Kɛ́nsísɔ́ 27:18 - MAWUXÓWÉMA

¹⁸ Ée Mɔyízi ɖɔ mɔ̌ ɔ́, Mawu Mavɔmavɔ ɖɔ n'i ɖɔ: “Zě Jozuwée Nuni ví ɔ́. Nya ɖé wɛ é nyí bɔ Yɛ ce ɖo jǐ tɔn. A nǎ sɔ́ alɔ towe ɖó jǐ tɔn.

Kɛ́nsísɔ́ 27:18 Iomraidhean Croise

Bǐbɛ́mɛ 41:38

Énɛ́ ɔ́, axɔ́sú ɔ́ ɖɔ nú gǎn hɔn-yitɔ́ tɔn lɛ́ɛ ɖɔ: “Nya élɔ́ ɔ́, Yɛ Mawu tɔn ɖo jǐ tɔn. Mǐ ná sixú mɔ étɔn ɖɔhun a?”

1 Tan 7:27

Elicama ji Nuni, Nuni ji Jozuwée.

Tíntɔ́n 17:9

Énɛ́ ɔ́, Mɔyízi ɖɔ nú Jozuwée ɖɔ: “Jozuwée, cyán súnnu e ná sixú fun ahwan nú mǐ lɛ́ɛ, bó yi fun ahwan xá Amalɛ́ki ví lɛ́ɛ; é jɛ sɔ ɔ́, un ná cí só ɔ́ ta bɔ Mawu sín kpo ɔ́ ná ɖo alɔ ce mɛ.”

Daniyɛ́li 5:14

Un se ɖɔ nǔmɛsɛn lɛ́ɛ sín yɛ ɖo jǐ we, bɔ a nɔ mɔ nukúnnú jɛ nǔ wú céɖécéɖé bó bí, bɔ nǔnywɛ́ e a ɖǒ ɔ́, gbɛtɔ́ ɖěbǔ ɖó ǎ.

Kɛ́nsísɔ́ 11:17

Un ná jɛ te, bó ná ɖɔ xó nú we ɖo fínɛ́; un ná yí yɛ e ɖo jǐ towe ɔ́ ɖě, bó ná sɔ́ ɖó yě jǐ, bónú yě ná hɛn togun ɔ́ sín agban xá we, bónú hwi ɖokpónɔ ní má hɛn ó.

Kɛ́nsísɔ́ 13:16

Mɛ e Mɔyízi sɛ́ dó bɔ yě yi ba do nú to ɔ́ lɛ́ɛ sín nyǐkɔ lɛ́ɛ nɛ́. Mɔyízi sun nyǐ Hocea, Nuni ví súnnu ɔ́ ɖɔ Jozuwée.

Kɛ́nsísɔ́ 13:8

Hocea, Nuni ví súnnu ɔ́, ɖo akɔta Eflayímu tɔn mɛ,

Kɛ́nsísɔ́ 27:23

É sɔ́ alɔ ɖó jǐ tɔn, bó sɔ́ ɛ ɖó tɛn tɔn mɛ, lě e Mawu Mavɔmavɔ ɖɔ gbɔn n'i é.

Jǎan 3:34

Mɛ e Mawu sɛ́ dó ɔ́, Mawuxó wɛ é nɔ ɖɔ; ɖó Mawu nɔ ɖó jlɛ̌ nú Yɛ tɔn e é nɔ ná mɛ e é sɛ́ dó ɔ́ ǎ.

Mɛsɛ́dó 13:3

Ée yě blá nu bó xo ɖɛ gúdo ɔ́, yě ɖǒ alɔ Baanabási kpódó Sólu kpán jí, bó nyi yě.

Mɛsɛ́dó 19:6

Pɔ́lu ka ɖó alɔ yě jí, bɔ Yɛsinsɛn wá yě jǐ, bɔ yě jɛ gbe ɖěvo dó jí, bó jɛ xó e Mawu ɖɔ nú yě ɔ́ ɖɔ jí.

Mɛsɛ́dó 6:3

Énɛ́ ɔ́ wú ɔ́, nɔví ce lɛ́ɛ mi, mi gbɔ bo kpɔ́n miɖée mɛ, bó cyán súnnu tɛ́nwe e ɖó jijɔ ɖagbe, bɔ Yɛsinsɛn kpó nǔnywɛ́ kpó gɔ́ ayi mɛ ná lɛ́ɛ é, bónú mǐ ná sɔ́ yě ɖó azɔ̌ énɛ́ ɔ́ nu.

Mɛsɛ́dó 6:6

Yě wá kplá yě mɛ tɛ́nwe lɛ́ɛ yi mɛsɛ́dó lɛ́ɛ gɔ́n, bɔ mɛsɛ́dó lɛ́ɛ xo ɖɛ, bó ɖó alɔ yě jí.

Sɛ́nflínmɛ 1:37

Mi wú wɛ Mawu Mavɔmavɔ sin xomɛ dó nyi lɔmɔ̌, bó ɖɔ nú mì ɖɔ: “Hwi lɔmɔ̌ ná byɔ́ to ɔ́ mɛ ǎ.

Sɛ́nflínmɛ 3:21

“Hwenɛ́nu ɖokpó ɔ́, un lɛ́ ɖɔ nú Jozuwée lɔmɔ̌ ɖɔ: ‘Hwi ɖésú mɔ lě e Mawu Mavɔmavɔ, Mawu mǐtɔn wa axɔ́sú we énɛ́ lɛ́ɛ sín nǔ gbɔn ɔ́ ɖó nukún towe wú ganjí. Mɔ̌ wɛ Mawu Mavɔmavɔ ná wa axɔ́súɖuto e a nǎ tɔ́n ahwan lɛ́ɛ bǐ sín nǔ gbɔn.

Sɛ́nflínmɛ 3:28

Đɔ xó e a ɖǒ ɔ́ nú Jozuwée, bó dó wǔsyɛ́n lanmɛ n'i, bó ná ɛ akɔ́nkpinkpan, ɖó é wɛ ɖo togun ɔ́ nukɔn ná nɔ wɛ, bɔ yě ná dó asá Judɛ́ɛn tɔ ɔ́, bɔ é ná yí to e a nǎ mɔ sɛ́ dó ɔ́ nú yě, bɔ é ná nyí yětɔn.”

Sɛ́nflínmɛ 31:14

Mawu Mavɔmavɔ ɖɔ nú Mɔyízi ɖɔ: “Hwenu e a nǎ kú é ɖíe ɖo yǐyá wɛ e; ylɔ̌ Jozuwée bónú mi wá goxɔ e mɛ un nɔ kpé togun ce ɖe ɔ́ mɛ. Un ná ná ɛ gbetakɛ́n ce lɛ́ɛ ɖo fínɛ́.” Ée é ɖɔ mɔ̌ ɔ́, Mɔyízi kpó Jozuwée kpó yi goxɔ ɔ́ mɛ.

Sɛ́nflínmɛ 31:23

Énɛ́ ɔ́ gúdo ɔ́, Mawu Mavɔmavɔ ɖɔ nú Jozuwée Nuni ví ɔ́ ɖɔ: “Kpan akɔ́n, bó dó gǎn ɖó hwi wɛ ná kplá Izlayɛ́li ví lɛ́ɛ byɔ́ to e sín akpá un dó nú yě ɔ́ mɛ; nyi ɖésú ká ná nɔ kpɔ́ xá we.”

Sɛ́nflínmɛ 31:3

Mawu Mavɔmavɔ, Mawu mitɔn ɖésú ná nɔ mi nu, é ɖésú ná vívá kún nú akɔta e ɖo Judɛ́ɛn tɔ ɔ́ gúdo lɛ́ɛ bǐ, bɔ mi ná yí to yětɔn. Jozuwée wɛ ka ná nɔ nu mitɔn lě e Mawu Mavɔmavɔ ɖɔ gbɔn é.

Sɛ́nflínmɛ 34:9

Nǔnywɛ́ sín yɛ ɖaxó ɖé gɔ́ Jozuwée Nuni ví ɔ́, ɖó Mɔyízi dlɛ́n alɔ dó jǐ tɔn. É wɛ Izlayɛ́li ví lɛ́ɛ jɛ tónú se ná jí sín hwenɛ́nu, bó nɔ́ nyi sɛ́n e Mawu Mavɔmavɔ ná yě gbɔn Mɔyízi jí lɛ́ɛ.

1 Timɔtée 4:14

Ma dó vɛ̌ nú nǔníná e ɖo así we, bɔ Mawu ná we hwenu e gbeyíɖɔ Mawu tɔn lɛ́ɛ ɖɔ Mawuxó, bɔ agunmɛxó lɛ́ɛ ɖ'alɔ jí we ɔ́ ó.

1 Timɔtée 5:22

Ma hwlɛ́n dó, bó ɖ'alɔ mɛɖé jí ó; mɛɖé hu hwɛ hǔn, ma ɖó alɔ ɖ'é mɛ ó, bó hɛn hwiɖée dó mímɛ́ jí.

Eblée 6:2

è nǐ lɛ́ kɔ sín nǔkplɔ́nmɛ e kunkplá yɛhwesin lilɛ tɛnmɛ tɛnmɛ lɛ́ɛ kpódó alɔ ɖó mɛ jí kpó ɔ́ gúdo, bó lɛ́ kɔ sín mɛkúkú ná fɔ́n sín kú xó kpódó hwɛɖónúmɛ mavɔ mavɔ sín xó jlájlá kpó gúdo.

Jozuwée 1:17

Mǐ ná se tónú nú we ɖo nǔ bǐ mɛ, lě e mǐ se tónú nú Mɔyízi gbɔn é. Mawu Mavɔmavɔ, Mawu towe ní vɛ́ kó sixú nɔ kpɔ́ xá we, lě e é nɔ kpɔ́ xá Mɔyízi é ɖɔhun.

Hwɛɖɔtɔ́ 11:29

Yɛ Mawu Mavɔmavɔ tɔn wá ta nú Jɛfutée. Bɔ Jɛfutée gbɔn Galadi gbé jí, bó gbɔn ayǐkúngban Manasée tɔn jí. Énɛ́ ɔ́ gúdo ɔ́, é yi Misipa ɖo Galadi, bó ná gbɔn Amumɔ́ɔ ví lɛ́ɛ sín ayǐkúngban jí.

Hwɛɖɔtɔ́ 3:10

Yɛ Mawu Mavɔmavɔ tɔn wá ta nú Ɔtiniyɛ́li bɔ é húzú togun Izlayɛ́li tɔn sín gǎn. É yi ahwan fun gbé bɔ Mawu Mavɔmavɔ bló bɔ é ɖu ɖo axɔ́sú Mɛzopotamíi tɔn Kucáni-Hliceatayímu jí.

1 Samuwɛ́li 16:18

Mɛsɛntɔ́ lɛ́ɛ ɖokpó ká yí xó, bó ɖɔ: “Un tunwun Jɛsée Bɛteleyɛ́munu ɔ́ sín vǐ ɖokpó, bɔ é nyɔ́ nǔ xo ganjí. Nyaví ahwanfuntɔ́ ɖé wɛ. É nyɔ́ xó ɖɔ ganjí. É nyɔ́ ɖɛkpɛ. Asúká ɖokpó wɛ. Mawu Mavɔmavɔ ɖo kpɔ́ xá ɛ.”