Kɛ́nsísɔ́ 27:3 - MAWUXÓWÉMA

³ “Tɔ́ mǐtɔn kó kú ɖo gbětótló mɛ. É ka ɖo yě mɛ é kpó Kolée kpó fɔ́n gǔ dó Mawu Mavɔmavɔ jí lɛ́ɛ mɛ ǎ. Lo ɔ́, hwɛ e é ɖésúnɔ hu lɛ́ɛ wú wɛ é kú; é ká ɖó vǐ súnnu ɖé có bó kú ǎ.

Kɛ́nsísɔ́ 27:3 Iomraidhean Croise

Ezekiyɛ́li 18:4

Éɖíe, mɛ bǐ sín gbɛ wɛ ɖo alɔ ce mɛ, tɔ́ wɛ a, vǐ wɛ a, mɛ bǐ sín gbɛ wɛ ɖo alɔ ce mɛ. Mɛ e hu hwɛ é wɛ ná sú hwɛ tɔn xɔ́: mɛ ɔ́ wɛ ná kú.

Kɛ́nsísɔ́ 14:35

Nyɛ Mawu Mavɔmavɔ wɛ ɖɔ mɔ̌! Lě e un ná wa togun baɖabaɖa élɔ́ e fɔ́n gǔ dó jǐ ce ɔ́ sín nǔ gbɔn ɔ́ nɛ́. Yě bǐ wɛ ná kú ɖo gbětótló mɛ fí. Mɛ ɖé ná kpo ǎ.’ ”

Kɛ́nsísɔ́ 16:19

bɔ Kolée kplé togun Izlayɛ́li tɔn ɔ́ bǐ ɖó nukɔn yětɔn, ɖo Goxɔ ɔ́ sín ali nu. Ée yě wá kplé ɔ́, susu Mawu Mavɔmavɔ tɔn tɔ́n dó togun ɔ́ bǐ jí,

Kɛ́nsísɔ́ 26:33

Selofɛxádi Hefɛ́ɛ ví súnnu ɔ́ ji vǐ súnnu ɖě ǎ; nyɔ̌nu kɛ́ɖɛ́ wɛ é ji. Vǐ lɛ́ɛ sín nyǐkɔ ɖíe: Maxla, Nɔwa, Hogla, Miluka kpódó Tíisa kpó.

Kɛ́nsísɔ́ 27:2

Selofɛxádi sín vǐ nyɔ̌nu énɛ́ lɛ́ɛ wá mɔ Mɔyízi kpó vɔ̌sánú-xwlémawutɔ́ Eleazáa kpó, kpó tomɛxó Izlayɛ́li tɔn lɛ́ɛ kpó, kpódó togun Izlayɛ́li tɔn ɔ́ bǐ kpó, ɖo Goxɔ ɔ́ sín ali nu, bo ɖɔ:

Kɛ́nsísɔ́ 27:4

Aniwú wɛ mi ná ɖe tɔ́ mǐtɔn sín nyǐkɔ sín hɛ̌nnu tɔn mɛ ɖó vǐ súnnu e é má ji ǎ wú? Mi ná ayǐkúngban ɔ́ ɖě mǐ lɔmɔ̌, lě e mi ná tɔ́ mǐtɔn nɔví súnnu lɛ́ɛ gbɔn é.”

Jǎan 8:21

Jezu ka lɛ́ ɖɔ nú yě ɖɔ: “Un xweyǐgbe; mi na ba mì, lo ɔ́, mi ná kú dó hwɛ mitɔn lɛ́ɛ mɛ, ɖó mi sixú yi fí e un xwe ɔ́ ǎ.”

Jǎan 8:24

Énɛ́ wútu wɛ un ko ɖɔ nú mi ɖɔ hwɛ mitɔn mɛ wɛ mi ná kú dó. Ényí mi ma ɖi nǔ ɖɔ un nyí mɛ e un nyí é ǎ ɔ́, mi ná kú dó hwɛ mitɔn lɛ́ɛ mɛ.”

Hlɔ̌manu 5:12

Hwɛhuhu ɔ́, gbɛtɔ́ ɖokpó géé jí wɛ é gbɔn bó wá gbɛ ɔ́ mɛ; mɛ énɛ́ wɛ nyí Adámu; hwɛhuhu ɔ́ ka dɔn kú wá. Énɛ́ ɔ́, gbɛtɔ́ lɛ́ɛ bǐ nɔ kú, ɖó mɛ bǐ wɛ hu hwɛ.

Hlɔ̌manu 5:21

Hǔn énɛ́ ɔ́ wú wɛ lě e hwɛhuhu ko ɖu axɔ́sú gbɔn kú jí ɔ́, mɔ̌ ɖokpó ɔ́ jɛ́n fɛ́nú Mawu tɔn ɖo axɔ́sú ɖu wɛ gbɔn hwɛjijɔ jí, bó ná kplá mǐ yi gbɛ mavɔ mavɔ mɛ gbɔn Jezu Klísu Aklúnɔ mǐtɔn jí.

Hlɔ̌manu 6:23

Đó axɔ́ e hwɛhuhu nɔ sú mɛ ɔ́ wɛ nyí kú; amɔ̌ nǔ e Mawu nɔ ná mɛ vɔ̌nu ɔ́ wɛ nyí gbɛ mavɔ mavɔ e mǐ ɖó ɖo bǔ e mǐ ɖe xá Klísu Jezu Aklúnɔ mǐtɔn mɛ é.