Kɛ́nsísɔ́ 27:11 - MAWUXÓWÉMA

¹¹ Ényí é má ká ɖó tɔ́ nɔví súnnu ǎ ɔ́, yě ná zé jó nú hɛ̌nnumɔ tɔn e sɛkpɔ́ ɛ hú hɛ̌nnumɔ tɔn ɖě lɛ́ɛ bǐ ɖo xwédo tɔn mɛ é; sɛ́n ɖé wɛ sɛ́n énɛ́ ɔ́ ná nyí, bó ná ɖo te káká sɔ́yi nú Izlayɛ́li ví lɛ́ɛ, lě e nyɛ Mawu Mavɔmavɔ ɖɔ nú Mɔyízi gbɔn é.”

Kɛ́nsísɔ́ 27:11 Iomraidhean Croise

Jelemíi 32:8

Nǔgbó ɔ́, tɔ́ ce nɔví ví Hanamɛ́li ɔ́ wá gɔ̌n ce, lě e Mawu Mavɔmavɔ ɖɔ gbɔn é. É wá gɔ̌n ce ɖo fí e sɔ́ja e nɔ cɔ́ axɔ́sú ɔ́ lɛ́ɛ nɔ́ nɔ é sín kɔ́xota, bó ɖɔ: “Wǎ xɔ gle ce e ɖo Anatɔ́ti, ɖo Bɛnjamɛ́ɛ yíkúngban jí é, ɖó hwi wɛ nyí mɛ ce e sɛkpɔ́ mì ganjí é; hǔn hwi wɛ nyí mɛ nukɔntɔn e ɖó acɛ e ná vɔ́ gle ɔ́ xɔ é, bɔ é ná nyí towe.” Ée é ɖɔ mɔ̌ ɔ́, un mɔ ɖɔ Mawu Mavɔmavɔ wɛ ɖɔ xó nú mì nǔgbó.

Levíi ví 25:25

“Nú nɔví mitɔn ɖé jɛ ya mɛ, bó sa ayǐkúngban tɔn ɖě ɔ́, mɛ e nyí mɛ tɔn bó sɛkpɔ́ ɛ ganjí, bó ɖó acɛ, bó hɛn ɔ́ é ná vɔ́ ayǐkúngban ɔ́ xɔ ɔ́ ná wá, bó ná vɔ́ ayǐkúngban ɔ́ xɔ ɖo mɛ e é sa xá ɔ́ sí.

Levíi ví 25:49

Nú nɔví tɔn ɖě má vɔ́ ɛ xɔ ǎ ɔ́, atagán tɔn abǐ ataví tɔn ɖé, abǐ vǐ yětɔn súnnu ɖé sixú vɔ́ ɛ xɔ; abǐ mɛ tɔn ɖěvo ɖé sixú vɔ́ ɛ xɔ. Nú é ɖésúnɔ ɖó hlɔ̌nhlɔ́n tɔn ɔ́, é sixú vɔ́ éɖée xɔ.

Kɛ́nsísɔ́ 27:10

Ényí é má ká ɖó nɔví súnnu ǎ ɔ́, yě ná zé jó nú tɔ́ tɔn nɔví súnnu lɛ́ɛ.

Kɛ́nsísɔ́ 35:29

“Sɛ́n e mi kpó vǐ mitɔn lɛ́ɛ kpó ná nɔ́ xwedó hwebǐnu dó ɖɔ hwɛ xá mɛ ɖo fí e mi ná nɔ́ nɔ lɛ́ɛ bǐ é nɛ́.

1 Samuwɛ́li 30:25

Lě e è nɔ wa nǔ gbɔn ɖo Izlayɛ́li sín gbe énɛ́ gbe káká wá jɛ égbé ɔ́ nɛ́, bɔ é húzú sɛ́n ɖo Izlayɛ́li, bó ɖo ayǐ káká jɛ égbé.