Kɛ́nsísɔ́ 27:1 - MAWUXÓWÉMA

¹ Maxla, Nɔwa, Hogla, Miluka kpódó Tíisa kpó ɔ́, vǐ nyɔ̌nu Selofɛxádi tɔn lɛ́ɛ wɛ yě nyǐ. Selofɛxádi ka nyí Hefɛ́ɛ ví, Hefɛ́ɛ nyí Galadi ví, Galadi nyí Makíi ví, bɔ Makíi nyí Manasée ví. Hɛ̌nnu Manasée tɔn ɔ́ mɛ wɛ yě jɔ ɖe. Manasée ka nyí Jozɛ́fu ví.

Kɛ́nsísɔ́ 27:1 Iomraidhean Croise

1 Tan 7:15

Makíi da asi nú Hupímu, bó da nú Cupimu. Nɔví tɔn nyɔ̌nu ɔ́ nɔ́ nyí Maaka. Makíi lɛ́ ji vǐ ɖěvo, bɔ é nɔ́ nyí Selofɛxádi. Selofɛxádi ɔ́ ka ji nyɔ̌nu kɛ́ɖɛ́.

Kɛ́nsísɔ́ 26:33

Selofɛxádi Hefɛ́ɛ ví súnnu ɔ́ ji vǐ súnnu ɖě ǎ; nyɔ̌nu kɛ́ɖɛ́ wɛ é ji. Vǐ lɛ́ɛ sín nyǐkɔ ɖíe: Maxla, Nɔwa, Hogla, Miluka kpódó Tíisa kpó.

Kɛ́nsísɔ́ 27:2

Selofɛxádi sín vǐ nyɔ̌nu énɛ́ lɛ́ɛ wá mɔ Mɔyízi kpó vɔ̌sánú-xwlémawutɔ́ Eleazáa kpó, kpó tomɛxó Izlayɛ́li tɔn lɛ́ɛ kpó, kpódó togun Izlayɛ́li tɔn ɔ́ bǐ kpó, ɖo Goxɔ ɔ́ sín ali nu, bo ɖɔ:

Galatinu 3:28

Hǔn din ɔ́, Jwifu sɔ́ ɖo vo nú mɛ e ma nyí Jwifu ǎ é ǎ; kannumɔ sɔ́ ɖo vo nú mɛ e ma nyí kannumɔ ǎ é ǎ; súnnu sɔ́ ɖo vo nú nyɔ̌nu ǎ; ɖó mi mɛ bǐ wɛ nyí ɖokpó ɔ́ ɖo Klísu Jezu mɛ.