Kɛ́nsísɔ́ 27:21 - MAWUXÓWÉMA

²¹ Amɔ̌, é ɖésúnɔ ná yi vɔ̌sánú-xwlémawutɔ́ Eleazáa gɔ́n, bɔ éyɛ́ ná zé Wulímu dó kan lě e é ná wa nǔ gbɔn ɔ́ byɔ́ nyɛ Mawu Mavɔmavɔ. Bɔ Jozuwée kpó togun Izlayɛ́li tɔn ɔ́ bǐ kpó ná wa nǔ e é ná ɖɔ nú yě lɛ́ɛ bǐ, ɖo ali bǐ nu.”

Kɛ́nsísɔ́ 27:21 Iomraidhean Croise

2 Samuwɛ́li 21:1

Adɔ tɔ́n xɔ xwe atɔn, hwenu e Davídi ɖo axɔ́sú ɖu wɛ é. Davídi kan xó byɔ́ Mawu Mavɔmavɔ bɔ é yí gbe n'i ɖɔ: “Adǎka e Sawúlu kpó mɛ tɔn lɛ́ɛ kpó xo hwenu e é hu Gabawɔ́ɔnnu lɛ́ɛ é wú wɛ adɔ tɔ́n.”

Ɛsidlási 2:63

Tokpɔngán ɔ́ ɖésú gbɛ́ nú yě ɖɔ yě ní má ɖu nǔ mímɛ́ titewungbe e è xwlé Mawu lɛ́ɛ ɖě káká jɛ hwenu e vɔ̌sánú-xwlémawutɔ́ ɖé ná sɔ́ Wulímu kpó Tumímu kpó dó kan nǔ byɔ́ Mawu dó xó yětɔn wú bó ná ɖe gbeta ɖé tɔ́n dó é ó.

Nɛɛmíi 7:65

Tokpɔngán ɔ́ ɖésú gbɛ́ nú yě ɖɔ yě ní má ɖu vɔ̌sánú mímɛ́ bǐ ɔ́ ó. Yě ní nɔ mɔ̌ káká jɛ hwe e nu vɔ̌sánú-xwlémawutɔ́ ɖokpó ná sɔ́ Wulímu kpó Tumímu kpó bó ná tunwun lě e yě ná wa nǔ gbɔn é.

Tíntɔ́n 28:30

A nǎ bɛ̌ Wulímu kpó Tumímu kpó dó akɔ́ntakpo ɔ́ mɛ, bɔ Aalɔ́ɔn xwe nyɛ Mawu Mavɔmavɔ nukɔn ɔ́, yě ná nɔ́ ɖo akɔ́n tɔn ta. Énɛ́ ɔ́, Wulímu kpó Tumímu kpó ná ɖo akɔ́nta n'i hwebǐnu, ɖo nyɛ Mawu Mavɔmavɔ nukɔn, bɔ é ná sixú tunwun nǔ e ba nú Izlayɛ́li ví lɛ́ɛ wɛ un ɖe é.”

Levíi ví 8:8

É sɔ́ akɔ́ntakpo ɔ́ dó kɔ n'i, bó sɔ́ Wulímu kpó Tumímu kpó dó akɔ́ntakpo ɔ́ mɛ.

Malacíi 2:7

Nǔgbó wɛ, vɔ̌sánú-xwlémawutɔ́ ɔ́, azɔ̌ tɔn wɛ nyí é ní kplɔ́n nǔ mɛ lɛ́ɛ, nú yě ná tunwun nyɛ Mawu. É wɛ mɛ lɛ́ɛ nɔ wá kan nǔ byɔ́ dó sɛ́n e yě ná nyi lɛ́ɛ wú, ɖó é wɛ nyí ɖɛ̌mɛnu nyɛ Mawu Mavɔmavɔ Nǔbǐwúkpétɔ́ ɔ́ tɔn.

Kɛ́nsísɔ́ 27:17

Sɔ́ mɛ e ná sixú nɔ yě nu, ɖo ali bǐ nu é, bónú togun towe ní má cí lɛ̌ngbɔ́ e má ɖó nyinyitɔ́ ǎ lɛ́ɛ ɖɔhun ó.”

Kɛ́nsísɔ́ 27:2

Selofɛxádi sín vǐ nyɔ̌nu énɛ́ lɛ́ɛ wá mɔ Mɔyízi kpó vɔ̌sánú-xwlémawutɔ́ Eleazáa kpó, kpó tomɛxó Izlayɛ́li tɔn lɛ́ɛ kpó, kpódó togun Izlayɛ́li tɔn ɔ́ bǐ kpó, ɖo Goxɔ ɔ́ sín ali nu, bo ɖɔ:

Kɛ́nsísɔ́ 27:20

A nǎ ná acɛ e a ɖǒ ɔ́ ɖe e, bónú Izlayɛ́li ví lɛ́ɛ bǐ ná se tónú n'i.

Kɛ́nsísɔ́ 27:22

Mɔyízi bló nǔ e Mawu Mavɔmavɔ ɖɔ n'i é. É kplá Jozuwée wá vɔ̌sánú-xwlémawutɔ́ Eleazáa nukɔn, ɖo togun ɔ́ bǐ nukún mɛ.

Kɛ́nsísɔ́ 27:5

Ée yě ɖɔ mɔ̌ ɔ́, Mɔyízi ɖɔ nǔ e byɔ́ wɛ yě ɖe ɔ́ nú Mawu Mavɔmavɔ.

Sɛ́nflínmɛ 31:3

Mawu Mavɔmavɔ, Mawu mitɔn ɖésú ná nɔ mi nu, é ɖésú ná vívá kún nú akɔta e ɖo Judɛ́ɛn tɔ ɔ́ gúdo lɛ́ɛ bǐ, bɔ mi ná yí to yětɔn. Jozuwée wɛ ka ná nɔ nu mitɔn lě e Mawu Mavɔmavɔ ɖɔ gbɔn é.

Sɛ́nflínmɛ 33:8

Xó e Mɔyízi ɖɔ dó Levíi ví lɛ́ɛ wú é ɖíe: “Mawu Mavɔmavɔ, a zě Tumímu kpó Wulímu kpó dó así nú Levíi ví mɛsɛntɔ́ gbejínɔtɔ́ towe lɛ́ɛ, a ko tɛ́n yě kpɔ́n ɖo Masa hwɛ̌, bó ɖɔ hwɛ xá yě ɖó Mɛliba sin xó ɔ́ wú.

Jozuwée 9:14

Ée yě ɖɔ mɔ̌ ɔ́, Izlayɛ́li ví lɛ́ɛ sɔ́ kan gbe byɔ́ Mawu Mavɔmavɔ ǎ, lobo dó alɔ nǔɖuɖu e yě hɛn ɔ́ jí,

Hwɛɖɔtɔ́ 1:1

Ée Jozuwée kú gúdo ɔ́, Izlayɛ́li ví lɛ́ɛ kan nǔ byɔ́ Mawu Mavɔmavɔ bɔ é ná ɖɔ akɔta e ɖó na yi tɔ́n ahwan Kanáanu lɛ́ɛ jɛ nukɔn ɖo akɔta yětɔn lɛ́ɛ mɛ ɔ́ nú yě.

Hwɛɖɔtɔ́ 20:18

Izlayɛ́li ví lɛ́ɛ yi Betɛ́li bó yi kan nǔ byɔ́ Mawu bó ná tunwun akɔta yětɔn e ɖó ná tɔ́n ahwan Bɛnjamɛ́ɛ sín mɛ lɛ́ɛ jɛ nukɔn é. Bɔ Mawu Mavɔmavɔ ɖe Judáa sín akɔta ɔ́.

1 Samuwɛ́li 14:19

Hwenu e Sawúlu ɖo xó ɖɔ nú vɔ̌sánú-xwlémawutɔ́ ɔ́ wɛ é ɔ́, zǐngídi ɔ́ lɛ́ ɖo syɛ́nsyɛ́n d'é jí wɛ ɖo fí e Filisitɛ́ɛn lɛ́ɛ ɖó gɔnu ɖó é; énɛ́ ɔ́, Sawúlu ɖɔ nú vɔ̌sánú-xwlémawutɔ́ ɔ́ ɖɔ: “Ma xaji kan nǔɖé byɔ́ Mawu ó.”

1 Samuwɛ́li 23:9

Davídi se nǔ baɖabaɖa e lin dó wǔ tɔn wɛ Sawúlu ɖe é, bó ɖɔ nú vɔ̌sánú-xwlémawutɔ́ Abiyatáa ɖɔ: “Sɔ́ nǔ e è nɔ dó kan nǔ byɔ́ Mawu ɔ́ wá.”

1 Samuwɛ́li 28:6

Sawúlu kan nǔ byɔ́ Mawu Mavɔmavɔ; Mawu Mavɔmavɔ ka kɛ nu d'é mɛ n'i ǎ. É xo dlɔ̌ ɛ ǎ, é ká ɖɔ xó n'i gbɔn Wulímu vɔ̌sánú-xwlémawutɔ́ lɛ́ɛ tɔn jí ǎ, é ká ɖɔ xó n'i gbɔn gbeyíɖɔ tɔn lɛ́ɛ ɖě jí ǎ.

1 Samuwɛ́li 30:7

É ɖɔ nú vɔ̌sánú-xwlémawutɔ́ Abiyatáa Aximɛlɛ́ki ví ɔ́ ɖɔ: “Sɔ́ efódu ɔ́ wá.” Abiyatáa sɔ́ wá n'i.