Kɛ́nsísɔ́ 27:13 - MAWUXÓWÉMA

¹³ A nǎ kpɔ́n to ɔ́ sɛ́ dó; énɛ́ ɔ́ gúdo ɔ́, hwi lɔmɔ̌ ná kú nɔví towe Aalɔ́ɔn ɖɔhun.

Kɛ́nsísɔ́ 27:13 Iomraidhean Croise

Bǐbɛ́mɛ 25:17

Xwe kantɔn afɔtɔn-nukún-we (137) wɛ Isimayɛ́li ɖó, bɔ gbɔjɛ tɔn xwɛ, bɔ é yi mɔ tɔ́gbó tɔn lɛ́ɛ.

Bǐbɛ́mɛ 25:8

bɔ gbɔjɛ tɔn xwɛ. Hǔn é nɔ kpikpoxɔmɛ ɖésú có gbɛ nyɔ́ n'i. É dɔ́ ji ɖésú cóbó yi mɔ tɔ́gbó tɔn lɛ́ɛ.

Kɛ́nsísɔ́ 31:2

“Yi dɔn tó nú Madiáani ví lɛ́ɛ, bó dó ba Izlayɛ́li ví lɛ́ɛ sín hlɔn, ɖó nǔ nyanya e Madiáani ví lɛ́ɛ wá xá yě ɔ́ wú. Énɛ́ ɔ́ gúdo ɔ́, a nǎ yi su tɔ́gbó towe lɛ́ɛ.”

Kɛ́nsísɔ́ 33:38

Vɔ̌sánú-xwlémawutɔ́ Aalɔ́ɔn xá Hɔ́ɔ só ɔ́ jí lě e Mawu Mavɔmavɔ ɖɔ n'i gbɔn é. Fínɛ́ wɛ é kú ɖe; Izlayɛ́li ví lɛ́ɛ gosín Ejípu ɔ́, xwe tɔn kanɖégɔ́ ɔ́ (40) mɛ wɛ é kú ɖo sun atɔ́ɔ́ngɔ́ ɔ́ sín azǎn nukɔntɔn ɔ́ gbe.

Sɛ́nflínmɛ 1:37

Mi wú wɛ Mawu Mavɔmavɔ sin xomɛ dó nyi lɔmɔ̌, bó ɖɔ nú mì ɖɔ: “Hwi lɔmɔ̌ ná byɔ́ to ɔ́ mɛ ǎ.

Sɛ́nflínmɛ 10:6

“Izlayɛ́li ví lɛ́ɛ gosín sɛ́tɔ e ɖo Benɛ-Yakáni lɛ́ɛ kɔn, bó yi Mɔsela. Mɔsela fínɛ́ wɛ Aalɔ́ɔn kú bɔ è ɖi i dó. Vǐ tɔn Eleazáa jɛ do tɔn mɛ bó nɔ wa vɔ̌sánú-xwlémawutɔ́zɔ́.

Sɛ́nflínmɛ 31:14

Mawu Mavɔmavɔ ɖɔ nú Mɔyízi ɖɔ: “Hwenu e a nǎ kú é ɖíe ɖo yǐyá wɛ e; ylɔ̌ Jozuwée bónú mi wá goxɔ e mɛ un nɔ kpé togun ce ɖe ɔ́ mɛ. Un ná ná ɛ gbetakɛ́n ce lɛ́ɛ ɖo fínɛ́.” Ée é ɖɔ mɔ̌ ɔ́, Mɔyízi kpó Jozuwée kpó yi goxɔ ɔ́ mɛ.

Sɛ́nflínmɛ 31:16

Mawu Mavɔmavɔ ɖɔ nú Mɔyízi ɖɔ: “Zaanɖé din ɔ́, a nǎ yi su tɔ́gbó towe lɛ́ɛ. Hwenu e a ma sɔ́ ná ɖo fí ǎ é ɔ́, Izlayɛ́li togun ɔ́ ná jɛ nǔmɛsɛn e ɖo to e mɛ yě xwe lɛ́ɛ sɛn jí. Yě ná jó mì dó, bó ná hɛn akɔ e un jɛ xá yě ɔ́ gblé.

Sɛ́nflínmɛ 32:50

Só énɛ́ e jí ná xá wɛ a ɖe ɔ́ jí wɛ a nǎ kú jɛ, bó ná yi mɔ tɔ́gbó towe lɛ́ɛ, lě e nɔví towe Aalɔ́ɔn kú gbɔn ɖo Hɔ́ɔ só jí, bó yi mɔ tɔ́gbó tɔn lɛ́ɛ é.

Sɛ́nflínmɛ 4:22

Hǔn nyɛ ná kú ɖo to élɔ́ mɛ; un ná dó asá Judɛ́ɛn tɔ ɔ́ gbeɖé ǎ; midɛɛ lɛ́ɛ ná dó asá Judɛ́ɛn tɔ ɔ́, bó ná yí to ɖagbe énɛ́ e ɖo tɔ ɔ́ gúdo é.