbe, bó ná nɔ́ sá gbe e gbe sun wá jǐ é kpó Mawu Mavɔmavɔ, Mawu mǐtɔn sín xwezán ɖě lɛ́ɛ gbe kpó. Izlayɛ́li ví lɛ́ɛ kpo ɖo walɔ énɛ́ lɛ́ɛ zán wɛ káká jɛ égbé.

2 Tan 2:4

Xɔ e gbá gbé un ja ɔ́ ɖó ná sɔ́ avɔ, ɖó Mawu mǐtɔn kló hú vodún lɛ́ɛ bǐ.

2 Tan 8:13

Salomɔ́ɔ nɔ sá vɔ̌ lě e Mɔyízi ɖɔ è nǎ nɔ́ sá gbɔn ɖo xwezán ɖokpó ɖokpó gbe é: è nɔ sá gbɔjɛzán gbe vɔ́ lɛ́ɛ, bó nɔ́ sá sun wá jǐ vɔ́ lɛ́ɛ kpódó vɔ̌ ɖaxó ɖaxó atɔn e è nɔ sá xwewú xwewú lɛ́ɛ kpó: wɔ̌xúxú e mɛ è ma dó tɔ́n ǎ é xwe ɔ́, Pantekótuxwe ɔ́ kpó azavaxwe ɔ́ kpó.

Ɛsidlási 3:5

Sín hwenɛ́nu ɔ́, yě nɔ́ xwlé vɔ̌sánú ayǐhɔ́ngbe ayǐhɔ́ngbe tɔn lɛ́ɛ Mawu, bó nɔ xwlé vɔ̌sánú e è ko wlán ɖɔ è na nɔ xwlé Mawu ɖo azǎn nukɔntɔn e ɖo sun ɖokpó ɖokpó mɛ ɔ́, kpódó ée è ɖǒ ná xwlé ɖo Mawu Mavɔmavɔ sín xwe lɛ́ɛ hwenu ɔ́ kpó é. Vɔ̌sánú e mɛ ɖésúnɔ nɔ jló bó nɔ hɛn wá nú Mawu Mavɔmavɔ lɛ́ɛ ɔ́, yě nɔ́ xwlé Mawu Mavɔmavɔ.

Nɛɛmíi 10:33

Mǐ ɖɔ mǐ ná nɔ ná gankwɛ́ ɖokpó ɖokpó xwewú xwewú tɛgbɛ, bɔ è na nɔ́ dó wa xwé Mawu mǐtɔn tɔn sín azɔ̌ ná.

Ɖɛhan 40:6

Nǔ jí wǔ e a blǒ nú mǐ lɛ́ɛ sukpɔ́ mɛ nya! Mawu Mavɔmavɔ, Mawu ce, towe ɖɔhun ɖe ǎ; nǔ ɖagbe sín nɛ́ a sɔ́ ɖó te nú mǐ ná! Yě sukpɔ́ bó gégé, un sixú ɖɔ bǐ ǎ, un ka sixú jlɛ́ ǎ.

Ɖɛhan 40:8

Énɛ́ ɔ́ wú wɛ un ɖɔ: “Nyi ɖíe ja e; un hɛn wěma e ɖɔ xó dó wǔ ce ɔ́ bó ja.”

Ɖɛhan 81:3

Mi dó han víví bó ji; mi xo hǔnví, mi xo kanhún e nyɔ́ gbe ganjí é, mi xo kanhún kanwǒnɔ.

Ɖɛhan 81:4

Mi kún lanzo xwezán mǐtɔn gbe: sun wá jǐ hǔn, mi kún lanzo, sun kpé ká hǔn, mi kún.

Ezayíi 66:23

Énɛ́ ɔ́, sun wá jǐ tɛgbɛ ɔ́, gbɛtɔ́ lɛ́ɛ bǐ ná nɔ́ wá ɖe kɔ́ nú mì. Gbɔjɛzán gbe tɛgbɛ ɔ́, gbɛtɔ́ lɛ́ɛ bǐ ná nɔ́ wá ɖe kɔ́ nú mì.

Ezekiyɛ́li 46:1

Xó e Aklúnɔ Mavɔmavɔ ɖɔ ɔ́ ɖíe: “Aklúnɔzángbla ɖokpó mɛ ɔ́, hɔntogbó zǎnzǎnhwe jí tɔn e ɖo kɔ́xota e ɖo xwé ɔ́ ta ɔ́ ɖó ná nɔ́ nɔ súsú nú azǎn ayizɛ́n é nyí azɔ̌wazán gbe lɛ́ɛ; amɔ̌, gbɔjɛzán gbe ɔ́, é ná nɔ́ nɔ nuvo. È nǎ nɔ́ lɛ́ hun sunwájǐxwe ɔ́ gbe.

Ezekiyɛ́li 46:6

Sunwájǐzán gbe lɛ́ɛ ɔ́, é ná nɔ́ hu nyibúsú e máɖóblɔ̌ ɖo wǔ ǎ é ɖokpó, lɛ̌ngbɔ́ví e máɖóblɔ̌ ɖo wǔ ǎ é ayizɛ́n kpó agbo e ma ɖó blɔ̌ ɖo wǔ ǎ é ɖokpó kpó.

Ezekiyɛ́li 46:7

É ná ná blěelinfín kilóo gban (30) dó nyibúsú ɔ́ jí, bó ná sɔ́ kilóo gban (30) dó agbo ɔ́ jí, bɔ lɛ̌ngbɔ́ví lɛ́ɛ ɔ́, é ná kpɔ́n blěelinfín e é ɖésú mɔ ɖɔ é ná kpé ɔ́, bó ná hɛn d'é jí; é ná hɛn ami lǐtli ayizɛ́n dó linfín kilóo gban (30) lɛ́ɛ jí.

Ozée 2:11

Énɛ́ ɔ́ wú wɛ un ná yí jinukún ce sín así tɔn ɖo nǔkún-yiya hwenu, bó ná yí vɛ̌ɛn ce sín así tɔn vǐwun gbigbɛ hwenu. Un ná ɖe gbɔ̌fúnvɔ ce kpó akwɛ́núvɔ ce kpó sín wǔ tɔn; gbɔ̌fúnvɔ kpó akwɛ́núvɔ kpó e é dó hwlá mɛ̌ é.

Levíi ví 1:13

È nǎ klɔ́ xomɛnú lɛ́ɛ kpó afɔ lɛ́ɛ kpó, bɔ vɔ̌sánú-xwlémawutɔ́ ɔ́ ná bɛ́ bǐ xwlé Mawu Mavɔmavɔ, bó ná dó yě zo ɖo vɔ̌sákpe ɔ́ jí. Énɛ́ wɛ nyí vɔ̌ e è nɔ dó zo bɔ é nɔ́ fyɔ́ bǐ, bɔ wǎn tɔn nɔ yi Mawu Mavɔmavɔ gɔ́n, bó nɔ́ nyɔ́ se n'i é.

Levíi ví 1:3

“Nú nyibú wɛ mɛ ɔ́ jló ná zé dó sá vɔ̌ e è nɔ dó zo ɔ́ ná ɔ́, nyibúsú e má ɖó blɔ̌ ɖěbǔ ǎ ɔ́ wɛ mɛ ɔ́ ná dó sá vɔ̌ ɔ́; é ná kplá wá goxɔ ɔ́ sín alihɛ́nnu, bónú Mawu Mavɔmavɔ ná wa ɖagbe nú mɛ ɔ́.

Levíi ví 1:9

È nǎ klɔ́ xomɛnú lɛ́ɛ kpó afɔ lɛ́ɛ kpó bɔ vɔ̌sánú-xwlémawutɔ́ lɛ́ɛ ɖokpó ná dó bǐ zo ɖo vɔ̌sákpe ɔ́ jí. Énɛ́ wɛ nyí vɔ̌ e è nɔ́ dó zo bɔ é nɔ́ fyɔ́ bǐ, bɔ wǎn tɔn nɔ́ yi Mawu Mavɔmavɔ gɔ́n, bó nɔ́ nyɔ́ se n'i é.

Amɔ́si 3:5

Ényí è ɖǒ mɔ bó má sɔ́ nǔɖuɖu ɖ'é jí ǎ ɔ́, xɛ sixú wá jɛ mɛ a? Ényí mɔ ɖé ma wlí nǔ ǎ ɔ́, é sixú fɛ́ a?

Amɔ́si 8:5

Mi nɔ ɖɔ: “Hwetɛ́nu wɛ mǐ ná ɖu sunwájǐxwe ɔ́ fó dó, bó ná sa jinukún? Hwetɛ́nu wɛ gbɔjɛzán ɔ́ ná fó dó, bɔ mǐ nǎ hun agɔ̌ mǐtɔn lɛ́ɛ?” Mǐ ná ɖe nǔjlɛ́ká ɔ́ kpo; mǐ ná ɖe kilóo lɛ́ɛ kpo; nǔdagan mǐtɔn lɛ́ɛ ná sɔgbe ǎ.

Kɛ́nsísɔ́ 10:10

Đo awǎjijɛ sín azǎn mitɔn lɛ́ɛ gbe ɔ́, ɖo xwezán mitɔn lɛ́ɛ gbe ɔ́, ɖo sunwájǐxwe mitɔn lɛ́ɛ hwenu ɔ́, mi ná nɔ́ ɖo vɔ̌ e è nɔ dó zo ɔ́ sá wɛ, bó ná nɔ́ ɖo kɔnɖókpɔ́ vɔ́ sá wɛ, bó ná nɔ́ kwín kpɛn lɛ́ɛ. Énɛ́ ɔ́, un ná nɔ́ flín mi. Mawu Mavɔmavɔ, Mawu mitɔn wɛ un nyí.”

Kɛ́nsísɔ́ 28:19

Mi ná zé nyibúsú wínnyáwínnyá we, agbo ɖokpó, lɛ̌ngbɔ́ví e ɖó xwe ɖokpó ɔ́ tɛ́nwe dó sá vɔ̌ e è nɔ dó zo ɔ́ ná nú nyɛ Mawu Mavɔmavɔ; blɔ̌ ɖěbǔ ná ɖo kanlin énɛ́ lɛ́ɛ ɖě wú ǎ.

Galatinu 4:10

Mi nɔ ɖó kɛ́n azǎn ɖé lɛ́ɛ, sun ɖé lɛ́ɛ, hwenu ɖé lɛ́ɛ kpódó xwe ɖé lɛ́ɛ kpó jí, bó nɔ sɔ́ yě dó ɖó nǔ ɖaxó ná.

Kolósinu 2:16

Ényí mɔ̌ hǔn, mi ma lɔn nú mɛɖé ní ɖɔ nú mi ɖɔ nǔ lě wɛ nyɔ́ bɔ mi ná ɖu, abǐ nǔ lě wɛ nyɔ́ bɔ mi ná nu, abǐ xwezán lě wɛ mi ná nyi, sun wá jǐ sín azǎn lě wɛ mi ná nyi, abǐ gbɔjɛzán Jwifu lɛ́ɛ tɔn lě wɛ mi ná nyi ó.

Kolósinu 2:6

Énɛ́ ɔ́, ée mi yí Klísu Jezu dó yí Aklúnɔ mitɔn ná ɔ́, mi bo nɔ bǔ xá ɛ ɖo gbɛzán mitɔn mɛ.

1 Samuwɛ́li 20:5

Bɔ Davídi ɖɔ n'i ɖɔ: “Sɔ wɛ mǐ ná ɖu sunwájǐxwe ɔ́, bɔ nyi kpó axɔ́sú ɔ́ kpó ɖó ná jínjɔ́n ayǐ, bó ná ɖu nǔ. Amɔ̌, din ɔ́, nǎ gbe mì nú má yi hɔn bɛ cí gle ɖé mɛ káká jɛ azǎn atɔngbe gbadanu.

1 Samuwɛ́li 9:12

Yě yí gbe nú yě ɖɔ: “Ɛɛn, é ɖo nukɔn mitɔn. Amɔ̌, mi yá wǔ; é wá toxo mǐtɔn mɛ, ɖó égbé wɛ togun ɔ́ jló ná yi sá vɔ̌ ɖo só jí.