Kɛ́nsísɔ́ 27:14 - MAWUXÓWÉMA

¹⁴ Đó hwenu e togun Izlayɛ́li tɔn ɔ́ ɖo xó ba mì wɛ ɖo gbětótló Síni tɔn mɛ ɔ́, mi gbɛ́ nǔ e un ɖɔ mi ní wa ɔ́ bló. Hwenu e yě ɖo sin byɔ́ wɛ ɔ́, mi ɖe mǐmɛ́ e un nyí ɔ́ xlɛ́ ɖo nukún yětɔn mɛ ǎ.” Mɛliba sín sin e ɖo Kadɛ́ci, ɖo gbětótló Síni tɔn mɛ ɔ́ sín xó ɖɔ wɛ é ɖe.

Kɛ́nsísɔ́ 27:14 Iomraidhean Croise

Tíntɔ́n 17:7

È ɖǒ nyǐkɔ nú fí énɛ́ ɔ́ ɖɔ Masa kpó Mɛliba kpó; tínmɛ tɔn wɛ nyí “tɛ́nkpɔ́n” kpó “xóbiba” kpó, ɖó Izlayɛ́li ví lɛ́ɛ ba xó Mɔyízi bó tɛ́n Mawu Mavɔmavɔ kpɔ́n bó ɖɔ: “Mawu Mavɔmavɔ ɖo tɛ́ntin mǐtɔn a? Abǐ é ɖo tɛ́ntin mǐtɔn ǎ?”

Kɛ́nsísɔ́ 13:21

Énɛ́ ɔ́, mɛ lɛ́ɛ yi bó ba do nú to ɔ́; yě bɛ́ sín gbětótló Síni tɔn mɛ, káká yi Hlexɔ́vu ɖo Lɛbo-Hamáti toxo ɔ́ nukɔn.

Kɛ́nsísɔ́ 20:1

Izlayɛ́li togun ɔ́ bǐ wǎ gbětótló Síni tɔn ɔ́ mɛ ɖo sun nukɔn tɔn ɔ́ mɛ, bó ɖó gɔnu ɖó Kadɛ́ci. Kadɛ́ci fínɛ́ wɛ Miliamu kú ɖe, bɔ è ɖi i ɖó fínɛ́.

Kɛ́nsísɔ́ 20:24

“Aalɔ́ɔn ná kú ɖo malín málín mɛ, é sɔ́ ná byɔ́ to e un ná Izlayɛ́li ví lɛ́ɛ ɔ́ mɛ ǎ, ɖó mi se tónú nú mì ɖo Mɛliba sin ɔ́ kɔn ǎ.

Kɛ́nsísɔ́ 20:5

Nɛ̌ gbɔn bɔ mi kplá mǐ sín Ejípu wá tɛn nyanya élɔ́ mɛ fí? È sixú dó nǔ ɖěbǔ ɖó fí ǎ; fígitín ɖě ɖo fí ǎ, vǐwungbo ɖě ɖo fí ǎ, glenáditín ɖě ɖo fí ǎ, sin nunu ka lɛ́ ɖo fí ǎ.”

Kɛ́nsísɔ́ 27:15

Mɔyízi ɖɔ nú Mawu Mavɔmavɔ ɖɔ:

Mɛsɛ́dó 7:51

“Mi tamɛtitɔ́, tótlítɔ́, ayisyɛ́nsyɛ́nnɔ lɛ́ɛ mi; gǔ jɛ́n mi nɔ fɔ́n dó Yɛsinsɛn jí; nǔ e tɔ́gbó mitɔn lɛ́ɛ wa ɔ́, é wa wɛ jɛ́n mi lɔmɔ̌ ɖe.

Sɛ́nflínmɛ 1:37

Mi wú wɛ Mawu Mavɔmavɔ sin xomɛ dó nyi lɔmɔ̌, bó ɖɔ nú mì ɖɔ: “Hwi lɔmɔ̌ ná byɔ́ to ɔ́ mɛ ǎ.

Sɛ́nflínmɛ 4:22

Hǔn nyɛ ná kú ɖo to élɔ́ mɛ; un ná dó asá Judɛ́ɛn tɔ ɔ́ gbeɖé ǎ; midɛɛ lɛ́ɛ ná dó asá Judɛ́ɛn tɔ ɔ́, bó ná yí to ɖagbe énɛ́ e ɖo tɔ ɔ́ gúdo é.