Kɛ́nsísɔ́ 27:17 - MAWUXÓWÉMA

¹⁷ Sɔ́ mɛ e ná sixú nɔ yě nu, ɖo ali bǐ nu é, bónú togun towe ní má cí lɛ̌ngbɔ́ e má ɖó nyinyitɔ́ ǎ lɛ́ɛ ɖɔhun ó.”

Kɛ́nsísɔ́ 27:17 Iomraidhean Croise

2 Samuwɛ́li 5:2

Đ'ayǐ e Sawúlu nyí axɔ́sú mǐtɔn ɔ́, mɛ wɛ nɔ kplá ahwanfuntɔ́ Izlayɛ́li tɔn lɛ́ɛ yi ahwangbénu, bó nɔ lɛ́ kplá yě wá xwé. Mawu Mavɔmavɔ ko ɖɔ nú mɛ ɖ'ayǐ ɖɔ mɛ wɛ ná kpé nukún dó togun émítɔn Izlayɛ́li ɔ́ wú lě e lɛ̌ngbɔ́nyitɔ́ nɔ kpé nukún dó lɛ̌ngbɔ́ tɔn lɛ́ɛ wú é ɖɔhun, mɛ wɛ ná nyí to ɔ́ sín gǎn.”

1 Axɔ́sú 22:17

Ée é ɖɔ mɔ̌ ɔ́, Micée ɖɔ n'i ɖɔ: “Un mɔ nǔ: un mɔ Izlayɛ́li togun ɔ́, togun ɔ́ bǐ gba dó gbɔn sókan mɛ sókan mɛ; yě gbadó lɛ̌ngbɔ́ e má ɖó nyinyitɔ́ ǎ lɛ́ɛ ɖɔhun, bɔ Mawu Mavɔmavɔ ɖɔ: ‘Mɛ nɛ́ lɛ́ɛ sɔ́ ɖó mɛɖé bɔ é ɖo yě nu ǎ. Mɛ ɖokpó ɖokpó ní bó lɛ́ kɔ yi xwé tɔn gbe; è ma fun ahwan ó.’ ”

1 Axɔ́sú 3:7

Mawu Mavɔmavɔ, Mawu ce, din ɔ́, a sɔ́ nyɛ mɛsɛntɔ́ towe dó ɖó axɔ́sú dó tɔ́ ce Davídi tɛnmɛ. Yɔkpɔ́vú wɛ un ka nyí. Un tunwun lě e un ná wa azɔ̌ énɛ́ ɔ́ gbɔn ɔ́ ǎ.

2 Axɔ́sú 11:8

Mi mɛ bǐ ná lɛ́ lɛ̌ dó axɔ́sú ɔ́, bɔ mɛ ɖokpó ɖokpó ná hɛn ahwanfunnú tɔn alɔ mɛ. Mɛ ɖěbǔ dó ta mi mɛ hǔn, mi hu mɛ ɔ́. Axɔ́sú ɔ́ sɛ afɔ hǔn, mi nɔ sɛ afɔ.”

2 Tan 1:10

Hǔn, bo ná nǔnywɛ́ kpódó nǔtunwuntunwun kpó mì, bónú ma tunwun lě e un ná wa nǔ gbɔn ɖo togun élɔ́ nu é! Đó togun ɔ́ sukpɔ́ dín! Nǔ énɛ́ lɛ́ɛ mɛ vo ɔ́, mɛɖé sixú nɔ togun e sukpɔ́ sɔ mɔ̌ ɔ́ nu ǎ.”

2 Tan 18:16

Ée é ɖɔ mɔ̌ ɔ́, Micée ɖɔ n'i ɖɔ: “Un mɔ nǔ: un mɔ Izlayɛ́li togun ɔ́ bǐ gba dó gbɔn sókan mɛ sókan mɛ, lɛ̌ngbɔ́ e má ɖó nyinyitɔ́ ǎ lɛ́ɛ ɖɔhun, bɔ Mawu Mavɔmavɔ ɖɔ: ‘Mɛ nɛ́ lɛ́ɛ sɔ́ ɖó mɛɖé bɔ é ɖo yě nu ǎ. Mɛ ɖokpó ɖokpó ní bó lɛ́ kɔ yi xwé tɔn gbe; è ma fun ahwan ó!’ ”

Ezekiyɛ́li 34:5

Énɛ́ ɔ́, lɛ̌ngbɔ́ ce lɛ́ɛ gbadó, ɖó lɛ̌ngbɔ́nyitɔ́ jɔ lɛ̌ngbɔ́nyitɔ́ ɖé ɖo yě nu ǎ, bɔ yě húzú nǔɖuɖu nú gběkanlin lɛ́ɛ bó gbadó.

Zakalíi 10:2

Vodún e kan nǔ byɔ́ wɛ mi nɔ ɖe lɛ́ɛ ɔ́, adingban ɖó nú mi wɛ yě nɔ́ ɖe. Bokɔ́nɔ lɛ́ɛ ɔ́, nǔ e kan wɛ yě nɔ́ ɖe bó nɔ́ ɖo ɖiɖɔ nú mi wɛ lɛ́ɛ ɔ́, nǔvú ɖó wɛ yě nɔ́ ɖe. Dlɔ̌ e tínmɛ nú mi wɛ yě nɔ́ ɖe lɛ́ɛ nyí nǔɖé wa nú ǎ. Hwihwɛ́ e xo mi wɛ yě nɔ́ ɖe ɔ́, blɛ̌blɛ́ mi wɛ yě nɔ́ ɖe. Énɛ́ ɔ́ wú wɛ togun ɔ́ ɖo flúflú wɛ wǔbláwúblá, kanlin e ma ɖó nyinyitɔ́ ǎ é ɖɔhun.

Zakalíi 13:7

Mawu Mavɔmavɔ Nǔbǐwúkpétɔ́ ɔ́ ɖɔ: “Hwǐ, sí te, tɔ́n ahwan lɛ̌ngbɔ́nyitɔ́ ɔ́, lɛ̌ngbɔ́nyitɔ́ e un sɔ́ bɔ é ná wa azɔ̌ xá mì é. Hu i, énɛ́ ɔ́ lɛ̌ngbɔ́ lɛ́ɛ ná gba dó, bɔ un ná tɔ́n ahwan lɛ̌ngbɔ́ e má ɖó hlɔ̌nhlɔ́n ǎ lɛ́ɛ.”

Matíe 10:6

Izlayɛ́li ví e cí lɛ̌ngbɔ́ búbú ɖɔhun lɛ́ɛ gɔ́n wɛ mi ná yi.

Matíe 15:24

Jezu ka yí gbe bo ɖɔ: “Izlayɛ́li ví e ci lɛ̌ngbɔ́ búbú ɖɔhun lɛ́ɛ kɛ́ɖɛ́ gbé mɛ wɛ Mawu sɛ́ mì dó.”

Matíe 9:36

Ée Jezu mɔ mɛ énɛ́ lɛ́ɛ ɔ́, nǔ yětɔn blá wǔ n'i, ɖó é mɔ ɖɔ nǔ gbɛ́ dó yě, bɔ wǔ kú yě, bɔ yě cí lɛ̌ngbɔ́ e ma ɖó nyinyitɔ́ ǎ lɛ́ɛ é ɖɔhun,

Maki 6:34

Ée Jezu wá jɛ te sín tɔjíhún ɔ́ mɛ wá agě jí ɔ́, é mɔ gbɛtɔ́ wɔ̌buwɔ́bú ɖé lɛ́ɛ, bɔ nǔ yětɔn blá wǔ n'i; ɖó yě cí lɛ̌ngbɔ́ e má ɖó lɛ̌ngbɔ́nyitɔ́ ǎ é ɖɔhun. Énɛ́ ɔ́, é jɛ nǔ gěgé kplɔ́n yě jí.

Jǎan 10:9

Nyɛ wɛ nyí hɔn ɔ́. Mɛ e ná gbɔn jǐ ce ɔ́, è nǎ hwlɛ́n ɛ gán; é ná nɔ́ yi, bó ná nɔ́ wá, bó ná nɔ́ mɔ nǔ ɖu.

Sɛ́nflínmɛ 31:2

“Xwe kantɔn (120) ɖó wɛ un ɖe din, un sɔ́ ɖó hlɔ̌nhlɔ́n bó ná ɖo mi kplá wɛ bɔ mǐ nǎ ɖo yiyi wɛ ǎ. Mawu Mavɔmavɔ ka ko ɖɔ nú mì lɔ ɖɔ nyi kún ná dó asá Judɛ́ɛn tɔ ɔ́ ó.

1 Piyɛ́ɛ 2:25

Đó lɛ̌ngbɔ́ e bú lɛ́ɛ ɖɔhun wɛ mi cí ɖ'ayǐ; amɔ̌ din ɔ́, è ko lɛ́ kplá mi wá mɛ e nyí lɛ̌ngbɔ́nyitɔ́ mitɔn, bó nɔ cɔ́ mi ɔ́ gɔ́n.

1 Samuwɛ́li 18:13

Énɛ́ ɔ́ wú wɛ é ɖe Davídi sín akpá, bó sɔ́ ɛ ahwangán, bɔ é kpa acɛ dó sɔ́ja afatɔ́n (1.000) nu. Bɔ Davídi nɔ nɔ sɔ́ja lɛ́ɛ nu, bɔ yě nɔ́ yi fun ahwan, bó nɔ wá xwé.

1 Samuwɛ́li 8:20

Bɔ mǐ lɔ ná cí togun ɖě lɛ́ɛ ɖɔhun. Axɔ́sú mǐtɔn ná nɔ mǐ nu, bó ná nɔ́ kplá mǐ yi ahwan.