Kɛ́nsísɔ́ 27:7 - MAWUXÓWÉMA

⁷ “Selofɛxádi sín vǐ nyɔ̌nu lɛ́ɛ sín hwɛ jɔ. A nǎ ná ayǐkúngban ɔ́ ɖě yě, bɔ yě lɔmɔ̌ ná ɖu gǔ tɔn, tɔ́ yětɔn nɔví súnnu lɛ́ɛ ɖɔhun. Yě wɛ a nǎ sɔ́ ayǐkúngban e ná nyí tɔ́ yětɔn tɔn ɔ́ jó ná,

Kɛ́nsísɔ́ 27:7 Iomraidhean Croise

Jɔ̌bu 42:15

Đo to ɔ́ bǐ mɛ ɔ́, nyɔ̌nu ɖěbǔ nyɔ́ ɖɛkpɛ sɔ Jɔ̌bu sín vǐ nyɔ̌nu lɛ́ɛ ǎ. Tɔ́ yětɔn má gǔ ɖ'ayǐ nú yě lɔmɔ̌ nɔví yětɔn súnnu lɛ́ɛ ɖɔhun.

Ɖɛhan 68:5

Mi ji han mlá Mawu, mi ɖɔ xó lómílómí dó mlá nyǐkɔ tɔn dó han mɛ. Mi ɖe ali nú Mawu e nɔ́ zɔn akpɔ́kpɔ́ jí sɔ́ jí ɖɔhun é. Mawu Mavɔmavɔ wɛ nyǐkɔ tɔn nyí. Mi j'awǎ ɖo nukɔn tɔn.

Jelemíi 49:11

Nú mi wá kú ɔ́, mɛ ɖěbǔ sɔ́ ná kpo bó ná kpé nukún dó vǐ mitɔn lɛ́ɛ wú ǎ, mɛ ɖěbǔ ká sɔ́ ná kpo bó ná ɖɔ asi mitɔn lɛ́ɛ ní ɖeji dó émí wú ǎ.”

Kɛ́nsísɔ́ 27:6

Bɔ Mawu Mavɔmavɔ ɖɔ nú Mɔyízi ɖɔ:

Kɛ́nsísɔ́ 27:8

bó ná ɖɔ nú Izlayɛ́li ví lɛ́ɛ ɖɔ ényí súnnu ɖé má ji vǐ súnnu cóbó kú ǎ ɔ́, yě ná zé nǔ e nyí étɔn lɛ́ɛ jó nú vǐ tɔn nyɔ̌nu lɛ́ɛ.

Kɛ́nsísɔ́ 36:5

Mɔyízi ɖɔ nǔ e Mawu Mavɔmavɔ ɖɔ ɔ́ nú Izlayɛ́li ví lɛ́ɛ. É ɖɔ: “Akɔta Jozɛ́fu ví lɛ́ɛ tɔn sín hwɛ jɔ.

Kɛ́nsísɔ́ 36:6

Gbeta e Mawu Mavɔmavɔ ɖe tɔ́n dó Selofɛxádi ví nyɔ̌nu lɛ́ɛ wú lɛ́ɛ ɖíe: yě sixú da mɛ e jló yě ɔ́; amɔ̌, akɔta tɔ́ yětɔn lɛ́ɛ tɔn sín hɛ̌nnu mɛ jɛ́n yě ná da asú ɖe.

Galatinu 3:28

Hǔn din ɔ́, Jwifu sɔ́ ɖo vo nú mɛ e ma nyí Jwifu ǎ é ǎ; kannumɔ sɔ́ ɖo vo nú mɛ e ma nyí kannumɔ ǎ é ǎ; súnnu sɔ́ ɖo vo nú nyɔ̌nu ǎ; ɖó mi mɛ bǐ wɛ nyí ɖokpó ɔ́ ɖo Klísu Jezu mɛ.

Jozuwée 17:4

Vǐ nyɔ̌nu nɛ́ lɛ́ɛ wá mɔ vɔ̌sánú-xwlémawutɔ́ Eleazáa kpódó Jozuwée Nuni ví ɔ́ kpó, kpódó mɛ e ɖo togun ɔ́ nu lɛ́ɛ kpó, bó ɖɔ nú yě ɖɔ: “Mawu Mavɔmavɔ zɔ́n Mɔyízi ɖɔ é ní ná ayǐkúngban mǐ lɔmɔ̌, lě e è nǎ súnnu e ɖo akɔta mǐtɔn mɛ lɛ́ɛ ɔ́ ɖɔhun.” Ée yě ɖɔ mɔ̌ ɔ́, è xwedó gbeta e Mawu Mavɔmavɔ ɖe tɔ́n ɔ́, bó ná ayǐkúngban yě, lě e è nǎ súnnu e ɖo akɔta yětɔn mɛ lɛ́ɛ é ɖɔhun.